Jaki 4:8 - U TIENU MAAMA TILI 2013

⁸ Yin nagini U Tienu kani, omo baa nagini yi kani. Yinba ti tuonbiadi danba, nidi mani yi nii. Ŋanbi mani yi pala, yinba yamilie danba.

Gourmanchéma Bible

⁸ Yin nagini mani U Tienu kani, o mo baa nagini yikani. Yinba, ti *tuonbiadi danba, yin nidi mani yi nii. Ŋanbi mani yi pala yinba yama lie danba.

Jaki 4:8 ပူးပေါင်းရင်းမြစ်များ

Mi cilima 18:23

Abalahama den nagini ki yedi: «Naani a baa teni bi niteginkaaba n taani ki bodi leni bi nibiadiba?

1 Bi Badiba Jama 28:9

Lanwani, fini, Salomon n bijua, ŋan bandi a baa Tienu, ki yaa tuuni o po leni payenli leni yantiayenli, kelima o Diedo bani a pala kuli, ki diidi a yantiana kuli. A yaa lingi o, o baa tuo ŋan le o. Ama a yaa ŋaa o, omo baa lu ŋa yaa yogunu kuli po.

2 Bi Badiba Jama 15:2

ke o ñani ki ban tuogi Asa ki yedi o: «Cengi mani nni, Asa, yinba Juda buolu leni Benjamen buolu kuli! O Diedo ye leni yi, li yaa tie ke yimo ye leni o. Yi yaa lingi o, o baa cedi yin le o. Ama yi yaa ŋaa o, omoko baa ŋaa yi.

Jobi 16:17

Ama n nii wani ki tieni biadimiba kuli, Joagindiba mo kuli ki ye n jaandi nni.

Jobi 17:9

O niteginka wani n yaa li suagi liiga o tagu nni, Yua yaa nii n ki pia joagindi mo Yaa fidu n yaa pugidi!

Jobi 9:30

Ba n yaa bi wali leni bu ciebu, Ki nidi n nii leni mi jiama,

Pisomi 119:113

N nani palalie danba, Ama n bua a bali maama.

Pisomi 145:18

O Diedo kuu leni yaaba n jaandi ki miadi o, Bani yaaba n jaandi ki miadi o leni i moamoani.

Pisomi 18:20

O den ñani nni ki mabinga nni, Ki teni ke n diedi n yuli. O den faabi nni kelima o bua nni.

Pisomi 24:4

Se yua yaa nii n ki joagini, Ke o pali mo pieni. Yua n ki puuni o yuli fanma bonla po. Yua kan pua faama ki poli.

Pisomi 26:6

O Diedo, n nidi n nii ki doagidi Ke mii pia tagili! N gaandi ki lindi a padibinbinli,

Pisomi 51:10

Teni min le li pamancianli. Teni ŋan mudi n kpaba ya yeni mo N le li pamankandikaali, ki jeli ki ciaga.

Pisomi 73:13

Lanwani, mini wani den li pendi N pali fanma fanme, Ki nidi n nii ki wangi ke mii pia tagili,

Pisomi 73:28

Mini wani, ki nagini U Tienu, N tie yaala n mani n po. N bili n dugidi o Diedo U Tienu kani, Yeni, n baa togidi ŋan tieni yaala kuli.

Esayi 13:15

Bi yaa nandi yaaba kuli, Bi baa muu ki kpa ba. Bi yaa cuo yaaba kuli, Bi baa kpa ba leni mu jugisiemu.

Esayi 29:13

O Diedo yedi: «A laa u naa nibuolu yen cua n kani, Ki yaa kpiagidi nni leni u ñoacuuna, Ama u pali foagi leni nni. Wun pia n po yaa fangili mo tie maasuagu bebe.

Esayi 58:2

Daali kuli bi lingi nni, Ki bua ki bandi n sani. Bi miadi nni yaa buudi n tiegi, Ki bua ki nagini U Tienu kani Nani yaa nibuolu n ŋua mi teginma yeni. Ama bi nan ŋaa U Tienu n bili bi po yaa bujiateginkaali.

Jeremi 4:11

Lanyogunu bi baa yedi Laa niba leni Jerusalemi dogu: «Mi fawaatonma ñani hali mi fanpienma po, Ki piebi Jerusalemi dogu niba po. Maa piebi ki baa lendi mi bima ka.

Jeremi 4:14

Jerusalemi, ñani a pali nni mi biadima, Lani n tie ŋan baa mi faabima. Hali u laa yogunu yo, ke a baa waagi Ki kubi a pali nni ti yantiabiadi?

Jeremi Bubula 3:57

Min yini a yaa daali ki mia ŋa mi todima, A yedi nni: «Da jie!»

Esekieli 18:31

Yin foagidi mani leni yin den tiendi yaa biadima. Lebidi mani yi pala leni yi yantiana. Be yaa po ke yinba Isidayeli yaaba baa kpe?

Sakari 1:3

Ama moala, ŋan yedi ba daa: ‹Yin lebidi ki guani mani n kani, nmoko baa guani yi kani.› Mini Li Miali Diedo U Paaciamu Kuli Daano n yedi yeni!

Malaki 3:7

Hali yi yaajanba yogunu, yi yaadi ki ŋaa n ñoamabona, kaa tiendi ŋan bili yaala. Lebidi mani ki guani n kani, nmo baa lebidi ki guani yi kani. Li Miali Diedo U Paaciamu Kuli Daano n yedi yeni. Ama yi tua: ‹Ti baa lebidi ki guani a kani lede?›

Matie 12:33

Tuo mani ke yaa tibu n ŋani, bu bonluonkaala moko baa yaa ŋani. Yaa tibu n kaa ŋani, bu bonluonkaala moko kan yaa ŋani. Bi bandi tibu kuli bu bonluonkaala po yo.

Matie 15:2

«Be yaa po ke a ŋoadikaaba miidi ti danbogida? Bi yaa baa je kuli, bi kan nidi bi nii.»

Matie 27:24

Pilati n den laa ke o maama ki baa sedima lipo, ke ku fuugu mo pugidi, o den taa mi ñima ki nidi o nii ku niligu nintuali, ki yedi: «Mii pia tagiliba o naa niteginka soawulima nni. Li ŋua yinbe!»

Jesu Tondiba Tuona 15:9

Waa den tieni gagidimiba tinba leni bani siiga. Ban den daani yeni po, o den ŋuudi ki ŋanbi bimoko yaa pala.

2 Korenti 7:1

N buakaaba, kelima tin pia laa ñoaniani yeni, tin yaa ŋanbidi mani ti yula. Tin yaa ñandi ti gbanandi leni ti yantiali kuli joagindi. Tin yaa tiendi ania ki suagi liiga leni mi gagidiŋanma, hali ki pundi li bianu U Tienu fangili nni.

1 Timote 2:8

Lani yaa po, n bua ke bi jaba n yaa jaandi i kaani kuli, ki yugidi yaa nii n ŋani cain, ki naa pia pabienli leni niamiba kuli.

Hebilunba 10:22

Lani kuli yaa po, tin yaa nagidi U Tienu kani leni li payenli leni li dandanmoanli, ki yaa pia yaa pala n ŋuudi ki ñani yaa pali siedi n bia leni yaa gbanandi n ŋuudi leni mi ñinŋanma.

Hebilunba 7:19

Li bali maama yeni ki den fidi ki ŋanbi liba kuli ke li dagidi cain. Ama U Tienu den yuandi ki cuani ti po yaa suginma n ŋani ki cie, tin baa yaa nagidi U Tienu, kelima yaama yaa po.

Jaki 1:8

O tie yamilie daano, kaa se kaanyendu o bontienkaala nni kuli.

Jaki 3:17

Ama yaa yanfuoma n ñani tanpoli n tie maama nne: Mi kpa ŋani cain, yaala n ŋua mo tie ke mi kpendinni mi yanduanma, ki dingi, ki pia li yumiinli, ki gbie leni mi ninñingbadima. Mi tiendi a tuonŋama, maa tiendi gagidima bi niba siiga, maa pia palalie mo.

1 Pieri 1:22

Moala yi ŋanbi yi yula leni yin ŋua i moamoani, ke yin fidi ki yaa pia yaa buama n ki pia tuonanma yi kpiiba po. Lanwani, yin yaa bua yiyaba hali boncianla leni yi pala kuli.

1 Pieri 3:21

Mi ñima yeni den tie yaa batisima n faabi yi moala yaa nannanli. Laa tie ke mi batisima ŋuudi ki ñani ti gbanandi joagindi ka. Ama mi baa teni o nilo n pa o yuli U Tienu leni yaa pali n ki pia joagindi. Yi baa ki faabi kelima Jesu Kilisiti fiima bi tinkpiba siiga yaa po.

1 Jan 3:3

Yua n pia laa dugidi kuli baa yaa ŋanbidi o yuli, nani wani o Diedo n ŋani maama yeni.

1 Samueli 14:35

Sayuli den maa li padibinbinli o Diedo po. Lini n tie wan den kpa maa yaali o Diedo po.