Jaki 4:1 - U TIENU MAAMA TILI 2013

¹ Yin pia yaa koana leni yaa janjanma kuli yi siiga yeni, likuli ŋua be? Laa ŋua yi gbanandi bonbuakaala, yaala n tiendi bu toabu yi gbanandi nni ka yo?

Gourmanchéma Bible

¹ Yin pia yaa koana leni yaa janjanma kuli yi siiga yeni, likuli ŋua be? Laa ŋua yi bonbuaka-biadila, yaala n tiendi bu toabu yi gbanandi nni ka yoo?

Jaki 4:1 ပူးပေါင်းရင်းမြစ်များ

Jeremi 17:9

O nisaalo pali goli ki cie bonla kuli, Li naa pia ñoagu mo. Ŋme n baa fidi ki bandi li ki gbeni?

Matie 15:19

Ti yanmaalibiadi, mi kukpama, mi conconma buoli kuli, bu subu, mi siedifaama leni ti sugidi kuli ña li pali nne.

Jan n diani U Tienu Laabaaliŋamo maama 8:44

Yi baa n tie Sutaani, yi bua ki yaa tiendi wani yi baa yaa yanbuame. O tie nikpalo hali mi cilima, waa ye i moamoani nni, kelima i moamoani ki ye o niinni. O yaa pua mi faama, o maadi nani wani o ba yantiali n tie maama, kelima o tie o tuofaadaano, ki go tie mi faama kuli yaa baa.

LOMA YAABA 7:23

Ama n go laa batoali n gbanandi nni. Laa bali n moa leni yaa bali n tuuni n yantiali nni, ki teni ke n tua ti tuonbiadi bali kpaadili.

LOMA YAABA 7:5

Li nisaali-yantiali n den die ti yaa yogunu, li bali maama den fiini li bonbuaka-biadila ti gbanandi kuli nni. Li den teni ke ti tiendi yaala n kpendinni mi kuuma.

LOMA YAABA 8:7

Ti gbanandi n bua yaala tie U Tienu yibali, kelima laa tuo ki tiendi U Tienu bali maama n bili yaala. Li kan go fidi ki tieni la mo.

Galati 5:17

O nisaalo gbanandi n bua yaala nia leni U Tienu Fuoma n bua yaala. U Tienu Fuoma n bua yaala mo nia leni ti gbanandi n bua yaala. Li bonliedila yeni koani leni biyaba, ki teni ke yii fidi ki tiendi yin bua yaala.

Kolosi 3:5

Lanwani, yin kpa mani ŋanduna bonbuaka-biadila, yaala n die yi gbananbuoli, mi conconma, ti cagindi buoli kuli, ti gbanandi bonbuaka-biadila, yaala n joagini yaa buama kuli leni mi ŋalimanbuama, yaala n tie nani i buli ŋoadima yeni.

2 Timote 2:23

Ŋan yie yaa niama n ŋua mi yanluoma, kelima a bani ke mi fiindi a koana.

Titi 3:3

Timoko den kpa tie yanluodanba, niyiekaaba leni bi niyaadikaaba. Ti gbanandi bonbuaka-biadila buoli kuli den die ti. Ti den pia ku tugutongu leni li nunponbiadili, ki tie lan pundi ban yaa nani yaaba, ki go nani ti lieba mo.

Titi 3:9

Ama ŋan loagidi li boofanli, yaajanba yela togida, a koana, yaa niama n tuugi leni li bali maama, kelima lani kuli naa pia fuoma, laa pia mayuli.

Jaki 1:14

Bi tulini nilo kuli wani o ba bonbuaka-biadila n dia ki cuo o yaa yogunu.

Jaki 4:3

Yi miadi o mo ki naa baadi, kelima yi mia ki tudi, ki bua ki yaa biandi la yi gbanandi bonbuakaala po.

1 Pieri 1:14

Yin yaa tie yaa bila n tuodi ki tiendi U Tienu n yedi yaala, ki da go ŋua yin den kpa pia yaa bonbuaka-biadila, yi yama n den pii yaa yogunu.

1 Pieri 2:11

N buakaaba, n mia ki go tundi yi, yinba yaaba n tie canba leni sancenba ŋanduna nni, ke yin yaa yiedi ki da tiendi yi gbanandi bonbuakaala, yaala n tiendi bu toabu leni yi yantiana.

2 Pieri 2:18

Bi pia ti japaadi, ki maadi yaa macianma n ki pia mayuli. Bi boandi ki dia leni ti gbanandi bonbuakaala, yaaba n faabi leni bi niyaadikaaba yeginu, ke li daa waagi.

2 Pieri 3:3

Yin tuodi ki bandi ke mi juodima yogunu, li ñuali danba baa cua leni bi ñuali, bani yaaba n ŋua bi gbanandi bonbuakaala.