Jaki 3:12 - U TIENU MAAMA TILI 2013

¹² N kpiiba, naani bu kankanbu baa fidi ki luoni olivie bonluonkaala? Naani duven tibu mo baa fidi ki luoni a kankana? Yaa ñinbunli n tie ñinyaama mo kan fidi ki bundi ñinmanma.

Gourmanchéma Bible

¹² N kpiiba, naani bu kankanbu baa fidi ki luoni *olifie bonluonkaala bi? Naani duven tibu mo baa fidi ki luoni a kankana bi? Yaa ñinbunli n tie ñinyaama mo kan fidi ki bundi ñinmanma.

Jaki 3:12 ပူးပေါင်းရင်းမြစ်များ

Jeremi 2:21

N den ŋuu ŋa nani duven tiŋandi yeni, Kelima n den bani ke a tie duven bonbuoŋanmoanu. Li nan gaa lede ke a biidi cain ki tua tilanbu? Li gaa lede ke a bonluonkaala mo bedi?

Matie 12:33

Tuo mani ke yaa tibu n ŋani, bu bonluonkaala moko baa yaa ŋani. Yaa tibu n kaa ŋani, bu bonluonkaala moko kan yaa ŋani. Bi bandi tibu kuli bu bonluonkaala po yo.

Matie 21:19

O den laa bu kankanbu u sankunu, ki jadi ki gedi bu kani. Ama waa den laa puu bu po se ti faadi bebe. O den yedi bu: «Ŋan da go luoni puu kuli abada.» Lanyogunu bu kankanbu den kuodi.

Jaki 3:11

Naani yaa ñima n mani leni yaa ñima n to baa fidi ki taani ki yaa ña ñinbunyenli nni?