Jaki 5:16 - U TIENU MAAMA TILI 2013

¹⁶ Lanwani, yin tuo yi tuonbiadi yiyaba nintuali, ki go yaa jaandi yiyaba po ke yin paagi. O niteginka jaandi pia u paalu hali boncianla.

Gourmanchéma Bible

¹⁶ Lanwani yin tuo mani yi tuonbiadi yiyaba nintuali, ki go yaa jaandi yiyaba po ke yin paagi. O niteginka jaandimoani pia u paalu hali boncianla.

Jaki 5:16 ပူးပေါင်းရင်းမြစ်များ

Mi cilima 19:29

U Tienu n den bolindi laa diema dogi yaa yogunu, o den tiadi Abalahama po, ki teni ke Loti sani ki ciadi mi bolinma niinni.

Mi cilima 20:17

Abalahama den mia U Tienu ke o paagi Abimeleki leni o pua leni o puotuada kuli, ke bi den fidi ki punbi ki mali.

Mi cilima 20:7

Moala ŋan guani o joa yeni o pua, kelima o tie saawalipualo. O baa jaandi a po, lani n tie ŋan yaa ye. Ama a yàá guani o, ŋan bandi ke a baa kpe, fini leni a niba kuli.»

Mi cilima 32:28

O den yedi o: «A yi lede?» O den guani ki yedi o: «N yi Jakob.»

2 Samueli 19:19

Yaa ñinbiagu n den baa duoni o bado deni yaaba, den gedi ki baa taa ba, nani o bado n bua maama. O bado n den duodi Jurden yaa yogunu, Gera bijua Simeyi den labini ki pugi o.

1 Bi Badiba 13:6

Lanwani, o bado den yedi U Tienu nilo: «Mia n po o Diedo a Tienu sugili o pali n guani ki jiidi n po, wan paagi n nuu.» U Tienu nilo den mia o Diedo ke o bado guani o nuu ke u guani ki tua nani wun den kpa tie maama.

2 Bi Badiba Jama 30:20

O Diedo den cengi Esekiasi jaanma, kaa den waani bi niba fala.

Jobi 42:8

Moala, baa mani naatonalele leni petonalele ki gedi n naacemo Jobi kani, ki padi yi yula po li padijuukaali. N naacemo Jobi baa jaandi yi po, kelima n jigini o. N kan faligi yi, nani yi yanluoma n bi pundi maama, kelima yii maadi n po, ke li tiegi nani n naacemo Jobi yeni.»

Pisomi 34:15

Foagidi leni mi biadima Ki yaa tiendi yaala n ŋani. Lingi mi yanduanma, ki yaa ŋua ma.

Mi Ñama 17:11

Yaa yogunu ke Musa den yuugi o nuu kuli, Isidayeli yaaba yaa paalu n den cie. Ama o yaa den jiini o nuu yaa yogunu, Amaleki yaaba mo n den pia u paalu ki cie.

Mi Ñama 9:33

Musa den fii Faraon kani, ki ñani u dogu nni. O den yugidi o nii o Diedo kani ke i tatantani leni a tatana den sedi, ki taaga moko den yandi cain.

Mi Kpanjama 15:29

O Diedo foagidi leni bi nibiadiba, Ama o cengi bi niteginkaaba jaandi.

Mi Kpanjama 15:8

O Diedo nani bi nibiadiba pada, Ama o pali mani bi niteginkaaba jaandi po.

Mi Kpanjama 28:9

Nilo yaa biini o tuba kaa bua Ki cengi li bali maama, Ba o jaandi mo tie caginde.

Jeremi 15:1

O Diedo den yedi nni: «Ba Musa leni Samueli yaa cua n kani, n yama kan guani bi naa niba kani. Deli ba ban foagidi n kani. Deli ba ban yaa caa!

Jeremi 33:3

«Yini nni, n baa tuo, n baa waani a yaa bonla n yabi, yaa bonla n wuo ke ŋaa bani la.

Jeremi 42:2

o saawalipualo Jeremi kani ki yedi o: «Cengi ti po ti miabu: mia o Diedo a Tienu tinba yaaba n sieni nne kuli po! Ti den yabi boncianla, ama moala nani ŋan nua maama, tii go fuu.

Mi Coadima 11:2

Bi den buudi Musa kani. Musa den jaandi ki mia o Diedo, ke u mu gbindi.

Matie 21:22

Yin baa jaandi ki mia yaala kuli leni li dandanli, yi baa baa la.»

Matie 3:6

Bi den tuodi ki doagidi bi tuonbiadi, ki cedi ke Jan batisi ba Jurden kpenu nni.

Marki 1:5

Jude diema yaaba leni Jerusalemi dogu yaaba boncianla den kpendi Jan kani. Bi den tuodi ki doagidi bi tuonbiadi, ke Jan batisi ba Jurden kpenu nni.

Luki 9:6

Lani, bi ŋoadikaaba den fii ki gedi ki goadi i dowaali nni ki wangi o Laabaaliŋamo, ki paagidi a yiama i kaani kuli.

Jan n diani U Tienu Laabaaliŋamo maama 9:31

Ti bani ke U Tienu ki cengi ti tuonbiadi danba maama, ama o cengi yua n jigini o ki tiendi o yanbuama.

Jesu Tondiba Tuona 10:38

Yi go bani U Tienu n den teni ke o Fuoma Yua jiidi Jesu Nasareti yua po, ki gbie o niinni, ki puni o u paalu maama. Yi go bani ke o den caa i kaani kuli ki ŋanbidi bi niba po, ki faabidi Sutaani n den miabi yaaba kuli, ki paagidi ba kelima U Tienu den ye leni o.

Jesu Tondiba Tuona 19:18

Yaaba n den tuo ki daani siiga boncianla den kpendi ki togidi bi niba nintuali, ban den tieni yaala.

Jesu Tondiba Tuona 8:24

Simon den guani ki yedi: «Mia n po mani o Diedo, ke yin yedi yaala kuli n da cua n kani.»

LOMA YAABA 3:10

nani lan diani maama: «Oba kuli ki tiegi, ba niyendo.

LOMA YAABA 5:19

Nani niyendo yaa yiema n den teni ke bi niba boncianla tua ti tuonbiadi danba maama, li go tie yeni, niyendo yaa tuoma baa teni niba boncianla n baa li moamoansaali.

Kolosi 1:9

Li tie lani yaa po ke hali tin gbadi lani kuli yaa daali, ti jaandi yi po U Tienu kaa cedi, ki miadi o wan gbieni yi pala leni yaa yanfuoma leni yaa fanu n ñani wani U Tienu kani, ke yin bandi o yanbuama.

1 Tesaloniki 5:17

Yaa jaandi mani yogunu kuli ki da cedi.

1 Tesaloniki 5:23

Mi yanduanma Tienu, wani o ba n yaa gagidi ki ŋanbidi yi cain yi pala nni, yi yantiana nni leni yi gbanandi nni kuli. Lani n tie yin da pia tagiliba kuli ti Diedo Jesu Kilisiti cuama daali.

1 Tesaloniki 5:25

Ti kpiiba, yin yaa miadi U Tienu ti po.

Hebilunba 11:4

Li tie li dandanli yaa po ke Abeli den padi U Tienu po yaa padili n ŋani ki cie Kayini yaali. Li tie li dandanli yaa po ke U Tienu den yedi ke o tiegi, ki den gaa wan padi o po yaa padili. Laa dandanli yaa po yo ke o baa ki maadi, ba ke o kpe.

Hebilunba 11:7

Li tie li dandanli yaa po ke Nowe den cengi U Tienu n den tuodi ki waani o ke yaala n baa tieni, ba ke bi daa den nua la. Li fangili yaa jeje den cuo o U Tienu po, ke o kpie ku ñinbiaciangu, ki baa gaa o deni yaaba miana. Wan den tieni yeni, o den buni ki cuo ŋanduna, ki den baa li moamoansaali, yaali n baadi kelima li dandanli yaa po.

Hebilunba 12:13

Yi taana n yaa ŋua yaa sani n cuubi, ke yua n diani taali n da kpigidi, ama lin paagi.

Hebilunba 13:18

Yaa jaandi mani ti po, kelima ti bani cain ke ti pala siedi ŋani, ki go bua ti tagi n yaa tiegi li bonla kuli nni.

Josue 10:12

O Diedo n den taa Amori yaaba ki tieni Isidayeli yaaba nuu nni yaa daali, Josue den mia o Isidayeli yaaba kuli nintuali ki yedi: «Fini u yienu, ŋan sedi Gabaon yuli po, Fini o ŋmaalo, a mo n sedi Ayaloni joaloangu yuli po.»

1 Pieri 2:24

Wani yua n den tugi ti tuonbiadi O gbanandi nni ku daagu po, Ke tinba yaaba n kpe ti tuonbiadi po yeni, N yaa ji ye ki fo, ki tiendi mi teginma. Li tie o poagilima yaa po yo, ke yi paagi.

1 Jan 3:22

Tin miadi yaala kuli, ti baadi la o kani kelima ti kubi o bali maama, ki go tiendi yaala n mani o po.

1 Samueli 1:12

Wan den waagi ki jaandi o Diedo nintuali, Eli den diidi o ñoabu.

1 Samueli 12:17

Tii ye ŋalikama ceyogunu ka? Ki taaga n ki go mi yaa yogunu. N baa jaandi ki mia o Diedo, o baa soani ki taaga leni i tatantani. Lani, yi baa bandi ke yi tudi boncianla o Diedo nintuali leni yin mia ban dini yi po o bado.»

1 Samueli 12:18

Lanwani, Samueli den jaandi ki mia o Diedo ke o soani ki taaga leni i tatantani landaali. Bi niba kuli den jie o Diedo leni Samueli hali boncianla.