Jeremi 11:21 - U TIENU MAAMA TILI 2013

²¹ Lani n teni ke o Diedo maadi nanda, ki yie Anatoti yaaba po. Bani yaaba n bua a kuuma, ki tua: «Da pua saawali o Diedo yeli nni. Lani yaa ka tinba n baa kpa ŋa.»

Gourmanchéma Bible

²¹ Lani n teni ke Li Miali Diedo maadi nanda ki yie Anatoti yaaba po. Bani yaaba n bua a kuuma Ki tua: «Da pua sawali Li Miali Diedo yeli nni. Lani yaaka tinba n baa kpa ŋa.»

Jeremi 11:21 ပူးပေါင်းရင်းမြစ်များ

Esayi 30:10

Bi ŋua ki tua yaaba n nua saala bonla: «Da nua mani.» Ki tua bi saawalipuaba mo: «Da pua mani ti po yaa saawalo n tiegi! Yaa banbidi ti mani! Yaa togidi ti mani yaala n mani.

Jeremi 1:1

Yaa maama n ye ne tie Jeremi, Hilikiya Anatoti kopadicianba siiga yendo yaame. Jeremi tie Benjamen diema yua yo.

Jeremi 1:19

Bi baa fii ki sedi a po, Ama bi kan fidi ki paadi a, Kelima n ye leni a ki baa faabi a. Mini o Diedo n yedi yeni.»

Jeremi 20:10

N gba ke bi niba boncianla maadi N po ti mayuogidi. Bi tianba tua: «Jawaanciandi i kaani kuli.» Bine mo tua: «Tin daadi ki sieni o mani!» Bi tianba tua: «Yeni de! Tin daadi ki sieni o mani!» Ba n danlibuadiba li lingi n ciinu yo, Ki sugini ki cuo nni n tagili nni. Lanwani, bi soabidi ki tua: «Tin cuo o ki tuu ti panli!»

Jeremi 26:8

Jeremi n den maadi ki gbeni o Diedo n den soani o wan yedi yaala li nitaanli yaa yogunu, bi kopadicianba, bi saawalipuaba leni li nitaanli kuli den cuo o, ki yedi o: «A maadi a miali gbenma maama n yeni!

Jeremi 32:7

«A yiado Salumi bijua Anameeli baa cua a kani, ki yedi a: ‹Daa n kuanu yuu n ye Anatoti, kelima a pia u sanu ki daa ki diedi u kuanu yeni.› »

Jeremi 34:20

Lani n teni ke n baa lu ba bi yibalinba yaaba n bua ki ñani bi miana yeni nuu nni. Bi tinkpiba baa tua jiema tanpoli nuani leni ki tinga yandi po.

Amosi 2:12

Ama yi ñuni li nianli yaaba duven, Yi yedi bi saawalipuaba, Ke ban da go pua saawali.

Mise 7:6

Landaali, yuakuli yibali baa yaa tie o diegu nni yua yo, Kelima ki bonjaga baa fali o baa, Ki bonpuoga n fiini mi yiema o naa po, Ki biyuaga mo n yaa nani o yaanaa.

Matie 10:21

Kpelo leni waalo siiga, bi tianba baa cuo biyaba ki teni ban kpa ba. Bibaanba baa cuo bi bila ki teni ban kpa ba. A bila mo baa fii ki sedi bi danba po ki cuo ba ki teni ban kpa ba.

Matie 21:35

Bi koaguudiba den cuo o naacenba ki pua yendo, ki kpa one, ki lugidi o taalo mo a tana.

Matie 22:6

yaaba n sieni mo den cuo o naacenba ki fiagi ba ki kpa ba.

Luki 4:24

O den pugini ki yedi: «N waani yi i moamoani, bi kan gaa saawalipualoba kuli bonŋanla o dandogu nni.