Jaki 1:5 - U TIENU MAAMA TILI 2013

⁵ Yi siiga niloba yaa luo mi yanfuoma, wan mia U Tienu yua n puuni bi niba kuli leni ti bulicindi, kaa fu leni ba, o baa pa o ma.

Gourmanchéma Bible

⁵ Yi siiga niloba yaa luo mi yanfuoma, wan mia U Tienu yua n puuni bi niba kuli leni ti bulicindi kaa fu leni ba, o baa pa o ma.

Jaki 1:5 ပူးပေါင်းရင်းမြစ်များ

1 Bi Badiba Jama 22:12

Ŋan yaa faami bonŋanla, ke o Diedo mo n pa ŋa mi gbadima, mi yanfuoma, ki go pa ŋa li bali Isidayeli yaaba po, ke ban fidi ki kubi o Diedo, a Tienu bali maama!

2 Bi Badiba Jama 1:10

Moala, ŋan pa nni mi yanfuoma leni mi bandicianma, ke min fidi ki gobidi min tugi yaa niba yuli. Ŋme n baa fidi ki yaa gobidi a niba yaaba n yabi nanda?»

Pisomi 51:6

N tieni a po ti tuonbiadi, N tudi fini bebe yaa po yo, N tieni yaala n bia a nuni po. Yeni, a yaa maadi, Li baa sua ke a pia i moamoani. A yaa jia n buudi mo, li kaa pia poadoba.

Mi Ñama 31:3

N gbieni o leni U Tienu Fuoma leni mi yanfuoma, mi banma leni i tuonbuoli kuli banma.

Mi Ñama 31:6

N teni ke Ahisamaki bijua Oholiabi, Dan buolu yua n baa tua o po todika. N puni a tuonsoanbanda mi yanfuoma, ke ban taani ki soani min puogi a yaa tuonli kuli.

Mi Kpanjama 8:17

Mini wani, n bua yaaba n bua nni, Yaaba n lingi nni mo baa le nni.

Matie 11:20

Lani, Jesu den funi leni wan tieni mi bancianma boncianla yaa dogi nni, kelima laa dogi niba naa den lebidi bi pala. O den yedi:

Marki 16:14

Li yaa puoli, Jesu go den doagidi o yuli bi piiga n niyendiba po, ban di yaa yogunu. O den jaligi ba bi dandanluoma leni bi pajuaga kuli po, kelima baa daani yaaba n laa o, ki waani ke o fii bi tinkpiba siiga maama.

Jan n diani U Tienu Laabaaliŋamo maama 14:13

Yin baa mia yaala kuli n yeli nni, n baa tieni la, ke Baa n baa ti kpiagidi kelima Bijua po.

Jan n diani U Tienu Laabaaliŋamo maama 15:7

Yi yaa tuugi leni nni ki ye n niinni, ke n maama mo ye yi niinni, mia mani yin bua yaala kuli, yi baa baa la.

Jan n diani U Tienu Laabaaliŋamo maama 4:10

Jesu den guani ki yedi o: «A yaa bi bani U Tienu paabu n tie yaala leni mini yua n yedi a: ‹Pa nni min ño› yeni n tie yua, fini n bi baa mia. Lani, o bi baa pa a yaa ñima n pia li miali.»

2 Korenti 2:16

Yaaba n ye mi bodima sanu nni yaa po, laa nuulu tie mi kuuma nuulu, ki caani mi kuuma po. Yaaba n ye mi faabima sanu nni yaa po, laa nuulu tie li miali yaa nuulu, ki caani li miali po. Ŋme n dagidi laa tuonli po?

Jaki 1:17

Li semoanli leni yaa paabu n ŋani kuli ñani tanpoli po, mi yenma Baa kani, wani yua n ki lebidi, ke lebidima jinjingu mo ki ye o niinni.

Jaki 3:17

Ama yaa yanfuoma n ñani tanpoli n tie maama nne: Mi kpa ŋani cain, yaala n ŋua mo tie ke mi kpendinni mi yanduanma, ki dingi, ki pia li yumiinli, ki gbie leni mi ninñingbadima. Mi tiendi a tuonŋama, maa tiendi gagidima bi niba siiga, maa pia palalie mo.

Jaki 5:16

Lanwani, yin tuo yi tuonbiadi yiyaba nintuali, ki go yaa jaandi yiyaba po ke yin paagi. O niteginka jaandi pia u paalu hali boncianla.

1 Jan 3:22

Tin miadi yaala kuli, ti baadi la o kani kelima ti kubi o bali maama, ki go tiendi yaala n mani o po.