Jaki 5:1 - U TIENU MAAMA TILI 2013

¹ Moala yinba a piada, cengi mani! Yin yaa buudi a bubupaala, kelima yaa fala n baa baa yi po.

Gourmanchéma Bible

¹ Moala yinba a piada, yin cengi mani! Yin yaa buudi mani a bubupaala kelima yaa fala n baa baa yipo yaa po.

Jaki 5:1 ပူးပေါင်းရင်းမြစ်များ

Pisomi 17:14

O Diedo, deli ki ñani ba ŋanduna ne niinni, Lani n tie bi biinu yaa jamaano n tie ne niinni. Guoni ba leni ŋan sieni ba yaala, Ki teni bi bila mo n je la ki guo, Ki sieni la bi yaabila po.

Mi Kpanjama 11:28

Yua n dugi o piama po baa ŋmadi ki baa, Ama bi niteginkaaba baa bundi nani ti faadi yene.

Mi Kpanjama 11:4

Li pabienli daali, mi piama ki tie puu kuli. Ama mi teginma faabidi leni mi kuuma.

Esayi 13:6

Mua mani ki figindi Kelima o Diedo daali nagini. Lidaali kpendi nani o bolinka yeni. Li ñani mi bolinma daano kane.

Esayi 15:3

Bi sani nni, bi la ti paboantiadi, A diena yula po, mu daamu kuli nni Bi niba wolini ki mua.

Jeremi 4:8

Lani yaa po, yie mani li paboanli tiadi. Buudi mani ki yaa kaliti, Kelima o Diedo pabiencianli kan cedi yi.»

Jeremi 9:23

Yua n bua ki jigini o yuli, N jigini o yuli kelima o pia mi yanfuoma ki bani nni, Ki bani ke n tie Li Miali Diedo, Yua n tiendi mi ŋanma, Ki ja yaa buudi n tiegi, Ki tiendi yaala n tiegi ki tinga nni. Min bua yaala n yeni.» Mini o Diedo n yedi yeni.

Esekieli 19:2

Ŋan yedi: «Yi naa den tie be? Yangbanñua. O den laabi a yangbanjala siiga. Li tie yangbanbisaaga siiga yo Ke o den wubi o bila.

Esekieli 30:2

«Nisaalo biga, ŋan pua saawali Ki yedi ke o Diedo, U Tienu yedi mi naa maama: Mua mani ŋain ke fala daali kpendi.

Joeli 1:11

Bi kpakpaaba gbani wudi, I duventiidi kpakpaaba buudi ŋalikama leni orje po, Kelima i kuani bonluonkaala bia cain.

Joeli 1:13

Yinba bi kopadicianba, La mani li paboanli tiadi ki biidi yi pala. Yinba yaaba n tuuni li padibinbinli kani, mua mani. Cua mani ku ñiagu ki duani ki la li paboanli tiadi, Kelima mi pienma pada leni a ñincaba bodi ti Tienu diegu nni.

Joeli 1:5

A dañogaada, fundi mani ki mua boncianla. Yinba yaaba n ñu duven, buudi mani, Kelima bi babidi yi yi dapanma.

Mise 6:12

U dogu nni piada mabindi a luoda, Ki pua mi faama ki janbidi bi lieba.

Sofoni 1:18

O Diedo pabienli daali, Bi ŋanjilifa leni bi wula kan fidi ki faabi ba. O Diedo pabienli mu baa buoni ki tinga kuli, Li baa yaa bia hali boncianla. O baa bolini ki tinga niba kuli.»

Mi Tiadima 32:15

Yesuruni den dini ki gbengi, ki yiadi u danbu, Yi den dini ki guo ki gbengi, ki noadi bonŋanla. Isidayeli yaaba den ŋaa bi Tagido Ki fali bi faabima Tanciangu.

Jaki 1:11

U yienu pudi ke u wulitonma teni ke ti muadi kuodi, ke ti puuma mo suodi, tin pia yaa jawaama mo bodi. O piado moko baa mali ki suodi yene, o bontienkaala nni.

Jaki 2:6

Ama yinba, yi fali o luodo. Naani a piada ka mabindi yi, ki caani yi li bujiali kani?

Jaki 4:13

Moala, cengi mani n maama, yinba yaaba n tua: «Dinla, yaa ka saala, ti baa fii ki gedi u naa dogu, yaa ka une, ki ban bindi lipo, ki yaa tiendi u kpendu ki baadi ti ñuadi.»

Jaki 4:9

Yin bandi yi yebiadima, ki yaa ye leni li paboanli, ki yaa mua. Yin teni yi laadi n lebidi ki tua bubula, ki go teni yi pamanli n lebidi ki tua pabiidili.