Jaki 2:8 - U TIENU MAAMA TILI 2013

⁸ Yi yaa kubi U Tienu diema bali maama, nani lan diani maama li ŋani. Mi yedi: «Ŋan bua a lielo nani ŋan bua a yuli maama.»

Gourmanchéma Bible

⁸ Yi yaa kubi *U Tienu diema balimaama nani lan diani maama li ŋani, mani yaama n yedi: «Ŋan bua a nisaalilielo nani ŋan bua a yuli maama.»

Jaki 2:8 ပူးပေါင်းရင်းမြစ်များ

1 Bi Badiba 8:18

Ama o Diedo den yedi n baa Davidi: ‹Ŋan jagi a yama nni ke a baa maa n po ku diegu yeni, a ŋanbi.

2 Bi Badiba 7:9

Li yaa puoli, bi den yedi biyaba: «Tin tiendi yaala ne ki ŋani. Dinla tie yaa laabaalo n ŋani yaa daali. Ti yaa ŋmini ki guu hali lan faa, U Tienu baa cuo ti u cuonbiadu. Cua mani tin gedi ki ban waani o bado denpo.»

Levi 19:18

Ŋan da tuu li panli. Ŋan da pia li koanfaali a buolu nilo po. Ama ŋan bua a lielo nani ŋan bua a yuli maama yeni. N tie Li Miali Diedo.

Levi 19:34

Yin yaa nua yaa caano n kaa yi siiga, nani u dogu maabiga yua n ye yi siiga yeni. Yin bua o nani yin bua yi yula maama, kelima yimoko den tie canbe Ejipiti diema nni. N tie Li Miali Diedo yi Tienu.

Jonasi 4:4

O Diedo den yedi o: «Ŋan bieni a pali yeni, a sua ke li ŋani bi?»

Jonasi 4:9

U Tienu den yedi Jonasi: «Ŋan bieni a pali ku tungu po yeni, a sua ke li ŋani bi?» Jonasi den guani ki yedi: «N pia moamoani ki bieni n pali, hali ki mia mi kuuma.»

Matie 22:39

Yaama n ŋua ma ki naani leni ma mo tie mine: Ŋan bua a lielo nani ŋan bua a yuli maama yeni.

Matie 25:21

O canbaa den yedi o: ‹Li ŋani, n naacendugika, a teni ke n dugi a po li bonwaala po, n baa teni ŋan diedi boncianla. Cua ki taani ki mangi a pali leni nni.›

Matie 25:23

O canbaa den yedi o: ‹Li ŋani, n naacendugika, a teni ke n dugi a po li bonwaala po, n baa teni ŋan diedi boncianla. Cua ki taani ki mangi a pali leni nni.›

Matie 7:12

Lani yaa po, yin bua bi niba n tieni yi po yaala kuli, yimo n tieni la bi po. Lani n tie li bali maama leni bi saawalipuaba kuli bangima.

LOMA YAABA 13:10

Yua n bua o lielo kan tieni o yaala n bia, kelima li bali maama kuli taani ki ye mi buama nne.

Galati 5:14

Li bali maama kuli taani mayenma nni, yaama n tie ne: «Ŋan bua a lielo nani ŋan bua a yuli maama yeni.»

Galati 6:2

Yaa todi mani yiyaba leni yin tugi yaa tuga, yeni yi baa yaa tiendi Kilisiti bali maama n bili yaala.

Filipi 4:14

Ba yeni, yin den taani leni nni ki tugi n fala tugili yeni, yi tieni yaala n ŋani.

1 Tesaloniki 4:9

Laa go tie tiladi min diani yi po ki waani yi, ke yin yaa bua yi kpiiba, kelima U Tienu wani o ba n bangi yi, ke yin yaa bua yiyaba.

Jaki 1:25

Ama yua n nuali bonŋanla yaa bali maama n ŋani cain, ki faabidi bi niba yaa niinni, ki suagi ki tiendi yeni kaa sundi wan cengi yaala, ki tiendi man yedi yaala, laa nilo baa baa li seli wan tiendi yaala kuli nni.

Jaki 2:12

Yin yaa mani ki go tiendi, ki bani ke U Tienu baa jia yi buudi, ki ŋoadi yaa bali maama n puuni mi faabima.

Jaki 2:19

A daani ke U Tienu ye ki tie yendo bebe, a tieni ke li ŋani. Ama mu cicibiadimu moko daani yeni, ki jie ki digibi.

Jaki 4:11

N kpiiba, yin da maadi yiyaba po yaala n bia. Yua n maadi yaala n bia o kpiilo po, bi ki jia o buudi, o maadi yaala n bia li bali maama po, ki go ja mi buudi. Ama a yaa jia li bali maama buudi, ŋaa go tie li bali maama kubido ka, ama mi bujialo.

1 Pieri 2:9

Ama yinba wani, yi tie ban den gandi yaa buolu, o Bado kopadicianba, yaa buolu n gagidi ki ŋani, wan baa yaa buolu o yuceli po. O yini yi ke yin ña li biigili nni, ki kua o yenma yaama n ŋani cain nni, ke yin yaa wangi o tuona yaa n ŋani boncianla.