Jaki 2:19 - U TIENU MAAMA TILI 2013

¹⁹ A daani ke U Tienu ye ki tie yendo bebe, a tieni ke li ŋani. Ama mu cicibiadimu moko daani yeni, ki jie ki digibi.

Gourmanchéma Bible

¹⁹ A daani ke U Tienu ye ki tie yendo bebe, a tieni ke li ŋani. Ama mu cicibiadimu moko daani yeni, ki jie ki digibi.

Jaki 2:19 ပူးပေါင်းရင်းမြစ်များ

Esayi 43:10

O Diedo yedi: «Yinba n tie n siedinba, Yinba n tie n naacemo min gandi yua, Ki bua yin bandi ki yaa dugi n po. N bua yin bandi ke li tie mini. Toa ki den kpa ye ki ŋaa nni, Ke n puoli po mo, toa kan tieni, abada.

Esayi 44:6

O Diedo Isidayeli bado, Wani Li Miali Diedo U Paaciamu Kuli Daano Yua n daa ki faabi ba, Yedi yaa maama n tie ne: «N tie o kpialo leni o juodika Mini yaa ka, toa ki ye.

Esayi 44:8

Da jie mani, da digibi mani, Mii den teni ke yi gbadi Ke n go waani yi la hali yogu te? Yinba n tie n siedinba: Naani toa go ye ke laa tie mini? Tanciantoagu kuli ki ye Min ki bani yaagu yaa po.»

Esayi 45:6

N bua ban bandi ki cili u yienu N pudi naani, ki yaa caa hali Wun baali naankani, Ke mini yaa ka, tiento ki ye. N tie Li Miali Diedo, toa ki ye.

Esayi 46:9

Tiadi mani hali yogu yaala n den kpa tieni, Kelima mini n tie U Tienu. Tientoa ki ye, n tie U Tienu! Liba mo ki naani leni nni.

Jonasi 4:4

O Diedo den yedi o: «Ŋan bieni a pali yeni, a sua ke li ŋani bi?»

Jonasi 4:9

U Tienu den yedi Jonasi: «Ŋan bieni a pali ku tungu po yeni, a sua ke li ŋani bi?» Jonasi den guani ki yedi: «N pia moamoani ki bieni n pali, hali ki mia mi kuuma.»

Sakari 14:9

Landaali, o Diedo baa yaa tie Ŋanduna kuli bado, Bi niba kuli baa yaa kpiagidi o, Bikuli baa yaa taagi o yeli.

Matie 8:29

Bi den tiani o po: «Be n ye tinba leni fini siiga, U Tienu Bijua? Naani a cua ne ki baa duoli ti ke u yogunu daa pundi yo?»

Marki 1:24

«Ŋain, fini Jesu, Nasareti yua, be n ye tinba leni fini siiga? A cua ki baa bolini ti yo? N bani ŋan tie yua. A tie U Tienu Nigagidiŋamo.»

Marki 12:29

Jesu den guani ki yedi o: «Li mayuli tie mine: Isidayeli buolu, cengi mani, o Diedo ti Tienu, wani bebe n tie o Diedo.

Marki 5:7

ki kpaani ki yedi: «Be n ye mini leni fini siiga, Jesu, U Tienu yua n ye hali tanpolijoma Bijua. Hali U Tienu po, ŋan da faligi nni.»

Marki 7:9

O go den yedi ba: «Yin luni U Tienu Maama ki ŋua yi bogida yeni,

Luki 4:34

«Ŋain, fini Jesu, Nasareti yua, be n ye tinba leni fini siiga? A cua ki baa bolini ti. N bani ŋan tie yua. A tie U Tienu Nigagidiŋamo.»

Jan n diani U Tienu Laabaaliŋamo maama 17:3

Yaa miali n kan gbeni tie, ban bandi fini bebe, yua n tie U Tienu moamoani, ki go bandi ŋan soani yua, Jesu Kilisiti.

Jesu Tondiba Tuona 16:17

O den cili ki ŋua Poli leni tikuli ki tangi: «Yaa jaba n tie ne tie U Tienu yua n ye hali tanpolijoma naacenba. Bi wangi yi U Tienu tindima sanu maama.»

Jesu Tondiba Tuona 19:15

Ki cicibiadiga den guani ki yedi ba: «N bani Jesu, n bani Poli mo n tie yua, ama yinba, yi tie ŋmenba?»

Jesu Tondiba Tuona 24:25

Ama Poli n den maadi mi teginma, li yukubili leni U Tienu buudi yaadi n baa ti cua yaa maama yeni, ti jawaandi den cuo Felikisi ke o yedi o: «Moala po, a baa fidi ki ña. N yaa go ti baa li lenli, n baa yini a.»

LOMA YAABA 3:30

Tienyendu bebe n ye, yua n baa saa i moamoani yaaba n kua ku koanciagu po kelima bi dandanli po, ki go saa yaaba n tie jifola po moamoani kelima bimoko yaa dandanli yaa po.

1 Korenti 8:4

Moala n baa maadi ti padinandi maama. Ti bani ke bulo naa ye ŋanduna nni, ke tiento mo ki ye, se Tienyendu bebe.

1 Korenti 8:6

Ama tinba yaa po wani, Tienyendu bebe n ye, yua n tie Baa. Wani n den tagi li bonla kuli, timo ye o yaa po yo. Diediyendo bebe n ye, wani n tie Jesu Kilisiti. Li bonla kuli den tagi kelima o po, timo ye kelima wani yaa po.

Galati 3:20

O candanbaalo kan yaa ye niyendo bebe po. Ama U Tienu wan tie yendo.

Mi Tiadima 6:4

Cengi mani, yinba Isidayeli yaaba! O Diedo ti Tienu, o Diedo yeni tie YENDO.

1 Timote 2:5

Kelima U Tienu ye ki tie yendo bebe, o candanbaalo moko ye ki tie yendo bebe U Tienu leni bi niba siiga. Lani n tie Jesu Kilisiti yua n den tua nisaalo.

Jaki 2:8

Yi yaa kubi U Tienu diema bali maama, nani lan diani maama li ŋani. Mi yedi: «Ŋan bua a lielo nani ŋan bua a yuli maama.»

Jude 1:4

Bi nitianba wuoni ki kua yi siiga. I Diani den maadi laa niba buudi cuonu hali yogu. Bi tie U Tienu yiekaaba, yaaba n lebidi ti Tienu ŋanbili, ke lin tua mi conconma bonla. Bi go yie Jesu Kilisiti, wani yua bebe n tie ti Canbaa leni ti Diedo.

Jude 1:6

Yaa malekinba n naa den kubi ban pia yaa bali, ki ŋaa bi yekaanu, U Tienu kpaa ba yaa kpaadi n baa yaa ye hali yaa yogunu kuli, ki kubi ba li biigili nni, hali ti buudi dacianli n cua.

Mi Doagidima 20:10

Bi den luni ku tuotabigu yudaano yua n den boandi ba, u fantankpenu nni, li cidibili n co u mu naani, ki fuayanga leni o saawalipua-faadaano n ye naankani, ke bikuli baa yaa ye leni mi funfunma u yensiinu leni ku ñiagu kuli, hali yaa yogunu kuli.