Jaki 2:6 - U TIENU MAAMA TILI 2013

⁶ Ama yinba, yi fali o luodo. Naani a piada ka mabindi yi, ki caani yi li bujiali kani?

Gourmanchéma Bible

⁶ Ama yinba, yi fali o luodo. Laa tie a piada ka mabindi yi ki caani yi li bujiali kani?

Jaki 2:6 ပူးပေါင်းရင်းမြစ်များ

Jobi 20:19

Kelima o ñii ki midi a luoda ki ŋaa ba, Ki fie wan ki maa yaa diegu.

Pisomi 10:10

O yen ñuani ki labini, Ki cuo bi ninñinniba.

Pisomi 10:14

Ama a nua taliga fala leni o duoli, Ki baa koani ki gaa o. O ninñinnilo dugi a yaa po yo. Fini n yen todi ki kpienbiga.

Pisomi 10:2

Bi nibiadiba ŋua ki deli Bi ninñinniba leni ti japaadi. Bi baali ban jagi bi po yaa janbi nni.

Pisomi 10:8

O yen wuo mu dobimu kani ki guu, Ki bua ki kpa yua n ki pia biili ŋasiili nni. O ŋua ki kpaagi o ninñinnilo.

Pisomi 12:5

Leni yaaba n tua: «Ti ñoana teni ke ti pia u paalu. Ti bani mi maama, ŋme n baa diedi ti?»

Pisomi 14:6

Yinba bi nibiadiba, yi teni Ke bi ninñinniba dugidi lebidi ki tua fe, Ama o Diedo n tie bi wuonkaanu.

Mi Kpanjama 14:31

Yua n duoli o luodo sugi U Tienu Yua n tagi o. Ama yua n gbadi o po mi ninñima Kpiagi U Tienu.

Mi Kpanjama 17:5

Yua n ñuadi o luodo sugi yua n tagi o yo, Yua mangi o pali o lielo yebiadima po, Bi kan cedi o fanma.

Mi Kpanjama 18:23

O luodo maadi ki miadi sugili, O piado mo maadi ki tangi.

Mi Kpanjama 22:16

Yua n mabindi o luodo baa fidi Ki teni wan tua piado, Yua n puuni o piado mo baa fidi Ki cuani o po mi luoma.

Mi Kpanjama 22:7

O piado n tie a luoda canbaa, O panjielo mo tie o pandaano yonbo.

O Yanfuodaano 5:8

Ama ki tinga bonluonkaala tie bi niba kuli po yo. Ba o bado moko, bu kpaabu n tie o.

Esayi 53:3

Bi niba den fali o, ki ŋaa o, Wani o falabiado nilo, yua n maani fala, O den naani leni ban den buli yua ki nunga. Ti den fali o ki nua ke waa tie puu.

Amosi 4:1

Yinba yaa puopiada n ye Samari juali po, Ki gbengi nani Basan tialu naañuana yeni, Cengi mani yaa maama n tie ne: «Yi mabindi taliginba, ki ŋmaadi ki midi a luoda, Ki tua yi ciaba: ‹Taa mi daama ki cuani tin ño.› »

Amosi 5:11

Yi ŋmaadi o luodo, Ki fenli o kani ŋalikama. Li tie lani yaa po yo, ke yin maa yaa dieŋama Leni a tankpiekaana yeni, Yi kan kua a niinni. Yin ŋuu yaa duventiidi ke yi ŋani hali boncianla yeni, Yi kan ño li duven.

Habakuki 3:14

A muudi ki cibidi yibalinba yudanba yula Leni bani bi ba yaa piemi. Bi den fii nani ku tafaaciangu, Ki jaligi ki kpendi ki bua ki yadi ti, Ki kuudi leni li pamanli, Ki bua ki bolini ŋasiili nni yaa niba n ki pia paalu.

Sakari 7:10

Yin da mabindi a kpepuona, a kpienbila, bi canba leni a tadima. Yin da kpaagi yiyaba po yaala n bia.›

Jan n diani U Tienu Laabaaliŋamo maama 8:49

Jesu den guani ki yedi ba: «Mii pia cicibiadiga ka. N jigindi n Baa yo, ama yinba, yi jigidi nni.

Jesu Tondiba Tuona 13:50

Ama Jufinba den moandi ki fiini yaa puoba n tie nilanba ki pia ti kpiagidi pala, bani yaaba n lebidi ki ŋoadi U Tienu nani Jufinba yeni leni u dogu nikpiaga kuli pala. Bi den fiini bi niba ke bi faligi Poli leni Barnabasi, ki deli ki ñani ba bi diema nni.

Jesu Tondiba Tuona 17:6

Ban kaa den laa ba, bi den cuo Jason leni ti kpiiba bi tianba, ki fuli ki gedini ba u dogu yudanba po, ki tiani ki yedi: «Bi jaba yaaba n yagini ŋanduna kuli yama cua ne, ke Jason gaa bi cangu.

Jesu Tondiba Tuona 18:12

Galiyon n den tie Akayi diema guveneeri yaa yogunu, Jufinba den taani ki tuu ñoabu ki yie Poli po, ki gedini o guveneeri yeni bujiali kaanu kani, ki yedi:

Jesu Tondiba Tuona 8:3

Soli den moandi ki baa bolini Kilisiti Nitaanli. O den koa ti diedi nni ki co bi jaba leni bi puoba kuli, ki kuandi ba li kpaadidieli nni.

1 Korenti 11:22

Yii pia yi denpo yin baa yaa di ki go ñu naani yo? Bi yi fali U Tienu Nitaanli, ki fiagi bi siiga yaaba n ki pia liba yo? Min yedi yi lede? Min pagi yi bi? N kan pagi yi lani yaa po.

Jaki 2:3

yi yaa jigini yua n yie yaa tiadi n kpiagi yeni ki yedi o: «Kali ne ti jigidi kaanu.» Yi yaa yedi o luodo mo: «Yaa se ne,» bi yaa ka: «Kali tiipo n taana kani.»

Jaki 5:4

Diidi, yaa tuonsoanba n den yendi yi kuani ke yi janbi ba yeni, panpaani mua ki kuli yi. Yaaba n den taagi yi kpaandi yaa moe mo doni, ki pundi hali o Diedo U Paaciamu Kuli Daano tuba nni.

Jaki 5:6

Yi cuo o niteginka ki jia o buudi ki kpa o. Waa yie yi po.