Jaki 1:14 - U TIENU MAAMA TILI 2013

¹⁴ Bi tulini nilo kuli wani o ba bonbuaka-biadila n dia ki cuo o yaa yogunu.

Gourmanchéma Bible

¹⁴ Bi tulini nilo kuli wani oba bonbuaka-biadila yaa dia o ki cuo o yaa yogunu.

Jaki 1:14 ပူးပေါင်းရင်းမြစ်များ

Mi cilima 3:6

O pua den laa ke bu tibu bonluonkaala mani mi jiema po, ki go ŋani bu nunbu po, ki tie yaa bonbuadila n baa teni o nilo n baa mi yanfuoma. O den cie bu bonluonkaala ki ŋmani, ki puni o calo yua n den ye o kani, ke omo ŋmani.

Mi cilima 6:5

O Diedo den laa ke bi niba biadima den yabi ki tinga po, ke bi pala yantiana den koa mi biadima nni daali kuli.

Mi cilima 8:21

O Diedo den gbadi yaa nuulu n mani o po. Lanwani, o Diedo den maadi o pali nni mi naa maama: «N kan go soli ki tinga kelima o nisaalo po, kelima o pali nni, o li tia mi biadima hali o biwaama yogunu. N kan go bolini yaala n fo kuli nani min tieni maama moala yeni.

2 Samueli 11:4

Davidi den soani a tonda ke bi ban yini o. O den cua o kani ke o taani leni o ke o lebidi ki kuni o denpo. Li den sua ke o pua yeni da li wali ki ñani li kuale.

Jobi 31:27

N yaa n den tuo ke n pali boandi nni, Ke n ŋoadi ki pugi ba nani i tieni yeni,

Jobi 31:9

Li yaa tie ke n laa pua, Ke n yama kua o niinni, Ke n gedi n yieninlielo buliñoabu kani, Ki bua ki jiadi o,

Mi Kpanjama 4:23

Ŋan fangi a yuli leni ŋan kpaagi yaala a pali nni, Kelima a miali ñiali n yeni.

Esayi 44:20

O di mi fantanpienma, O yanpiima teni ke o yaadi. O kan fidi ki gaa o miali. O kan fidi ki yedi: «Min kubi yaala n nuu nni tie boandi.»

Ose Tili 13:9

Isidayeli yaaba, yaala n baa teni yin bodi, Tie ke yi yie nni, Mini yua n baa fidi ki gaa yi yeni.

Matie 15:18

Ama yaala n ña bu ñoabu nni tie yaala n bi ye li pali nne ki ji ñani, lani n joagindi o nisaalo.

Matie 15:20

Lani n tie yaala n joagindi o. Ama ki je kaa nidi kan joagini nisaalo.»

Matie 4:1

Lani n pendi, U Tienu Fuoma Yua den gedini Jesu mi fanpienma nni ke Sutaani tulini o.

Matie 5:28

Ama mini n yedi yi, ke yua n noanli pua ke o yama kua o niinni, o conbi leni o o pali nni no yo.

LOMA YAABA 7:11

Ti tuonbiadi den baa u sanu, kelima li bali maama po, ki boandi nni, ki kpa nni.

LOMA YAABA 7:13

Naani yaala n pia mayuli yeni n teni ke n kpe? Kalam! Ti tuonbiadi n den tieni la, ki taa li bali maama yaama n pia mayuli, ki kpa nni. Lanwani, li bali maama po, li doagidi ti tuonbiadi n bia ki pendi maama.

Efesa 4:22

Lani n tie ke yin da go tie nani yin den kpa tie maama. Ama yi siiga yuakuli n landi o tagikpelu nani li liadili yeni, o yanbuabiadima boandi n den biidi yuu.

Hebilunba 3:13

Ama hali tin da ye i Diani n yini yaa yogunu: «Dinla» yeni, tin yaa paagidi tiyaba pala, ki da tuo ti tuonbiadi boandi n juagi ti pala.

Jaki 1:13

Ban tulini o nilo yaa yogunu, wan da yedi: «U Tienu n tulini nni.» Bi kan tulini U Tienu wan tieni yaala n bia, wani o ba mo kan tulini niloba kuli.

Jaki 1:15

Lanwani, o bonbuaka-biadila yaa punbi, li baa maa ti tuonbiadi. Ti tuonbiadi mo yaa kpedi ki dagidi, tini mo baa maa mi kuuma.