Hebilunba 8:9 - U TIENU MAAMA TILI 2013

⁹ Ku kan yaa tie nani min den kuani Yaa ŋantaado leni bi yaajanba, Min den cuo bi nii ki dadi Ki ñani ba Ejipiti diema nni yaa daali. Baa den tuo ki kubi n ŋantaado. Lanwani, mini mo ki go den yagini n yama bi po. O Diedo n yedi yeni.»

Gourmanchéma Bible

⁹ O kan yaa tie nani min den kuani Yaa ŋantaado leni bi yaajanba, Min den cuo bi nii ki dadi Ki ñani ba Ejipiti diema nni yaa daali. Kelima baa den tuo ki kubi n ŋantaado. Lanwani mini mo ki go den yagi n yama bipo. O Diedo n yedi yeni.»

Hebilunba 8:9 ပူးပေါင်းရင်းမြစ်များ

Mi cilima 19:16

Ama wan den waagidi yeni, laa jaliediba den cuo o nuu, wani leni o pua leni o bisaliediba, kelima o Diedo den bua ki ciadi o. Bi den dadi ki ñani ba u dogu nni.

Jobi 8:20

U Tienu kan ŋaa niteginka abada. O kan todi yaaba n tiendi mi biadima mo hali abada.

Pisomi 105:43

O den teni ke o niba ñani Leni li pamancianli. Wan gandi yaaba mo den ñani leni i yigimi.

Pisomi 77:20

A den tieni a sanu mi ñincianma nni, Ki tieni a taginkaanu mi ñincianma nni. Baa go den bandi a fuuna.

Pisomi 78:57

Bi den sani ki foagidi, Ki tua janbi danba nani bi baanba, Bi nani yaa dabanbaabu n yoaligi yeni.

Mi Ñama 32:8

Bi jaligi ki ŋaa min den bili ban yaa ŋua yaa sanu yeni. Bi duadi bi yula po ki naabiga, ki labini ki kani ki pugi, ki padi ki po a pada ki yedi: Isidayeli yaaba, diidi ki le mani yi tienu, yua n den ñani yi Ejipiti diema nni.»

Mi Ñama 34:10

O Diedo den guani ki yedi: «Diidi ki le, n go baa kuani o ŋantaado leni yi. N baa tieni mi bancianma a niba kuli nintuali, yaama n daa tieni diemiba kuli nni leni nibuoluba kuli siiga. Yaa nibuoli n lindi yi kuli, baa le mini o Diedo bontienkaala. Min baa tieni yaa bonlidinkaala yeni baa yaa pia i jeje.

I Yani 8:5

Yaa pua n guobi o buado Ki ña mi fanpienma po ne, Tie ŋme yo? N den fundi a bu tibu tinga, A naa n den taa a tugu naankani, Yua n mali a n den punbi a naani.

Esayi 40:11

O kpaa o yangoli nani o yankpaalo yeni. O gobidi ki taani a pebila leni o buagu, Ki taa ba ki ŋmabi. O gobidi yaa peñoe n da ŋaandi.

Esayi 41:13

Kelima n tie Li Miali Diedo a Tienu Yua n muubi a nuu. N yedi a: «Da jie liba. N cua ki baa todi a.»

Esayi 51:18

Yin den mali yaa bijaba kuli, Oba kuli ki ye, yua n baa gobidi yi. Yin den wubi yaa bijaba kuli, Oba kuli ki ye yua n baa muubi Yi buagu ki dadi yi.

Esayi 63:9

Bi paboanli kuli yaa niinni, Yaali n den tie omoko yaa paboanli. Yaa maleki n ye o nintuali n den faabi ba. Hali yogu o Diedo den daa ki faabi ba, Ki gobini ba ki tugi ba, Kelima o buama leni o ninñingbadima po.

Jeremi 31:32

Li kan yaa tie nani min den kuani yaa ŋantaado leni bi yaajanba, min den mubini bi nii, ki dadi ki ñani ba Ejipiti diema nni yaa daali ka. Ba ke n tie bi canbaa, bi den fidi laa ŋantaado. Mini o Diedo n yedi yeni.»

Jeremi Bubula 4:16

O Diedo wani o ba n yadi ba. Waa go bua ki le ba. Bi naa jigini bi kopadicianba, Ki buali ban miini bi yula a nikpela kani.

Esekieli 16:59

Diidi mini o Diedo U Tienu n yedi yaala: N baa soani a nani ŋan tieni maama, fini yua n naa kubi li poli, ki fidi mini leni fini siiga ŋantaado mo.

Esekieli 16:8

Li yaa puoli, n den tagini ki diidi a, ki sua ke a beni ki dagidi, ki pundi jafaano. N den tandi a po n kpalibu ki doagini a mubima. N den poli leni a, ki niani a n ñoanianu ki danli leni a, ke a den tua n yua. Mini o Diedo, U Tienu n yedi yeni.

Amosi 5:22

Yi yaa cuani yi padijuukaana leni yi paabu, Laa go pia yankualiba kuli. Mii go faami Yi taanyenma pada leni yi naatonbiwubida kuli po.

Malaki 2:13

Bontoala go ye ke yi tiendi la. Yi mua ki ñiidi, hali ke yi nunsiidi milini U Tienu padibinbinli, kelima waa go nua ki faadi yi pada, kaa go tuo ki gaani liba kuli yi nuu nni mo.

Marki 8:23

O den cuo o juamo nuu ki dadi ki ñani o u dogu nni. O den sii o ñinsandi o juamo nuni nni ki maani o po o nii, ki buali o o yaa nua bonla.

Jesu Tondiba Tuona 13:11

Moala, o Diedo baa pua ŋa, ŋan tua juamo ki kan le u yienu hali danaba.» Lanyogunu liga, Elimasi nuni den biigi, ke o juani cain. O ji den baaliti ki lingi yaaba n baa dadi o.

Jesu Tondiba Tuona 7:36

Wani Musa den tieni mi bancianma leni sinankeeninba Ejipiti nni leni mi Ñincianmoanma nni, ki ñani Isidayeli yaaba, ki go tiendi mi bancianma leni sinankeeninba mi fanpiencianma nni hali bina piinaa.

Jesu Tondiba Tuona 9:8

Soli den fii ki sedi. Ba ke o nuni den ŋubidi, waa den nua liba. Bi den cuo o nuu ki dia o ki gedini Damasi.

Galati 4:24

Laa puoliediba maama tie nani kpanjama, ki doagidi U Tienu ŋantaadiliedi. O ŋantaadiyendo yua n den kua Sinayi Juali kani naani leni Agari. Wan mali yaaba kuli tie yonbi.

Mi Tiadima 29:1

Musa den yini Isidayeli yaaba kuli ki yedi ba: «Yi den laa leni yi nuni o Diedo n den tieni yaala Ejipiti diema nni leni wan den tieni Faraon leni o naacenba kuli yaala.

Mi Tiadima 29:12

Yeni, o baa teni yin tua o niba dinla, wani o ba mo n tua yi Tienu nani wan den poli ki yedi yi baanba Abalahama, Isaaka leni Jakob maama.

Mi Tiadima 29:25

Li tie ke bi gedi ki ban kpiagi tientoe, ki gbaani ki pugi yi, ban ki den bani yaa tieni leni wan naa den puni ba ban baa ŋantaadi leni yii.