Jaki 1:26 - U TIENU MAAMA TILI 2013

²⁶ O nilo yaa tama ke o jaani, ki naa kubi o lanbu, o boandi o yuli. Laa nilo jaanma tie fanma fanma.

Gourmanchéma Bible

²⁶ O nilo yaa tama ke o jaani, ki naa kubi o lanbu, o boandi o yuli. Laa nilo yaa jaanma tie fanma fanma.

Jaki 1:26 ပူးပေါင်းရင်းမြစ်များ

Jobi 15:13

A bieni a pali leni U Tienu yo? A yaadi a ñoabu ki maadi leni wani yo?

Jobi 30:11

U Tienu n tadigi ki fiagi nni yeni, Ke bani moko tiendi nni ban bua yaala.

Pisomi 141:3

O Diedo, yaa guu n po n ñoabu, Ki kubi n po n ñoacuuna mo!

Pisomi 32:9

Yin da tie mani nani o taamo, Bi o buomo, bani yaaba n ki pia yama yeni. Bi kpibindi ba mu biamu leni ti kpadi, Ki baa gobidi ba. Lani, yaala n bia kan nandi a.

Pisomi 34:13

O laa nilo n bua li miali, Ki bua li miafoagili leni mi yemanma?

Mi Kpanjama 10:19

Yua n maadi boncianla kan luo ke o tudi, Ama yua n kubi o ñoabu pia mi yanfuoma.

Mi Kpanjama 10:31

Mi yanfuoma ña o niteginka ñoabu nni, Ama bi baa jia bu lanbiadibu.

Mi Kpanjama 14:12

O nilo yen tama ke o tagu ŋani, Ki nan sua u caani o mi kuuma po yo.

Mi Kpanjama 15:2

Bi yanfuodanba maama po teni Ke bi niba bua mi banma. Ama bi yanluodanba ñoana ñandi Mi yanluomaama.

Mi Kpanjama 16:10

O bado maadi nani o Diedo n soani yua yeni, Lani n teni ke o kan jia buudi ke laa tiegi.

Mi Kpanjama 16:25

Sanuba yen naani nni ke u tiegi o nilo po, Ama u yen ban ti juodi mi kuuma sanu nne.

Mi Kpanjama 19:1

Yaa luodo n ŋua mi teginma, Cie yaa yanpiidaano n pua mi faama.

Mi Kpanjama 21:26

Daali kuli o kuandi o yama li bonla nni, O niteginka mo pia lane ki puuni kaa bangi.

Esayi 1:13

Da go kpendinni mani a pada, Laa pia n po fuoma. Da go padi mani n po tulale pada. Li nuulu fa n po. Cedi mani yi ŋmapaani leni yi fuodima jaanma, Ki taani leni yi taana ya n gagidi kuli, Kelima mii bua ki le yaa jaanma N yegi leni mi biadima.

Esayi 44:20

O di mi fantanpienma, O yanpiima teni ke o yaadi. O kan fidi ki gaa o miali. O kan fidi ki yedi: «Min kubi yaala n nuu nni tie boandi.»

Malaki 3:14

Yi yedi: ‹Ki yaa tuuni U Tienu po tie duolikuomi bebe, ti den kubi o ñoamabona, ki go biidi ti pala ti bontienkaala po, wani Li Miali Diedo U Paaciamu kuli Daano nintuali, ama ti baa be lani kuli nni?

Matie 15:9

Bi jaandi nni fanma fanma Kelima bi bangi yaa bangima, N tie bi nisaaliba yaa mabilikaama bebe.› »

Marki 7:7

Bi jaandi nni fanma fanma, Ki bangi yaa bangima N tie bi nisaaliba yaa mabilikaama bebe.›

Luki 8:18

Lani yaa po, fangi mani yi yula leni yin cengi maama, kelima bi baa pa ki pugini yua n pia, ama yua n ki pia wani, bi baa gaa o kani ba wan nua ke o pia yaala.»

1 Korenti 15:15

Li yaa tie ke bi tinkpiba kan fii, ti tie siedi-tuofaadanba U Tienu po, kelima ti tieni o po siedi ke o fiini Kilisiti bi tinkpiba siiga, ke o naa fiini o.

1 Korenti 15:2

Yi tindi kelima o Laabaaliŋamo yeni po, li yaa tie ke yi kubi o nani min den waani yi maama. Yeni yaa ka yi dandanli moko tie fanma fanma.

1 Korenti 3:18

Oba kuli n da boandi o yuli. Yi siiga oba yaa tama ke o tie o yanfuodaano nani ŋanduna n nua maama, wan tua yanluodaano ke wan baa ki tua o yanfuodaano.

Galati 2:6

Ban den nua yaaba ke bi tie bi yudanba, (to, ban tie yaaba ki tie n po liba, kelima U Tienu naa tiendi gagidima bi niba siiga,) yaaba n den tie bi yudanba yeni naa bili n po bontoala.

Galati 2:9

Jesu yaaba siiga, yaaba n den tie nani i benjieli yeni, Jaki, Pieli leni Jan, ban den laa U Tienu n ŋanbi n po maama, bi den cuo mini leni Barnabasi nijieni ki yoagi, ki doagidi ke bi taa leni ti. Bikuli den tuo ke mini leni Barnabasi baa yaa tuuni bi nilanba siiga, ke bani mo baa yaa tuuni Jufinba siiga.

Galati 3:4

Yin den laa yaa yema li dandanli nni, naani li den tie fanma fanma po yo? Laa tie fanma fanma po ka.

Galati 6:3

O nilo yaa nua ke o tie bonmoanla, ki naa tie puu, o boandi o yuli.

Efesa 4:29

Majoagindiba kuli n da ña yi ñoana nni. Ama yin fidi yaa yogunu kuli, yin maadi yaa maama n ŋani, yaama n baa ŋanbi ki go seligi yaaba n gbadi ma.

Efesa 5:4

Yin yaa kubi yi yula yi maama nni, ki da maadi mi cancaginmaama, mi gaadimaama leni o faajibiado kuli. Ama yin yaa tuondi U Tienu.

Mi Tiadima 11:16

Yin fangi mani yi yula, ki da tuo yi pala n boandi yi, ki teni yin lebidi ki ŋoadi tientoe, ki gbaani ki pugi yi.

Kolosi 4:6

Yi maama n yaa mani yogunu kuli, ki tie nani yaa jiema n pia mi yaama ke li dagidi yeni. Li pundi yin yaa bani ki guani nilo kuli po yaa maguankaama n dagidi.

Jaki 1:19

N kpibuadiba, yin bandi line: Li pundi nilo kuli n cengi tontoni, ki da maadi tonma, ki da bieni o pali tontoni mo.

Jaki 1:22

Yin da cengi U Tienu maama bebe, ki boandi yi yula ke mi cengima yeni dagidi, kali yin yaa tiendi man yedi yaala mo.

Jaki 2:20

Fini o yanluodaano na, naani a bua ki bandi ke yaa dandanli n ki pia a tuona tie fanma?

1 Pieri 3:10

Li diani: «Yua n bua ki yaa ye ki pia li pamanli, Ki go bua ki le yaa miali dana n ŋani, Wan kubi o lanbu leni mi biadima, Ki kubi o ñoacuuna mo leni i boandi maama.