Jaki 4:6 - U TIENU MAAMA TILI 2013

⁶ U Tienu n tieni ti po yaa ŋanbili yabi ki cie, kelima i Diani yedi: «U Tienu yie bi japaadanba, Ama o puuni bi yumiindanba o ŋanbili.»

Gourmanchéma Bible

⁶ U Tienu n tieni tipo yaa *ŋanbili yaba ki cie kelima i Diani yedi: «U Tienu yie bi japaadanba, Ama o puuni bi yumiindanba o ŋanbili.»

Jaki 4:6 ပူးပေါင်းရင်းမြစ်များ

2 Bi Badiba Jama 32:26

Lanwani, ba Esekiasi japaadi nni, wani leni Jerusalemi yaaba kuli den bandi bi tagili, ki miini bi yula, ke o Diedo pabienli ki den baa bi po, Esekiasi miali dana nni kuli.

2 Bi Badiba Jama 33:12

O pabiidili nni, o den mia o Diedo o Tienu, o den bandi o tudima, ki den miini o yuli hali boncianla o Diedo o yaajanba Tienu nintuali,

2 Bi Badiba Jama 33:19

Hali ke Manase daa den tuo ki lebidi ki dingi oba, o jaandi leni U Tienu n den gaa i maama, o tuonbiadi, o tagili kuli, wan den maa i buli padibinbina a juana po naankani, wan den sieni Akera budaadi leni wan den kpie yaa nannana, likuli diani ki bili Hosayi tili nni.

2 Bi Badiba Jama 33:23

Waa den miini o yuli o Diedo kani nani o baa Manase n den miini o yuli maama. Ama Anmoni go den tieni yaala n bia ki cie.

2 Bi Badiba Jama 34:27

‹Nani ŋan cedi ke yaa maama n ye li naa tili nni, ki tie Jerusalemi dogu po leni u niba po, cuo a pali yeni, ke a miini a yuli n nintuali, ki dadi ki padi a tiayiekaadi, ki go buudi n nintuali yeni, mini moko gbadi.› O Diedo n yedi yeni.

Jobi 22:29

U Tienu biandi bi japaadanba jaga fanma, Ama o todi li yumiinli danba.

Pisomi 138:6

Ba o Diedo yaa ye hali tanpoli o nua taliginba, Ki bandi bi japaadanba mo hali foagima.

Pisomi 9:12

Yiini mani ki kpiagi o Diedo Yua n ye Siyon. Togidi mani bi niba nintuali o tuonŋanciama,

Mi Ñama 18:11

N bani moala ke Li Miali Diedo pia u paalu ki cie i tieni kuli, kelima o teni ke Ejipiti yaaba biadima guani ki baa bi yula po.»

Mi Kpanjama 15:33

O Diedo fangili bangi o nilo mi yanfuoma, Li yumiinli n kpeli ti kpiagidi.

Mi Kpanjama 18:12

Ti japaadi n baa cuani o nisaalo tingbali, Li yumiinli mo kpeli ti kpiagidi.

Mi Kpanjama 22:4

Li yumiinli leni o Diedo fangili Kpendinni mi piama, ti kpiagidi leni li miali.

Mi Kpanjama 29:23

O nisaalo japaadi n baa waani o i fe, Ama yua n tibini o yuli baa baa ti kpiagidi.

Mi Kpanjama 3:34

O ñuadi a ñuañuada, Ama o puuni li yumiinli danba o ŋanbili.

Esayi 2:17

O fii o nisaalo kafaama Leni bi niba japaadi kuli po, Ki baa jiini bi bala! O Diedo bebe n baa baa ti jigidi landaali.

Esayi 54:7

N den ŋaa ŋa u yogunu waamu po, Ama mi ninñincianma cuo nni Ke n baa guani ki taani a n kani.

Esayi 57:15

Yua n ye hali tanpolijoma, Wani yua n ye hali yaa yogunu kuli, Ke o yeli mo gagidi ki ŋani yedi: «N ye mi gagidiŋanma nni Leni yaa kaanu n kpedi ki cie I kaani kuli nni. Ama n go ye leni ban mabindi yua Leni yua n ye leni li pabiidili. Yeni n baa fidi ki baagi yaaba N ye li pabiidili nni, Ki go faabi yaaba n laadi fala bi pala nni.

Matie 13:12

Bi baa pa ki pugini yua n pia, wan baa ki pugini, ama yua n ki pia wani, bi baa gaa o kani ba wan pia yaala.

Matie 23:12

Yua n fiini o yuli kuli, U Tienu baa jiini o, yua n jiini o yuli mo kuli, U Tienu baa fiini o.

Luki 1:52

O jiini i paaciami danba bi bali kalikaani po, Ki fiini taliginba.

Luki 14:11

Yua n fiini o yuli kuli, U Tienu baa jiini o, yua n jiini o yuli mo kuli, U Tienu baa fiini o.»

Luki 18:14

Jesu den pugini ki yedi: «N waani yi i moamoani, ke wani n den kuni o denpo ke U Tienu saa o po i moamoani ke o tiegi. Ama Farisieni yeni wani ki den baa. Yua n fiini o yuli kuli, U Tienu baa jiini o, yua n jiini o yuli mo, U Tienu baa fiini o.»

Jaki 4:10

Yin miini yi yula o Diedo kani, lani, o baa yaa jigini yi.

1 Pieri 5:5

Yinba bi jawaaba mo, yin yaa miindi yi yula a nikpela kani. Yikuli n yaa miindi yi yula yiyaba kani, ki yaa la li yumiinli, ki yaa todi yiyaba kelima li diani: «U Tienu yiedi bi japaadanba, Ama o puuni bi yumiindanba o ŋanbili.»

1 Samueli 2:3

Yinba n yibalinba, da go maadi mani leni japaadi. Japaamaama mo n da go ña yi ñoana nni, Kelima o Diedo tie U Tienu ki bani li bonla kuli. Wani n biigidi bi nisaaliba bontienkaala kuli.