Jaki 1:12 - U TIENU MAAMA TILI 2013

¹² Li pamanli ye leni yua n fidi ki juuni mi biigima nni. Bi yaa biigi o ki pagi o yaa yogunu, o baa baa li miali badifogiliga, o Diedo n niani ke o baa pa yaaba n bua o kuli yaaga.

Gourmanchéma Bible

¹² Li pamanli ye leni yua n fidi ki juuni mi biigima nni. Kelima bi yaa biigi o ki pagi o yaa yogunu, o baa baa li miali badifogiliga, o Diedo n niani ke o baa pa yaaba n bua o kuli yaaga.

Jaki 1:12 ပူးပေါင်းရင်းမြစ်များ

Mi cilima 22:1

Laa bonla n den pendi, U Tienu den biigi Abalahama, ki yini o ki yedi: «Abalahama!» O den guani ki yedi o: «Mini nne.»

Nehemi 1:5

ki yedi o: «Li Miali Diedo U Tienu yua n ye tanpoli, fini yua n yabi ki pia i jeje, fini yua n kubi ŋan den bili yaa ŋantaado leni yaaba n bua ŋa, ki kubi a bali maama, ki gba bi po mi ninñima,

Jobi 2:10

Ama Jobi den guani ki yedi o: «A maadi nani yaa pua n ki pia yama yene! Be yaa po yo ke ti baa yaa gaani U Tienu kani yaala n ŋani, Ki nan kan gaa yaala n bia wani?» Ba laa bonla kuli yaa niinni, Jobi naa den tieni ti tuonbiadi o maama nni.

Jobi 5:17

Lanwani li pamanli ye Leni U Tienu n tundi yua leni fala. Lanwani, ŋan da yie U Paaciamu Daano tundifala,

Pisomi 11:5

O Diedo biigidi o niteginka leni o nibiado. O pali fa o tugumoandaano po.

Pisomi 119:67

Hali ke a daa den faligi nni, n den yaadi, Ama moala n kubi a maama.

Pisomi 119:71

Min den laa fala yeni, Li den ŋanbi n po, Ke n fidi ki bangi a mabilikaama.

Pisomi 119:75

O Diedo, n bani ke a buudi tiegi, A pia moamoani mo leni ŋan faligi nni.

Pisomi 5:11

Guani ba bi biadima panpaani. Ban jagi yaala n cuani bi tingbali. Deli ba kelima bi tagili ki pia bianu, Kelima bi fii ki yie a po.

Pisomi 94:12

O Diedo, li pamanli ye Leni ŋan gobidi yaa nilo, Bi ŋan tundi yua leni a bali maama.

Mi Ñama 20:6

Ama n gba mi ninñima yaaba n bua nni, ki go kubi n bali maama po, hali nifiima tudili.

Mi Kpanjama 17:3

Bi biigidi ŋanjilifa leni wula Ku fantanbuogu nne, Ama yua biigidi a pala wani n tie o Diedo yo.

Esayi 64:4

A tuogi ki biali yua n tiendi mi teginma leni li pamanli, Leni yaaba n ŋua a sani ki tiadi a po, Tin den ŋua yaa sani ke a den faabidi ti yogu kuli. Ama a pali den fii, kelima ti tieni ti tuonbiadi.

Sakari 13:9

N baa ŋaani bani yaaba n sieni ki fo yeni, Nani ban yen puli ŋanjilifa leni wula U mu nni maama, Ki ñani ti joagindi yeni. Bi baa yaa jaandi ki miadi nni, N baa yaa gaani bi miabu. N baa yedi: ‹Bine n tie n niba.› Bimo n yedi: ‹Li Miali Diedo tie ti Tienu.› »

Matie 10:22

Bi niba kuli baa nandi yi, kelima n yeli po. Ama yua n baa juuni hali mi juodima baa faabi.

Matie 25:34

Lani, o bado baa yedi yaaba n ye o jienu: ‹Cua mani na, yinba n Baa n seligi yaaba! Gaa mani wan den ŋanbi yi po yaa diema hali ŋanduna cilima!

Luki 6:22

Li pamanli ye leni yi, bi niba yaa nani yi, ki deli ki ñandi yi bi siiga, ki sugidi yi, ki sengi yi nani ti joagindi yeni kelima o Joa Bijua yaa po.

LOMA YAABA 5:4

Li juunli baa teni tin yaa se ke li pa mi biigima siiga. Ti yaa se ke li pa mi biigima siiga, li baa teni tin yaa pia mi suginma.

LOMA YAABA 8:28

Ti bani ke U Tienu tuuni li bonla kuli nni, yaaba n bua o ŋamu po, bani, wan yini yaaba o yanjagili po.

1 Korenti 2:9

Nani lan diani ki yedi maama: «Nunbu n daa laa yaala, Tubili n daa gbadi yaala, O nisaalo n daa kpaagi yaala mo, U Tienu tuodi ki ŋanbi lani kuli Yaaba n bua o po.»

1 Korenti 8:3

Ama yua n bua U Tienu kuli, U Tienu mo bani wane.

1 Korenti 9:25

Yua n bua ki tua liiga yua jelibuolu kuli nni, yen kubi li kuali o gbanandi po li bonla boncianla nni. O tiendi yeni, kelima o bua ki baa yaa panpaani n baa pendi. Ama tinba wani tiendi yeni, ki bua ki baa yaa panpaani n kan pendi abada.

Mi Tiadima 13:3

Laa bonla yaa tieni, ke o maadi leni yi, ki yedi: ‹Tin ŋoadi mani tientoe, ki kpiagi yi!› Yin kaa bandi yii.

Mi Tiadima 7:9

Lani, yi baa bandi ke Li Miali Diedo yi Tienu n tie U Tienu, yaa Tienu n tiegi. O kubi o ŋantaado leni o ŋanbili yaaba n bua o, ki kubi o bali maama hali nifiima tudili.

Mi Tiadima 8:2

Yi baa yaa tiadi o Diedo yi Tienu n den teni ke yi cuoni yaa cenli bina piinaa mi fanpienma kuli nni, kelima o den bua ki faligi yi, ki biigi yi, ki bandi yaala n ye yi pala nni leni yi yaa baa kubi o bali maama, bi yi yaa kan kubi ma.

2 Timote 2:15

Ŋan moandi ki doagidi U Tienu nintuali ke a tie ban biigi ki pagi yaa nilo, nani yaa tuonsoanlo n kaa jie i fe o tuonli po, ama ki wangi i moamoani maama ke li tiegi.

2 Timote 4:8

Ba moala bi bili n po mi teginma badifogiliga, o Diedo yua n tie o bujiateginka n baa pa nni yaaga o guacuama daali. O kan pa mini nbebe ka, ama yaaba n den bua o guacuama kuli.

Hebilunba 10:32

Yin yaa tiani mani lan den tie yi po maama yaa dana n pendi, U Tienu n den kpa yendi yi yama yaa yogunu. Ba ke bi den waani yi fala boncianla, yi den juuni ki moa li muacianli, ki se ke li pa lienni.

Hebilunba 11:17

Li tie li dandanli yaa po ke Abalahama den padi Isaaka, U Tienu n den biigi o yaa yogunu. Wani yua n den baa u ñoanianu, den tuo ki baa padi o bonjayenyenga,

Hebilunba 12:5

Yi sundi U Tienu n tundi yi yaa tundi, nani bibaa n baa tundi o bila maama, ki yedi: «N bijua, ŋan da fali o Diedo N tundi a yaa tundifala, Ki da luo li papaali Wan jaligi a yaa yogunu.

Hebilunba 6:15

Abalahama n den juuni ki guu, o den baa U Tienu n niani o yaala.

Jaki 2:5

N kpibuadiba, cengi mani! Naani U Tienu ki gandi yaaba n tie luoda ŋanduna nuni po, ke ban tua a piada li dandanli nni, ki go baa wan niani ke o baa pa yaaba n bua o kuli yaa diema ka?

Jaki 5:11

Diidi mani, ti tua ke li pamancianli ye leni yaaba n laa fala ki go juuni lienni. Yi gbadi Jobi n den pia yaa juunli leni o Diedo n den yuandi ki puni o yaala o juodima yogunu, kelima o Diedo pia mi ninñingbadima, ki go pia li ŋanbili boncianla.

1 Pieri 3:14

Li pamanli ye leni yi, ba bi yaa waani yi fala yin tiendi yaala n ŋani yaa yogunu. Yin da jie mani bi nisaaliba ba waamu, ki da yagi yi yama.

1 Pieri 4:13

Ama yin yaa mangidi yi pala, kelima yi taani leni Kilisiti o fala nni. O kpiagidi yaa doagidi yaa yogunu moko, yi baa yaa ye leni li pamankandikaali.

1 Pieri 4:14

Bi yaa sugidi yi kelima Kilisiti yeli po, li pamanli ye leni yi kelima ti kpiagidi Fuoma, wani U Tienu Fuoma Yua yeni ye leni yi.

1 Pieri 5:10

U Tienu yua n die li ŋanbili kuli, yini yi Kilisiti nni, ke yin taani leni o ki baa yaa kpiagidi n kan gbeni, yi yaa tuo ki laa fala u yogunu waamu po. Wani o ba n baa ŋanbi yi cain, ki teni yin yaa se bonŋanla, ki paagi yi pala, ke liba kuli kan fidi ki lengi yi.

1 Pieri 5:4

Lanwani, o yankpaaciamo yaa doagidi o yuli yaa yogunu, yi baa baa yaa kpiagidi n kan yindi yaa badifogiliga.

1 Jan 4:19

Tinba, ti bua o kelima wani n den kpa bua tinba.

Mi Doagidima 2:10

Ŋan da jie ŋan baa ti le yaa fala. Cengi, li kan go waagi ke ku tuotabigu yudaano baa kuani yi siiga bi nitianba li kpaadidieli nni, lan tua yi po mi biigima. Bi baa waani yi fala dana piiga. Ŋan yaa tie nidugika hali mi kuuma. Lani, n baa pa ŋa li miali yaa badifogiliga.

Mi Doagidima 3:19

Mini, n fu ki go tundi min bua yaaba leni tundifala. Lanwani, ŋan go baa li yankuali ki pugini, ki lebidi a yama.

Mi Doagidima 3:21

Yua n koani mi jama ki paadi, n baa teni wan yaa ka leni nni n bali kalikaanu, nani mini n ba n den koani mi jama ki paadi, ki kaa leni n Baa o bali kalikaanu po maama yeni.