Hebilunba 8:5 - U TIENU MAAMA TILI 2013

⁵ Ban tuuni i jaandi taanma tuonli yaali yeni, tie tanpoli bonmoanla nannanli leni li jinjingu. U Tienu den tuodi ki waani Musa lane, wan den baa sieni li gbandieli yaa yogunu, ki yedi o: «Ŋan fangi a yuli ki tieni likuli, lan yaa tie nani min waani a yaa nannanli li juali po yeni.»

Gourmanchéma Bible

⁵ Bani n tuuni i jaandi taanma tuonli yaali yeni tie tanpoli bonmoanla nannanli leni li jinjingu. U Tienu den tuodi ki waani Musa yeni, wan den baa tii li gbandieli yaa yogunu, ki yedi o: «Ŋan fangi a yuli ki tieni likukuli lan yaa tie nani min waani a yaa nannanli li juali po yeni.»

Hebilunba 8:5 ပူးပေါင်းရင်းမြစ်များ

1 Bi Badiba Jama 28:12

O den waani o wan den jagi ke o baa tieni o yantiali nni o Diedo diegu luoli maama leni U Tienu diegu ŋalimano n den baa yaa ye yaa diena nni, ya n lindi U Tienu diegu leni yaa bonla n den gagidi ki ŋani yaa ŋalimano n den baa yaa ye naankani n baa yaa tie maama.

1 Bi Badiba Jama 28:19

Davidi den waani ke o Diedo n den diani lani kuli leni o yaa nuu, ki teni wan bandi la leni yaala n pundi ki tieni nani wan bi waani ke li baa yaa tie maama.

Mi Ñama 25:40

Diidi, ki yuandi ki tieni nani ban den waani a yaa nannanli li juali po yeni.

Mi Ñama 25:9

N baa waani yi, li gbandieli leni li tiadi n baa yaa tie maama. Yin ŋoadi ki tieni likuli nani min waani yaa nannanli yeni.

Mi Ñama 26:30

Ŋan tii U Tienu gbandieli nani ban waani a yaali li juali po yeni.

Mi Ñama 27:8

Laa padibinbinli yaali n tie dapagidi baa yaa tie bonlongu nani min waani a yaa nannanli li juali po yeni.

Mi Coadima 8:4

Diidi u fidisantuankaanu n den tie maama: U den tie wula yua n kpiagi, ki cili u tiipo, ki yaa caa hali u tanpoli. U den tie ban pua ki tandi tandi yaa wula. Bi den tieni u fidisantuankaanu, nani o Diedo n den teni ke Musa laa li bonlekaala nni maama.

Matie 2:12

U Tienu den waani ba ti dangidi nni, ke ban da guani Herodi kani. Lane bi den tagini santo ki kuni.

Jesu Tondiba Tuona 7:44

Ti yaajanba den pia siedi gbandieli mi fanpiencianma nni. Musa den tii li nani U Tienu n den puogi o maama, ke li tie yenma leni wan den waani o yaa nannanli.

Kolosi 2:17

Laa bonla kuli tie yaala n baa ti cua yaa jinjingu, li bonmoanla liba tie Kilisiti.

Hebilunba 10:1

U Tienu bali maama den pia yaa bonŋanla n baa ti cua yaa jinjingu. Ama laa tie laa bonŋanla n tie maama cain. Li tie lani yaa po ke li bali maama yeni, kan den fidi ki ŋanbi yaaba n nagidi U Tienu cain. Li den tie tiladi ban yaa lindi ki padi binli kuli padibuoyendu.

Hebilunba 11:7

Li tie li dandanli yaa po ke Nowe den cengi U Tienu n den tuodi ki waani o ke yaala n baa tieni, ba ke bi daa den nua la. Li fangili yaa jeje den cuo o U Tienu po, ke o kpie ku ñinbiaciangu, ki baa gaa o deni yaaba miana. Wan den tieni yeni, o den buni ki cuo ŋanduna, ki den baa li moamoansaali, yaali n baadi kelima li dandanli yaa po.

Hebilunba 12:25

Fangi mani yi yula, ki da yie ke yi kan cengi yua n maadi leni yi moala. Yaaba n den yie kaa cengi yua n soagindi ba U Tienu maama ŋanduna nni, naa den fidi ki sani ki cia. Lanwani, ti yaa yie kaa cengi yua n ye tanpoli po, laa pia tama ke ti kan fidi ki sani ki cia.

Hebilunba 13:10

Tin pia yaa padibinbinli, yaaba n tuuni li gbandieli nni, naa pia sanu ki ñani li jiema ki je.

Hebilunba 9:9

Laa bonla tie li nannanli u naa yogunu po, ki waani ti ke ban cuani yaa paabu leni yaa pada kuli, kan fidi ki ŋanbi o nilo wan dagidi cain, ki teni o pali siedi n duani.

Josue 22:28

Ti yedi ti yama nni ke bi yaa ti faa ki maadi tinba, bi ti yaabila laa maama, ti baa fidi ki guani ki yedi ba: ‹Diidi mani ti yaajanba n den maa yaa padibinbinli n tie ne, ki nandi li leni o Diedo padibinbinli. Die baa den maa li ki baa yaa padi li po padijuukaana, bi paditoana ka, ama ke lin yaa tie siedi tinba leni yinba siiga.›

Mi Doagidima 15:5

Li yaa puoli, n den laa U Tienu diegu ke siedi gbandieli mo luodi tanpoli po.