Jaki 1:17 - U TIENU MAAMA TILI 2013

¹⁷ Li semoanli leni yaa paabu n ŋani kuli ñani tanpoli po, mi yenma Baa kani, wani yua n ki lebidi, ke lebidima jinjingu mo ki ye o niinni.

Gourmanchéma Bible

¹⁷ Li semoanli leni yaa paabu n ŋani kuli ñani tanpoli po, mi yenma Baa kani, wani yua n ki lebidi, ke lebidima jinjingu mo ki ye o niinni.

Jaki 1:17 ပူးပေါင်းရင်းမြစ်များ

Mi cilima 41:16

Josefi den guani ki yedi Faraon: «Mini ka baa fidi ki bundi ti dangidi. U Tienu n baa doagidi a po ti dangidi yeni n bua ki yedi yaala.»

1 Bi Badiba Jama 22:12

Ŋan yaa faami bonŋanla, ke o Diedo mo n pa ŋa mi gbadima, mi yanfuoma, ki go pa ŋa li bali Isidayeli yaaba po, ke ban fidi ki kubi o Diedo, a Tienu bali maama!

1 Bi Badiba Jama 29:19

Pa n bijua Salomon payenli ke wan kubi a bali maama, a ñoamabona leni a mabilikaama, lani n tie wan tieni lan yedi yaala, ke wan maa a diegu leni min den bogini yaa tiadi yeni.»

Pisomi 102:27

Lani kuli baa bodi, ama fini wani baa yaa ye. Likuli baa cadi nani ti tiayiekaadi yeni, Ŋan lebidi la nani li liadili yeni. Lani kuli baa pendi ki bodi.

Pisomi 122:6

Mia mani mi yanduanma Jerusalemi po ki yedi: «Yaaba n bua fini Jerusalemi kuli N yaa ye leni mi yanduanma!

Pisomi 136:7

Wani n den tagi mi yenma buoli kuli, Kelima o ŋanbili ye hali yaa yogunu kuli!

Pisomi 84:11

N yaa tieni dayenli a luoli nni, Li cie n po min tieni dana tudili poto. N yaa ye U Tienu diegu buliñoabu kani, Li mani n po ki cie, Min yaa ye bi nibiadiba gbandiena nni.

Pisomi 85:12

I moamoani pani ki tinga nni, U Tienu teginma biindi hali tanpoli ki diidi.

Mi Kpanjama 2:6

O Diedo n puuni mi yanfuoma, Mi banma leni li kpaagili ña o yaa kane.

Esayi 28:26

O Tienu n waani o wan baa yaa cuoni maama, Ki teni o o ñoamabonbilikaana.

Esayi 45:7

N tagi mi yenma ki go tagi li biigili. N puuni mi yanduanma Ki go kpendinni mi yebiadima. Mini Li Miali Diedo n tiendi laa bonla kuli.

Esayi 46:10

Hali mi cilima n den wangi yaala N baa faa ki cua, Hali yogu mo, n den tuodi ki wangi Yaala n daa tieni. N yedi: n yanjagili baa tieni. N baa tieni min bua yaala mo.

Esayi 60:19

U yienu ka go baa yendi a po u yensiinu, O ŋmaalo mo ka go baa yendi a po ku ñiagu. Ama o Diedo n baa yaa tie A yenma yaa yogunu kuli po. A Tienu mo n baa yaa tie a kpiagidi.

Malaki 3:6

U Paaciamu Kuli Daano go yedi: «N tie Li Miali Diedo, n kan lebidi, die yinba wani li tie Jakob puoliŋuani yo.

Mi Coadima 11:17

N baa jiidi ki maadi leni a likani. N baa taa n Fuoma yaama n ye a niinni yeni, ki kuani ma bi niinni, ke ban fidi ki tugi ku niligu tugili, ki todi a, ke ŋan da go tugi li fini a bebe.

Mi Coadima 11:25

O Diedo den jiidi ku tawaligu nni, ki maadi leni Musa. O den taa o Fuoma yaama n ye Musa po yeni, ki kuani bi nikpepiileleediba yeni niinni. U Tienu Fuoma n den kua bi niinni yaa yogunu, bi den cili ki pua saawali, ama baa den suagi liiga.

Mi Coadima 23:19

U Tienu ki tie nisaalo ka, ki baa pua mi faama, Waa tie nisaalo ka, ki baa lebidi o yantiali. Waa bili bonla, ki daa tieni la! Naani o baa niani ñoanianu, kaa baa kuani o cuu?

Matie 7:11

Yinba yaaba n bia yaa bani ki pa yi bila li bonŋanla, laa pia kuli tama ke yi Baa yua n ye tanpoli baa pa yaaba n mia o li bonŋanla.

Luki 11:13

Yinba yaaba n bia yaa bani ki pa yi bila li bonŋanla, lanwani laa pia kuli tama ke ti Baa yua n ye tanpoli baa pa yaaba n mia o o Fuoma Yua.»

Jan n diani U Tienu Laabaaliŋamo maama 1:9

Mi den tie mi yenmoanma, yaama n cua ŋanduna nni, ki yendi nisaalo kuli po.

Jan n diani U Tienu Laabaaliŋamo maama 3:27

Jan den guani ki yedi ba: «O nilo kan fidi ki baa li bonla, li yàá tie U Tienu n puni o yaala yaa ka.

Jan n diani U Tienu Laabaaliŋamo maama 3:3

Jesu den guani ki yedi o: «N yedi a i moamoani, o nilo yàá mali milie, o kan fidi ki le U Tienu diema.»

Jan n diani U Tienu Laabaaliŋamo maama 8:12

Jesu go den yedi bi niba: «Mini n tie ŋanduna yenma, yua n ŋua nni kuli, kan go cuoni li biigili nni, ama o baa baa li miali yenma.»

Jesu Tondiba Tuona 11:18

Yaaba n den funi leni o yeni n den gbadi li maama fuuli, bi den cedi, ki kpiagi U Tienu ki yedi: «Lanwani, U Tienu puni bi nilanba moko ke bi baa u sanu ki lebidi bi pala, ki baa li miali.»

Jesu Tondiba Tuona 5:31

U Tienu kpiagi o ki teni ke o ye o jienu kani ki tie Yudaano leni Candaano, kelima o bua Isidayeli yaaba n lebidi bi pala, wan pa ba sugili bi tuonbiadi po.

LOMA YAABA 6:23

Kelima ti tuonbiadi panpaani tie mi kuuma, ama U Tienu ŋanbili paabu tie yaa miali n kan gbeni ti Diedo Jesu Kilisiti nni.

1 Korenti 4:7

Ŋme teni ke a cie a lieba? A pia be ke U Tienu ka puni a? Li yaa tie yeni, be n teni ke a kpiagi a yuli nani U Tienu ka puni a la yeni?

2 Korenti 4:6

U Tienu yua n den yedi: «Mi yenma n yendi li biigili nni,» teni ke mi yenma yendi ti pala nni, ki puni ti U Tienu kpiagidi yaa bandima, yaadi n yendi Kilisiti nunga nni.

Efesa 1:18

N go miadi o ke wan yendi yi yantiana nuni, ke yin fidi ki bandi yaa suginma n tuugi leni o yiinu leni wan bili o nigagidiŋanba po yaa ŋalimano, ke o pia ti kpiagidi.

Efesa 2:8

Li tie li ŋanbili-paabu yaa po, ke yi faabi. Yi baa la kelima li dandanli yaa po yo. Laa ñani yi yaa kani, li tie U Tienu paabu yo.

Mi Tiadima 4:19

Fangi mani yi yula, ki da ti yaadi ki diidi tanpoli, u yienu, o ŋmaalo, a ŋmabila leni tanpoli gola kuli, ki kuani yi yama nni, ke yi baa gbaani ki pugi ba. Li tie, o Diedo yi Tienu n boagidi ki puni yaa bonla ki tinga nibuoli kuli.

Filipi 1:29

U Tienu n tieni yi po yaa ŋanbili yeni, laa tie ke yin daani Kilisiti bebe ka, ama yin go yaa laadi o po fala moko.

1 Timote 6:16

Wani bebe n ki pia kuuma, Ki ye miali kuli n kan nagini yaa yenma nni. Miali kuli n daa laa yua, Ki kan fidi ki le o mo. Wani n pia yaa jigidi leni yaa paalu N ki pia gbenma, hali yaa yogunu kuli. Amina!

Hebilunba 13:8

Jesu Kilisiti tie yenma wonli, dinla leni yaa yogunu kuli.

Jaki 1:5

Yi siiga niloba yaa luo mi yanfuoma, wan mia U Tienu yua n puuni bi niba kuli leni ti bulicindi, kaa fu leni ba, o baa pa o ma.

Jaki 3:15

Laa yanfuoma buolu naa tie yaama n ñani tanpoli. Ama mi tie ŋanduna yaama, ki go tie ti gbanandi yaama, ki ñani mu cicibiadimu kani.

Jaki 3:17

Ama yaa yanfuoma n ñani tanpoli n tie maama nne: Mi kpa ŋani cain, yaala n ŋua mo tie ke mi kpendinni mi yanduanma, ki dingi, ki pia li yumiinli, ki gbie leni mi ninñingbadima. Mi tiendi a tuonŋama, maa tiendi gagidima bi niba siiga, maa pia palalie mo.

1 Jan 1:5

Tin den gbadi yaa maama o kani, Ki wangi yi tie, Ke U Tienu tie mi yenma. Li biigili naa ye o niinni ba waamu.

1 Jan 4:10

Mi buama yeni naa tie ke tinba ka den bua U Tienu, ama mi tie ke wani n den bua ti, ki soani o Bijua ke o tua i candanbaani padili ti yaa tuonbiadi po.

Mi Doagidima 21:23

U dogu yeni kaa bua yienu ki bagi ŋmaalo, kelima U Tienu kpiagidi baa yendi u, ki Pebiga moko tie u fidisanga.

Mi Doagidima 22:5

Ku ñiagu kan go yaa ye. O naacenba kan go bua u yienu yenma, ki bagi ki fidisanga yaama, kelima o Diedo U Tienu baa yaa yendi ba. Bi baa yaa die hali yaa yogunu kuli.

1 Samueli 15:29

U Tienu yua n tie Isidayeli kpiagidi, kan pua faama, o kan lebidi o yama, kelima waa tie nisaalo ka ki baa lebidi o yama.»