Jaki 3:17 - U TIENU MAAMA TILI 2013

¹⁷ Ama yaa yanfuoma n ñani tanpoli n tie maama nne: Mi kpa ŋani cain, yaala n ŋua mo tie ke mi kpendinni mi yanduanma, ki dingi, ki pia li yumiinli, ki gbie leni mi ninñingbadima. Mi tiendi a tuonŋama, maa tiendi gagidima bi niba siiga, maa pia palalie mo.

Gourmanchéma Bible

¹⁷ Ama yaa yanfuoma n ñani tanpoli n tie maama nne: Mi kpa ŋani cain, yaala n ŋua mo tie ke mi kpendinni mi yanduanma, mi dingi, mi pia li yumiinli ki gbie leni mi niñingbadima, mi tiendi a tuonŋama, maa tiendi gagidima bi niba siiga, maa pia pala lie mo.

Jaki 3:17 ပူးပေါင်းရင်းမြစ်များ

1 Bi Badiba 3:12

diidi ki le, n baa tieni nani ŋan yedi maama. N baa pa ŋa mi yanfuoma leni mi bancianma hali maama ke yaaba n den kpa ye leni yaaba n baa yuandi ki cua, oba kuli kan pundi a.

1 Bi Badiba 3:28

Isidayeli yaaba kuli den gbadi o bado n den jia yaa buudi. Bi den fangi o kelima bi den laa ke U Tienu yanfuoma ye o niinni, ki gobidi o ke o joa ti buudi leni mi teginma.

1 Bi Badiba 3:9

Lani yaa po, ŋan pa mini a naacemo mi yanfuoma ke min yaa gobidi a niba, ki go fidi ki gagidi yaala n ŋani leni yaala n bia mo, kelima ŋme n baa fidi ki yaa gobidi a niba yaaba n yabi nanda?»

1 Bi Badiba Jama 22:12

Ŋan yaa faami bonŋanla, ke o Diedo mo n pa ŋa mi gbadima, mi yanfuoma, ki go pa ŋa li bali Isidayeli yaaba po, ke ban fidi ki kubi o Diedo, a Tienu bali maama!

1 Bi Badiba Jama 22:9

A baa maa bonjaga, yua n baa tua mi yanduanma nilo, kelima n baa pa o mi yanduanma, ki faabi o leni o yibalinba, yaaba n gaani ki lindi o. O yeli n baa yaa tie Salomon, n baa pa mi yanduanma leni mi fuodima Isidayeli yaaba, o bali dana nni kuli.

Jobi 28:12

Ama mi yama mo nan ye le? Mi yanfuoma mo nan ña le?

Jobi 28:23

U Tienu bebe n bani mi sanu. Wani bebe n bani mi yama n ye naani,

Jobi 28:28

Li yaa puoli, o den yedi o nisaalo: «Diidi o Diedo fangili n tie mi yama, Ki foagidi leni mi biadima, Lani n tie mi yanfuoma.»

Mi Ñama 36:2

Musa den yini ki taani Betisaleeli, Oholiabi leni a tuonsoanbanda kuli, U Tienu n den puni yaaba mi yanfuoma ke bi pia li yankuali li tuonli po.

Mi Kpanjama 2:6

O Diedo n puuni mi yanfuoma, Mi banma leni li kpaagili ña o yaa kane.

Esayi 2:4

O baa tua i nibuoli bujialo. O baa tua nibuoli boncianla koanpaado. Bi baa taa bi jugisiemu ki maa a cecela. Ki baa taa bi kpaana mo ki maa ti moaciedi. Nibuoluba kan go fii ki tuogi uyuu. Bi kan go bangi bu toabu n tiendi maama.

Esayi 32:6

O yanluodaano wani maadi o gaadimaame. O pali nni o tia yaala n bia, Ki tuuni li cancagintuonli. O maadi o Diedo po ti mayuogidi. O muni mi koma n pia yua mi jiema, Ki fie u ñuñuunu n pia yua mo yaa ñima.

Esayi 40:11

O kpaa o yangoli nani o yankpaalo yeni. O gobidi ki taani a pebila leni o buagu, Ki taa ba ki ŋmabi. O gobidi yaa peñoe n da ŋaandi.

Danieli 1:17

U Tienu den puni bi jawaanaadiba yeni, mi banma leni mi yanfuoma, u cogu leni mi bangima nni. Danieli mo go den baa fidi ki bandi ki go bundi li bonlekaala leni ti dangidi kuli.

Malaki 2:9

Lani n teni ke n baa cedi Isidayeli yaaba kuli n yie yi ki fali yi, kelima yii tuo ki ŋua n sani, ki go pia u nigagidu mo, yin kuandi n bali maama yaa yogunu.»

Malaki 3:3

O baa kali u maafanu nni nani yua duadi ŋanjilifa yeni. O baa ŋanbi Levi puoliŋuani, ki ñani bi po bi joagindi, nani ban ñandi wula leni ŋanjilifa Joagindi maama yeni. Yeni, bi go baa fidi ki padi yaa pada n tiegi o Diedo po.

Matie 23:28

Yimoko tie yene, bi niba nuni po yi ŋani, ama yi pala nni gbie leni i boandi leni mi biadima.

Matie 5:8

Li pamanli ye leni bi papiendanba, kelima bi baa le U Tienu.

Matie 5:9

Li pamanli ye leni mi yanduanma danba, kelima bi baa yini ba U Tienu bila.

Luki 21:15

Mini n ba n baa ti pa yin baa maadi leni yaa yanfuoma ke yi koanginkaaba siiga, ba yendo kan fidi ki nia ki yie ma.

Luki 6:36

Yin yaa tiendi mani mi ŋanma nani yi Baa moko n tiendi mi ŋanma maama yeni.

Jan n diani U Tienu Laabaaliŋamo maama 1:14

Mi Maama yeni den tua nisaalo, ki ye ti siiga. Ti den laa wani ki Bonjayenyenga yeni, yua n gbie leni li ŋanbili leni i moamoani kpiagidi. O den baa laa kpiagidi Baa kani.

Jan n diani U Tienu Laabaaliŋamo maama 1:47

Jesu n den laa Natanayeli ke o kpendi o kani, o den yedi: «Diidi, yua n kpendi na tie Isidayeli buolu yua moamoani, waa pia boandiba kuli o pali nni.»

Jesu Tondiba Tuona 11:24

O den tie niŋamo, ki gbie leni U Tienu Fuoma Yua leni li dandanli moko. Bi niba boncianla den lebidi ki tuo ki ŋoadi o Diedo.

Jesu Tondiba Tuona 9:36

O pua den ye Jope dogu nni ke bi yi o Tabita, yaali n soagini ki yedi Dorkasi, lani n tie o piañoago. O den tiendi a tuonŋama, ki puuni a luoda mi todima boncianla.

LOMA YAABA 12:18

Yin moandi mani yin fidi maama kuli, ke li yaa ŋua yinba, yin yaa ye leni mi yanduanma leni bi niba kuli.

LOMA YAABA 12:9

Yin da bua yi lieba mo leni palalie. Yin yaa nani yaala n bia, ki yaa kubi yaala n ŋani ke li pa.

LOMA YAABA 15:14

N kpiiba, n bani ke yi pala gbie leni li ŋanbili, ke yi bani cain yin baa yaa tiendi yaala kuli, ki go baa fidi ki tundi yiyaba.

1 Korenti 12:8

O Fuoma puni niyendo mi yanfuomaama. Mi Fuoyenma yeni go puni nitoa mi bancianma maama.

2 Korenti 10:1

Mini Poli n tundi yi, kelima Kilisiti yumiinli leni o dingima po, mini yua n dingi yi siiga, ama n yaa foagi leni yi n tie nipaalo yi po.

2 Korenti 6:6

Ti moandi ki pia laa siediŋamo, kelima ti yantugupiendi po, mi bancianma po, li juunli po, li ŋanbili po, U Tienu Fuoma Yua po leni mi buamoanma po.

2 Korenti 7:11

Diidi mani laa pabiidili, U Tienu n bua yaali yaa buolu yeni, n cuani yaala: Li tigini yi ke yi moandi. Li go cie yeni, kelima li teni ke yi mia sugili, yi pala mo biidi lipo. Li go teni ke ti jawaandi cuo yi, ki teni ke yi go bua ki le nni, ki go teni ke yi baa li yankuali, ki tundi i tagili daano leni tundifala. Yi doagidi li bonla kuli nni, ke yii pia tagili laa bonla nni.

2 Korenti 9:10

Wani yua n puuni o kpakpaalo i bonbuoli, ki go puuni o o bonjekaala, baa pa yi yin fidi ki buli yi bonbuoli ki pugini, ki go teni yi bulicindi yeni bonluonkaala n yabidi.

Efesa 5:9

Mi yenma n baa luoni yaa bonluonkaala tie li ŋanbili, mi teginma leni i moamoani.

Filipi 1:11

Yeni, yi baa yaa tuuni mi teginma tuona, ya n ñani Jesu Kilisiti kani, lan tua ti kpiagidi leni ti pagidi U Tienu po.

Filipi 4:8

N kpiiba, yaa maama n sieni tie mine: yin yaa tia yaala n tie moamoani, yaala n pia ti jigidi, yaala n tiegi, yaala n ŋani, bi niba n bua yaala ki faadi la kuli, yaala n pia o siediŋamo leni ti bulicindi, ki pundi bi niba n pagi la kuli. Yaa tia mani lankuli yaa po!

Kolosi 1:10

Yeni, yi tagu n yaa tie nani lan dagidi o Diedo po maama, ke yin yaa tiendi yaala n mani o po yogunu kuli. Yin yaa tuuni a tuonŋama buoli kuli, ki kpedi ki suagi liiga U Tienu bandima nni.

1 Tesaloniki 2:7

Ama ti den ye yi siiga leni mi dingima nani o pomado n kubi o bila maama yeni.

1 Timote 5:21

N teni a yaa ñoamabonli n tie ne U Tienu nintuali, Jesu Kilisiti nintuali leni bi malekinba yaaba n gagidi ki ŋani nintuali, ke ŋan yaa ŋua laa maama kuli ki da gagidi bi niba leni biyaba, ŋan tieni bikuli po yenma.

2 Timote 2:24

Laa ŋani o Diedo naacemo n yaa pia a koana, ama wan yaa tie yua yaa yama n dingi bi niba kuli po, ki yaa pia mi bangima paabu, ki go yaa pia li juunli.

Titi 1:15

Li bonla kuli ŋani cain, yaaba n ŋani cain po. Ama liba kuli ki ŋani cain yaaba n joagini po, bani yaaba n kaa daani yeni po, kelima bi yantiali leni bi pala siedi kuli joagini.

Titi 3:2

Ban da maadi niloba kuli po mabiadima. Ban yaa bua mi yanduanma, ki yaa mani leni bi niba, ki pia mi dingima bi niba kuli kani.

Hebilunba 12:11

Li tie moamoani ke tundifala kuli yen cili ki yaa tie pabiidili bonla, kaa tie pamanli. Ama li yen yuandi ki cuani lan bangi yaaba yaa po mi teginma leni mi yanduanma.

Hebilunba 12:14

Yin lingi mani mi yanduanma leni bi niba kuli, ki go lingi mi gagidiŋanma, kelima yua n naa pia mani, kan le o Diedo.

Jaki 1:17

Li semoanli leni yaa paabu n ŋani kuli ñani tanpoli po, mi yenma Baa kani, wani yua n ki lebidi, ke lebidima jinjingu mo ki ye o niinni.

Jaki 1:5

Yi siiga niloba yaa luo mi yanfuoma, wan mia U Tienu yua n puuni bi niba kuli leni ti bulicindi, kaa fu leni ba, o baa pa o ma.

Jaki 2:13

U Tienu yaa jia ti buudi yaa yogunu, o kan gbadi mi ninñima yua n kaa den gbadi o lieba po mi ninñima. Mi ninñingbadima paani ti buudi.

Jaki 2:4

Naani yii tieni mi gagidima yi yama nni, ki go biigidi leni li yantiabiadili ka?

Jaki 3:15

Laa yanfuoma buolu naa tie yaama n ñani tanpoli. Ama mi tie ŋanduna yaama, ki go tie ti gbanandi yaama, ki ñani mu cicibiadimu kani.

Jaki 4:8

Yin nagini U Tienu kani, omo baa nagini yi kani. Yinba ti tuonbiadi danba, nidi mani yi nii. Ŋanbi mani yi pala, yinba yamilie danba.

1 Pieri 1:22

Moala yi ŋanbi yi yula leni yin ŋua i moamoani, ke yin fidi ki yaa pia yaa buama n ki pia tuonanma yi kpiiba po. Lanwani, yin yaa bua yiyaba hali boncianla leni yi pala kuli.

1 Pieri 2:1

Lani yaa po, yin ŋaa mi biadima, i boandi buoli kuli, palalie yantiali, li nunponbiadili leni ti sugidi buoli kuli.

1 Pieri 2:18

Yinba bi naacenba, yin yaa fangi yi canbaanba, ki miindi yi yula bi kani, laa tie yaaba n ŋani ki go dingi bebe kani ka, ba yaaba yaa yama n pa moko yaa kani.

1 Jan 3:18

N bibuadimu, tin da pia mani mi buama tiyaba po leni mi maama bebe, ama tin yaa pia a tuona po leni i moamoani nni.

1 Jan 3:3

Yua n pia laa dugidi kuli baa yaa ŋanbidi o yuli, nani wani o Diedo n ŋani maama yeni.