Jaki 1:25 - U TIENU MAAMA TILI 2013

²⁵ Ama yua n nuali bonŋanla yaa bali maama n ŋani cain, ki faabidi bi niba yaa niinni, ki suagi ki tiendi yeni kaa sundi wan cengi yaala, ki tiendi man yedi yaala, laa nilo baa baa li seli wan tiendi yaala kuli nni.

Gourmanchéma Bible

²⁵ Ama yua n nuali bonŋanla yaa balimaama n ŋani cain ki faabidi bi niba yaa niinni, ki suagi ki tiendi yeni kaa sundi wan cengi yaala, ki tiendi man yedi yaala, laa nilo baa baa li seli wan tiendi yaala kuli nni.

Jaki 1:25 ပူးပေါင်းရင်းမြစ်များ

Pisomi 106:3

Li pamanli ye leni yua n ŋua yaa bujiali n tiegi, Ki tiendi mi teginma yaa yogunu kuli.

Pisomi 119:32

N tiini a bali maama sanu nni, Kelima a puni nni mi yanfuoma.

Pisomi 119:45

N baa yaa cuoni ke n yama dua, Kelima n lingi a mabilikaame.

Mi Kpanjama 14:15

O yanboandaano daani ban yedi o yaala kuli, Ama o yanfuodaano faami, KI bani wan cuoni maama.

Esayi 8:20

Bi yaa buali yi, yi baa guani ba: Li tie ban guani li bali maama leni siedi kane. Bi yàá tieni yeni, suginmiba kuli kan yaa ye bi niba po.

Luki 11:28

Jesu den guani ki yedi o: «Li pamanli n ye leni yaaba ki cie tie yaaba n cengi U Tienu maama, ki kubi ma.»

Jan n diani U Tienu Laabaaliŋamo maama 13:17

Yi yaa bani lani ki tiendi la, yi pia li pamanli.

Jan n diani U Tienu Laabaaliŋamo maama 8:36

Lani yaa po, Bijua yaa faabi yi, yi baa faabi moamoani.

Jesu Tondiba Tuona 13:43

Li nitaanli yeni n den yadi, Jufinba boncianla leni yaa nilanba n den lebidi ki ŋoadi U Tienu nani Jufinba yeni, den ŋoadi Poli leni Barnabasi. Bi go den maadi leni ba ki tundi ba ke ban yaa se U Tienu ŋanbili nni.

Jesu Tondiba Tuona 2:42

Yaaba n den ŋoadi Jesu, den kuani bi yama bonŋanla Jesu tondiba bangima nni, ki taandi li dandanli yaaba taanli nni, ki go taandi ki di, ki jaandi yogunu kuli kaa cedi.

Jesu Tondiba Tuona 26:22

Ama kelima U Tienu todima po n ye hali dinla ki tiendi siedi taliginba leni bi paatieba kuli po. Min yedi yaala taa yenma leni bi saawalipuaba leni Musa kuli n den pua saawali ke yaala n baa tieni yeni po, mii pugini lipo liba.

LOMA YAABA 11:22

Lani yaa po, ŋan kpaagi U Tienu ŋanbili leni o mabinli po. O den mabini yaaba n den baa, ki ŋanbi a yaa po, ama se ŋan yaa ye o ŋanbili nni, yeni yaa ka, o baa jia ki ñani amoko.

LOMA YAABA 2:13

Laa tie yaaba n cengi li bali maama ka tiegi U Tienu nintuali, ama yaaba n tiendi li bali maama n bili yaala, bani n tie bi niteginkaaba.

LOMA YAABA 7:12

Ba yeni, li bali maama gagidi ki ŋani, mi mabilikaama moko gagidi ki ŋani, ki tiegi, ki go pia mayuli.

LOMA YAABA 8:15

U Tienu naa puni yi yaa Fuoma n teni ke yi tie yonbi, ki go baa ye i jeje nni ka. Ama yi baa U Tienu Fuoma yaama n puni yi mu bimoanmu yaa bali, ke ti kpaani ki tua U Tienu: «Ti Baa, ti Baa!»

LOMA YAABA 8:2

U Tienu Fuoma yaama n puuni li miali Jesu Kilisiti nni, yaa bali faabi nni leni ti tuonbiadi leni mi kuuma bali.

1 Korenti 15:58

Lanwani n kpibuadiba, yin yaa se mani bonŋanla ki da lengidi. Yin yaa suagi mani liiga o Diedo tuonli nni yaa yogunu kuli, ki bani ke yi tuonli o Diedo po kan tua fanma.

2 Korenti 13:5

Yinba yi baa, yin kpaagi kpaagi ki le yi yaa ye li dandanli nni. Biigi mani yi yula yi baa. Naani yii bani ke Jesu Kilisiti ye yi niinni yo? Li yaa tie ke yi biigi yi yula, yi baa sua ke yi poadi.

Galati 2:4

Laa maama den fii mo kelima bi nitianba yaaba n kaa den tie ti kpiiba moamoani den kua ti siiga nni ŋasiili nni, ki bua ki goandi ti ki bandi tin pia yaa faabima Jesu Kilisiti nni, ke ban fidi ki go kuani ti li bali maama yonbidi nni.

Galati 5:1

Kilisiti den faabi ti ke tin yaa die ti yula. Lani yaa po, sedi mani bonŋanla ki da go kuani yi yula ti yonbidi lolima nni.

Galati 6:2

Yaa todi mani yiyaba leni yin tugi yaa tuga, yeni yi baa yaa tiendi Kilisiti bali maama n bili yaala.

Kolosi 1:23

Li baa yaa tie yeni ke yin yaa se bonŋanla yaa tanpuuli n pa po, kelima yi dandanli po, ki naa lebidi ki ŋaa o Laabaaliŋamo suginma, yin den baa yaadi. Bi waani ŋanduna yaaba kuli o Laabaaliŋamo yeni, mini Poli mo n tua yua yaa naacemo.

1 Timote 2:15

Ba yeni, o baa faabi kelima o maalu po, li yaa tie ke o se li dandanli nni leni mi buama, mi gagidiŋanma leni li yukubili kuli nni.

1 Timote 4:16

Ŋan kubi a yuli, ki go kubi a bangima, ki yaa se ke li pa likuli nni. A yaa tiendi yeni, a baa faabi a yuli, ki go faabi yaaba n cengi a bangima kuli.

Hebilunba 12:15

Yin fangi yi yula, ke oba n da muni o yuli U Tienu ŋanbili. Yin go fangi yi yula ke yaa jiinu n bia ki to kuli, n da toa a benkpela, ki cuani ti yanyagidi, ki yaa joagindi bi niba boncianla.

Jaki 2:12

Yin yaa mani ki go tiendi, ki bani ke U Tienu baa jia yi buudi, ki ŋoadi yaa bali maama n puuni mi faabima.

1 Pieri 2:16

Yi tie yaaba n faabi, yaa tie mani yaaba n faabi n baa yaa tie maama. Yin da teni yin die yi yula maama po n pa yi u sanu yin wuoni yi biadima. Ama yin yaa tie nani U Tienu naacenba n dagidi ki yaa tiendi maama.

1 Jan 2:24

Yinba yaa po, li ŋani yin den gbadi yaala hali mi cilima n yaa ye yi niinni. Li yaa tie ke yin den gbadi yaala hali mi cilima ye yi niinni, yimoko baa yaa ye Bijua leni Baa niinni.

Mi Doagidima 14:13

N den gbadi ke u nialu maadi tanpoli ki yedi: «Diani yaa maama n tie ne: ‹Li pamanli ye leni yaaba n kpe leni li dandanli o Diedo nni.› » U Tienu Fuoma Yua den guani ki yedi: «Yeni de! Bi baa fuodi leni bi tuonfala, kelima bi tuonŋama ŋua ba.»

Mi Doagidima 22:14

Li pamanli ye leni yaaba n ŋuudi bi liada, ke ban baa ki yaa di li miali tibu bonluonkaala, ki go yaa tagi ki kua u dogu buliñoana kani.

1 Samueli 12:14

Yi yaa fangi o Diedo ki ŋua o, yi yaa tuo wan yedi yaala ki naa yie o bali maama, yi yaa taabi o, yinba leni yi bado yua n die yi, li bonla kuli baa yaa cuoni yi po bonŋanla.