Jaki 1:19 - U TIENU MAAMA TILI 2013

¹⁹ N kpibuadiba, yin bandi line: Li pundi nilo kuli n cengi tontoni, ki da maadi tonma, ki da bieni o pali tontoni mo.

Gourmanchéma Bible

¹⁹ N kpibuadiba, yin bandi line: Li pundi nilo kuli n cengi tontoni, ki da maadi tonma, ki da bieni o pali tontoni mo.

Jaki 1:19 ပူးပေါင်းရင်းမြစ်များ

Nehemi 8:18

Bi den cogi bi po U Tienu bali maama tili daali kuli, ki cili mi jaanma cilidaali, ki ban pundi hali mi juodima daali. Bi den jaani laa jaanma danalele, ki taani taancianli li daniili daali nani lan den bili maama.

Nehemi 9:17

Bi den yie baa tuo ma, Ki sundi ŋan den tieni bi po yaa ŋanma. Bi den juagi bi tuli. Bi yiema nni, bi den gandi o yudaano, Ki baa guani ban den ye ti yonbidi nni naanpo. Ama fini, a tie yaa Tienu n puuni sugili, Ki juogidi ki gba mi ninñima, Ke a pali ki be tontoni, ki pia li ŋanbili mo. Lani yaa po, ŋaa den ŋaa ba,

Nehemi 9:3

Ban den fii ki sedi, bi den cogi bi po o Diedo bi Tienu bali maama tili nni, hali kuditaa. Bi go den laabi ki doagidi ki wangi bi tuonbiadi ki miadi U Tienu sugili hali kuditaa.

Jobi 32:16

N guudi, nani yin kaa go tua liba yeni, Ki sedi kaa go maadi ki guandi maamiba kuli yeni,

Mi Kpanjama 10:19

Yua n maadi boncianla kan luo ke o tudi, Ama yua n kubi o ñoabu pia mi yanfuoma.

Mi Kpanjama 13:3

Yua n faami o maama po guu o miali, Ama yua n maadi kaa faami baa bodi.

Mi Kpanjama 14:17

Yua n biendi o pali tontoni, Tuuni li yanpiituonli. Yua mo n pia a jagibiada kpendinni, O yuli po ki nanga.

Mi Kpanjama 14:29

Yua n ki biendi o pali tontoni Pia mi yanfuocianma. Ama yua yaa pali n fii tontoni Doagidi o yanluoma.

Mi Kpanjama 15:18

O pabiendaano cidi a koana, Ama yua yaa pali n ki fiidi tontoni Duandi mi janjanma.

Mi Kpanjama 15:2

Bi yanfuodanba maama po teni Ke bi niba bua mi banma. Ama bi yanluodanba ñoana ñandi Mi yanluomaama.

Mi Kpanjama 16:32

Yua yaa pali n ki be tonma cie o jakoandimoano, Yua mo n kubi o pali, cie yua n koani ki paadi domunu.

Mi Kpanjama 17:14

Yua cidi mi janjanma tie Nani yua n padi a ñinkoala yeni. Hali ke mi janjanma daa fii, Ŋan sani ki foagidi.

Mi Kpanjama 17:27

Yua n faami o maama po, pia wan bani yaala Yua yaa yama n dua mo tie yanfuodaano.

Mi Kpanjama 18:13

Yua n guani i buali ki daa cengi, Doagidi o yanpiima ki wali o yuli i fe.

Mi Kpanjama 18:21

Mi kuuma leni li miali ye mi maama nuu nne Yua n faadi ma mo baa je mi bonluonkaala.

Mi Kpanjama 19:11

O yanfuodaano pali ki fiidi tonma. O kpiagidi mo n tie wan sundi ban tieni o yaa bonbiadila.

Mi Kpanjama 19:19

Yua n tie pabienli daano baa le li panpaani. O yàá gaa li panpaani, o baa faa ki lieni la.

Mi Kpanjama 21:23

Yua kubi o ñoabu leni o lanbu kubi o yuli, Paboanli mo kan nandi o.

Mi Kpanjama 25:28

Yaa nilo n kan fidi ki ñii o pali, Tie nani ban baa yaa dogu ke wuu pia bilini yene.

Mi Kpanjama 29:20

A yaa laa yaa nilo n kan kpaagi o maama nni, Mi suginma ye o yanluodaano po ki cie o.

Mi Coadima 22:27

O ŋunñua n den laa o Diedo maleki, o den labini, ke o daano jagi o. Balaam pali den fii hali boncianla, ke o den pua o ŋunñua leni o gbiamu.

Matie 5:22

Ama mini n yedi yi, yua n bieni o pali o lielo po kuli, li pundi ban bu leni o, yua n yedi o lielo: ‹O yanpiidaano na›, li pundi ke yi cancantieba taancianli n cuo o. Yua n yedi o lielo: ‹O yanluodaano na,› li pundi ban cuo ki kuani o ku fantanbuogu nni.

Marki 12:37

Davidi oba yini o, o Diedo, li nan go gaa lede ke o tie wani Davidi bijua?» Yaa niligu n yabi den cengi Jesu maama leni li pamanli.

Marki 2:2

bi den taani o kani boncianla, hali ke u kaanu ki go den ye ba bu buliñoabu kani. O den wangi ba U Tienu maama.

Luki 15:1

Bi lubigaaba leni i tagibiadi danba den kpendi Jesu kani ki bua ki gbadi o maama.

Luki 19:48

Ama baa den bani ban baa gaa maama ki kpa o, kelima bi niba kuli den cengi o maama leni li fangili boncianla.

Jesu Tondiba Tuona 1:15

Laa dana nni Pieli den fii ki sedi o kpiiba siiga, bani yaaba n den taani ki bua ki pundi niba kobiga n piilie ki yedi:

Jesu Tondiba Tuona 10:33

Lanyogunu lige, ke n den soani ban yini a. A ŋanbi leni ŋan cua. Moala, tikuli ye U Tienu nintuali ki bua ki gbadi wani o Diedo n yedi a yaala kuli.»

Jesu Tondiba Tuona 13:48

Bi nilanba n den gbadi mi naa maama, bi pala den mangi ke bi pagi o Diedo maama. U Tienu n den gandi yaaba ke ban baa yaa miali n kan gbeni kuli den tuo ki daani.

Jesu Tondiba Tuona 17:11

Yaa Jufinba n ye laa dogu nni den tie nimoanba ki cie Tesaloniki yaaba. Bi den kuani bi yama ki gaa U Tienu maama, ki lingi daali kuli i Diani nni, ki baa le ban wangi ba yaala yaa tie moamoani.

Jesu Tondiba Tuona 2:42

Yaaba n den ŋoadi Jesu, den kuani bi yama bonŋanla Jesu tondiba bangima nni, ki taandi li dandanli yaaba taanli nni, ki go taandi ki di, ki jaandi yogunu kuli kaa cedi.

Efesa 4:26

Yi pala yaa fii, yin da tieni tuonbiadi, ki da tuo u yienu n kua ke yi pala daa kuugi.

Efesa 4:31

Yin cedi mani li mutuoli, ki nanga, li pabienli, ku fuugu, ku tuotabigu leni ku tugutongu buolu kuli n ña yi siiga.

Kolosi 3:15

Kilisiti n den yini yi yaa yanduanma po, n yaa die yi pala, yin tua gbananyendi o yaa niinni.

Kolosi 3:8

Ama moala, yin ŋaa mani yaala n tie ne kuli: li pabienli, li mutuoli, ki nanga, ku tuotabigu leni yaa majoagindi n ña yi ñoana nni kuli.

1 Tesaloniki 2:13

Li tie lani yaa po ke yogunu kuli ti go tuondi U Tienu kelima yin den gaa tin den wangi yi U Tienu maama yaama. Yii den gaa ma nani mi tie bi nisaaliba maama ka. Ama yi den gaa ma nani man tie maama i moamoani. Lani n tie U Tienu maama yaama n tuuni yinba yaaba n tuo ki daani siiga.

Jaki 1:16

N kpibuadiba, yin da boandi yi yula yaa maama n tie ne po:

Jaki 1:2

N kpiiba, yin yaa nua ke yaa biigima buoli kuli n cua yi kani tie pamanli bonla,

Jaki 1:26

O nilo yaa tama ke o jaani, ki naa kubi o lanbu, o boandi o yuli. Laa nilo jaanma tie fanma fanma.

Jaki 2:1

N kpiiba, yinba yaaba n daani ti Diedo Jesu Kilisiti yua n pia ti kpiagidi yeni, laa ŋani yin yaa tiendi mi gagidima bi niba siiga.

Jaki 2:5

N kpibuadiba, cengi mani! Naani U Tienu ki gandi yaaba n tie luoda ŋanduna nuni po, ke ban tua a piada li dandanli nni, ki go baa wan niani ke o baa pa yaaba n bua o kuli yaa diema ka?

Jaki 3:10

Ti pagidi leni ti solindi kuli ña ñoayenbu nni. N kpiiba, laa ŋani lan yaa tie yeni.

Jaki 4:11

N kpiiba, yin da maadi yiyaba po yaala n bia. Yua n maadi yaala n bia o kpiilo po, bi ki jia o buudi, o maadi yaala n bia li bali maama po, ki go ja mi buudi. Ama a yaa jia li bali maama buudi, ŋaa go tie li bali maama kubido ka, ama mi bujialo.

Jaki 5:12

N kpiiba, yaala n tugi yuli tie line: Yin da poli leni tanpoli, bi leni ki tinga, ba poliba kuli. Ama yi yaa yedi: «Mm,» lan yaa tie, mm. Yi yaa yedi: «Aa-a» mo, lan yaa tie, aa-a, ke U Tienu n da ti jia yi buudi.

Jaki 5:19

N kpiiba, yi siiga niyendo yaa yaadi ki ŋaa i moamoani, ke nitoa gobidi ki guani o lienni,

1 Jan 2:21

Min den diani yi po yeni, laa tie ke yii bani i moamoani ka, ama yi bani i moamoani, ki go bani ke faamiba kuli ki ñani i moamoani kani.