Jeremi 11:20 - U TIENU MAAMA TILI 2013

²⁰ Ama Li Miali Diedo tie yaa bujialo n tiegi, Yua n bani bi niba yantiana bonŋanla. N baa le ŋan baa tuu ba i panpaani maama, Kelima n cua ki buni fine n maama.

Gourmanchéma Bible

²⁰ Ama Li Miali Diedo tie yaa bujialo n tiegi Yua bani bi niba yantugudi bonŋanla. N baa le ŋan baa tu i panpaani maama Kelima n cua ki buni fine n maama.

Jeremi 11:20 ပူးပေါင်းရင်းမြစ်များ

Mi cilima 18:25

A kan tuo o niteginka n taani ki kpe leni o nibiado. A kan tuo o niteginka n tua yenma leni o nibiado. Laa tuonli buolu foagi leni a. Li foagi leni a cain. Naani yua n ja ti buudi leni ki tinga yaaba kuli, o kan tieni mi teginma?»

2 Bi Badiba 19:14

Esekiasi den gaa a tonda kani li tili ki cogi. Lanwani, o den taa li ki gedi o Diedo diegu nni, ki poabidi o Diedo nintuali.

1 Bi Badiba Jama 28:9

Lanwani, fini, Salomon n bijua, ŋan bandi a baa Tienu, ki yaa tuuni o po leni payenli leni yantiayenli, kelima o Diedo bani a pala kuli, ki diidi a yantiana kuli. A yaa lingi o, o baa tuo ŋan le o. Ama a yaa ŋaa o, omo baa lu ŋa yaa yogunu kuli po.

1 Bi Badiba Jama 29:17

N Tienu, n bani ke a biigidi O nisaalo pali ki bua mi teginma. N puni a yaa paabu n tie ne kuli leni ti bulicindi leni ku yantugupiengu. N go laa moala leni li pamanli a niba yaaba n ye nekanba n puni a bi paabu leni yaa bulicindi.

Jobi 5:8

Li yaa bi tie mine, N bi baa yaa miadi U Tienu yo. N bi baa waani U Tienu yo n payianu.

Pisomi 139:23

U Tienu, kpaagi nni ki bandi n pali cain, Biigi nni ki bandi n jaga kuli.

Pisomi 35:2

Taa a gbankoanditi ki fii ki todi nni!

Pisomi 43:1

Saa n po i moamoani n Tienu, Koani leni yaa nibuolu n ki tiegi yeni Ki gaa nni. Faabi nni i janbi danba Leni bi nibiadiba nuu nni!

Pisomi 57:1

Bi yanyinba yudaano yani siiga yanbu, ban yiini yaabu leni ban yi yaa yanbu: «Da bolini» yaa nialu. Davidi yanbu. Li tiadi Davidi n den sani ki kua ku joatanlongu nni ki baa cia Sayuli.

Pisomi 58:10

Hali ke i konkoni daa tongi yi boba, U Tienu pali n beni maama po, O baa teni ku tafaagu n tugi, Ki gedini bi nibiadiba.

Pisomi 7:10

Teni bi nibiadiba biadima n gbeni, Paagi a niteginka. Fini yaa Tienu n tiegi, Ki biigidi li pali leni li yantiali kuli.

Pisomi 7:8

I nibuoli boncianla gaani ki lindi a, Fini yua n ye tanpoli, ŋan diedi bikuli.

Pisomi 7:9

O Diedo ja ti buudi leni i nibuoli. Saa n po i moamoani o Diedo, Nani n teginma leni n papienli N pundi maama.

Pisomi 98:9

Leni li pamanli o Diedo nintuali, Kelima o kpendi ki baa jia ki tinga buudi, O baa jia ŋanduna buudi leni mi teginma, Ki jia i nibuoli buudi mo ke li tiegi.

Jeremi 12:1

Fini o Diedo, a tiegi ki kandi hali yaala Ke n kan fidi ki bu leni a. Ama leni lani kuli, N bua ki maadi a a buudi maama. Be n teni ke bi nibiadiba bonla kuli cuoni bi po? Be n teni ke i janbi danba yama dua bi yema nni?

Jeremi 12:3

Fini o Diedo, a bani nni, A nua nni, a bani yaala n ye n pali nni. Nani ban ñani yaa pe ki baa n kodi yeni, Piadi ki sieni ba mi kodima daali po.

Jeremi 15:15

Fini o Diedo, a bani likuli, Tiadi n po ki todi nni, Tuu n po n panli leni yaaba n wangi nni fala. Da kpa nni, fini yua yaa pali n ki be tontoni. Bandi ke n laa i fe buoli kuli kelima a po.

Jeremi 17:10

Mini Li Miali Diedo n biigidi a pala, Ki bandi yaala n ye o nilo yantugu nni, Ki baa guani yuakuli, Nani o sanbila n tie maama, Ki pa yuakuli mo o panpaani, Nani o tuona n tie maama.»

Jeremi 17:18

Teni i fe n cuo yaaba n sedi n po. Ama mini wani n da fiagi, Teni ban digibi, Ama mini wani n da digibi. Teni fala daali n cua bi po, Teni fala n yaa lindi ki baali ba.

Jeremi 20:12

Fini Li Miali Diedo U Paaciamu Kuli Daano Biigidi o niteginka. A nua yaa jaga leni yaa yantiana n wuo. N baa le ŋan baa tuu ba li panli maama, Kelima n cua ki piani n yuli fini yaa kane.

Jeremi Bubula 3:58

O Diedo, n buudi nni, a maadi n po, Ki daa ki faabi n miali.

Jeremi Bubula 3:59

O Diedo, a nua ban tudi n po maama, Saa n po n moamoani.

Jeremi Bubula 3:64

O Diedo ŋan soani bani moko yeni. Ŋan guani ba bi janda.

Esekieli 11:5

Lane, U Tienu Fuoma den jiidi n po, ki puogi nni min yedi yaa maama n tie ne: «O Diedo yedi: n bani yinba Isidayeli yaaba yin tua yaala leni yin maliti yaala yi pala nni.

Jesu Tondiba Tuona 17:31

Wani U Tienu bili ti buudi daali, wan baa jia ŋanduna yaaba kuli buudi yaa daali leni mi teginma. O gandi o nilo, ki bili ke o baa jia laa buudi. O saa i moamoani ke li baa tieni yeni leni wan fiini yaa nilo bi tinkpiba siiga.»

Filipi 4:6

Yin da yagi mani yi yama bonliba kuli po. Ama li bonla kuli yaa po, yin waani U Tienu yin luo yaala, ki yaa jaandi ki miadi o, ki go tuondi o.

2 Timote 4:14

O maano Alekisandri den tieni nni mi biadima boncianla. O Diedo baa guani o nani o tuona n tie maama.

1 Pieri 2:23

Ban den sugidi o yaa yogunu, waa den guani liba. Ban den faligidi o yaa yogunu, waa den funi leni ba. Ama o den tendi o yuli, Yua n ja ti buudi leni mi teginma.

Mi Doagidima 18:20

Tanpoli, mangi a pali u bodima po. Yinba bi nigagidiŋanba, Bi tondiba leni bi saawalipuaba kuli Mo n mangi yi pala, Kelima U Tienu tuu yi po li panli ki jia u buudi.»

Mi Doagidima 2:23

N go baa kpa o bila moko. Lanwani, Kilisiti Nitaana kuli baa bandi ke n tie yua n nua bi niba yantiana leni bi pala kuli, ki go baa pa yi siiga yuakuli o panpaani, nani wan tieni maama.

1 Samueli 16:7

Ama o Diedo den yedi Samueli: «Ŋan da diidi o bugima leni wan foagi maama. Mii gandi wani ka. Mini U Tienu, mii nua ki biigidi nani o nisaalo n nua ki biigidi maama ka. O nisaalo nua i nuni n laa yaale, ama mini o Diedo nua li pali nne.»

1 Samueli 24:15

Fini Isidayeli bado, a ñani ki baa tuogi leni ŋme bu toabu? A ŋua ki deli ŋme? Mini o sangbankpiemo, mini li canfundili?