Jeremi 14:14 - U TIENU MAAMA TILI 2013

¹⁴ O Diedo den yedi nni: «Bi saawalipuaba pua faame n yeli nni. Mii soani ba, mii puogi ban yedi liba. Mii maadi leni ba mo. Bi pua faame ke bi laadi li bonla, bi tuonli li tie baayuadiidu leni buli ŋoadima. Bi taani bi pala nni boandi yo, ki pua yi po saawali.»

Gourmanchéma Bible

¹⁴ Li Miali Diedo den yedi nni: «Bi sawalipuaba pua mi faame n yeli nni. Mii soani ba, Mii puogi ban yedi liba. Mii maadi leni ba mo. Bi pua mi faama ke bi laadi li bonla Bi tuonli n tie baayuadiidu leni *buli ŋoadima bebe yaaka, Bi pala nni boandi yo ke bi taani ki pua yipo sawali.»

Jeremi 14:14 ပူးပေါင်းရင်းမြစ်များ

Esayi 56:10

Yaaba n guu Isidayeli kuli tie juama, Baa bani puu kuli. Bikuli tie sangbanmuula. Bi kan fidi ki gogi, Kelima bi faadi mi guama. Bi faadi ki waagi ki dua, Ki dangi boncianla.

Esayi 9:15

Bi naa niba gobidikaaba baa biani ba. Yaaba n teni ke bi gobidi ba mo baa bodi cain.

Jeremi 20:6

Fini Pasehuri mo leni yaaba n ye a diegu nni kuli, yi baa gedi ti yonbidi Babilonni. A baa n kpe lipo ban piini a, fini leni a danlinba, ŋan den pua yaaba yaa po mi saawalifaama.› »

Jeremi 28:11

ki yedi bi niba kuli nintuali: «O Diedo yedi nanda: ‹Diidi min baa mudi Babilonni bado Nebukanesa paalu maama n yeni, i nibuoli kuli po, ne leni binalie siiga.› » Li yaa puoli, o saawalipualo Jeremi mo den taa o sanu ki ban caa.

Jeremi 28:13

«Gedi ki ban yedi Anania: o Diedo yedi ke a baa fidi ki mudi yaa landili n tie daadi. Fini Jeremi, lingi ti kudi landili ki tieni ti daadi kaanu.

Jeremi 28:15

O saawalipualo Jeremi den yedi o saawalipualo Anania: «Cengi Anania! O Diedo naa soani a, ke a nan pia bi naa niba ki boandi ki puuni ba li papaali.

Jeremi 29:21

Li Miali Diedo U Paaciamu Kuli Daano, Isidayeli Tienu maadi Kolaya bijua Akabi leni Maaseya bijua Sedesiasi, yaaba n pua mi saawalifaama n yeli nni: «N baa lu ba Babilonni bado Nebukanesa nuu nni. Bi baa pua ki kpa ba yi nunbu nni.

Jeremi 29:31

«Soani ban yedi ban gedini yaaba ti yonbidi kuli, ke o Diedo yedi Semaya Nehelam yua po line: ‹Nani wan pua yi po saawali ke n naa soani o yeni, ki teni ke yi dugi yaala n ki pia yi po todima yeni,› »

Jeremi 37:19

Yi saawalipuaba yaaba n den pua saawali ki tua: ‹Babilonni bado kan cua ki baa yi, o kan cua ki baa mi diema yeni ye le?›

Jeremi 5:31

Lani n tie: Bi saawalipuaba pua mi saawalifaama, Bi kopadicianba lingi bi yucela ŋamu bebe, N niba mo sua ke lani n dagidi bi po. Yi baa tieni lede saala po?

Jeremi 8:10

Lani n teni ke n baa taa bi puoba ki teni nitoaba, Ki teni yaaba n paadi ba mo n diedi bi kuani, Kelima ki cili ki bonwaaga ki ban pundi o nikpelo, Bikuli li tiini ki lingi bi yucela ŋamu bebe. Ki cili o saawalipualo ki ban taani o kopadiciamo, Bikuli li ye i janbi po yo.

Jeremi 8:11

Bi nua yaa nufanu n pua n niba leni mi kafaama. Bi kpaagi ki tua: «Mi yanduanma ye, mi yanduanma ye,» Ke yanduanma naa ye.

Jeremi Bubula 2:14

A saawalipuaba baa a po li bonlekaala, Yaa bonlekaala n ki pia ñuadiba, Kaa pia fuomiba kuli mo. Baa kadi ki waani a tagili kuli cain, Ki baa ñani a ti yonbidi nni. Bi baa a po yaa bonlekaala n kaa mani, Ki go pia i boandi.

Jeremi Bubula 2:9

Siyon buliñoana feli ki tinga nni. O bolini a, ki pua ki mudi o sendabila. O bado leni o koanbala kuli ye I nilanbuoli siiga. Bali maama ki go ye, Ba o saawalipualo ki go baadi Bonlekaala o Diedo kani.

Esekieli 12:24

Bi kan go pua yi mi saawalifaama, ki yedi ke bi baa bonlekaaliba, bi ki boandi yi leni baaguba, Isidayeli buolu siiga.

Esekieli 13:2

«Fini nisaalo biga, ŋan fu leni Isidayeli saawalipua-faadanba, bani yaaba n naandi bi pala nni ki pua saawali, ki yedi ba ke ban cengi o Diedo maama.

Esekieli 13:23

Lanwani, yi kan go naani bonlekaala. Yi kan go bu baagu bi po. N baa faabi n niba yi nuu nni. Lani, yi baa bandi ke n tie Li Miali Diedo.› »

Esekieli 21:29

Li tie lani yaa po, ke mini o Diedo U Tienu yedi mi naa maama: Yi tiadi yi biadima yaa tiadima, yi yiema n den doagidi maama leni yi tuonbiadi mo n den doagidi yi bontienkaala kuli nni maama. Lanwani, nani yin guani ki tiadi lipo yeni po, yi baa baa yibalinba nuu nni.

Mise 3:11

Jerusalemi bujiaba gaani a suuna ki ja ti buudi, Likani kopadicianba bangi li bali maama ti ñuadi po, Bi saawalipuaba mo pua saawali i ligi po. Ama leni lani kuli, bi baa ki dugi o Diedo po ki tua: «Naani o Diedo ki ye leni ti? Fala kan nandi ti abada.»

Sakari 10:2

Diidi mani i buli n guandi yi Yaala kuli tie faama, A baabuula n doagidi yaala kuli Tie faama, Yaaba n bundi ti dangidi maadi mafanma, Ki baagidi yi fanma fanma. Lani n cedi ke bi niba puagi ki lindi Ki laadi fala nani yaa yankulu N ki pia kpaalo yeni.

Sakari 13:3

Li yaa tie ke nilo go pua saawali, o baamado leni o naamado baa yedi o: ‹Li pundi ŋan kpe, kelima a maadi ki pua mi faama, ki nan yedi ke o Diedo n soani a.› Lanwani o baa leni o naa, bani yaaba n mali o yeni baa muu ki kpa o, wan pua mi saawalifaama yaa yogunu.

Mi Tiadima 18:20

Ama yaa saawalipualo n paagi o pali ki maadi n yeli nni, min kaa puogi o wan maadi yaama, bi o yaa maadi tiento yeli nni, bi baa kpa laa saawalipualo.›

1 Timote 4:2

Bi baa yaa ŋua bi bangi-faadanba yaa palieda, bani yaaba yaa pala siedi n kpe, nani ban juu yaala leni yaa kudi n tongi ki moandi yeni.

1 Jan 4:1

N buakaaba, yin da dugi mani yaaba n yedi ke bi pia U Tienu Fuoma Yua kuli po. Ama yin biigi ba ki bandi bi yaa pia U Tienu n puuni yaa Fuoma, kelima bi saawalipua-faadanba boncianla yadi yadi ŋanduna nni.