Hebilunba 5:9 - U TIENU MAAMA TILI 2013

⁹ Wan den teni ke o ŋani ki dagidi cain yeni, o den tua yua n cuani yaa tindima n ki pia gbenma, yaaba n tuo ki ŋua o kuli po.

Gourmanchéma Bible

⁹ Wan den teni ke o ŋani ki dagidi cain yeni, o den tua yua n cuani yaa *tindima n kaa pia gbenma yaaba n tuo ki ŋua o kuli po.

Hebilunba 5:9 ပူးပေါင်းရင်းမြစ်များ

Pisomi 45:17

A bijaba baa gaa a baanba kaanu, Ŋan kaani ba ban tua badijaba Mi diema nni kuli.

Pisomi 51:6

N tieni a po ti tuonbiadi, N tudi fini bebe yaa po yo, N tieni yaala n bia a nuni po. Yeni, a yaa maadi, Li baa sua ke a pia i moamoani. A yaa jia n buudi mo, li kaa pia poadoba.

Pisomi 51:8

Ŋan bua ki le yaala o nisaalo pali nni, N tie i moamoani. Hali n pali tugu nni, n miadi a mi yanfuoma.

Esayi 45:22

Yinba yaaba n ye hali i tinbiani kuli, Jigidi mani ki nuali nni Ki baa mi faabima, Kelima mini n tie U Tienu, Tientoa ki ye.

Esayi 49:6

O den yedi nni: «Min teni ke a tua N naacemo yeni daa dagidi. A baa fiini Jakob buoli yaaba, Ki guani bani Isidayeli yaaba, yaaba n sieni. N go gandi a ke ŋan tua mi yenma i nilanbuoli po, Ki teni n faabima mo n talini, Ki pundi hali ŋanduna banlu.»

Esayi 50:10

Yi siiga ŋme n fangi o Diedo Ki cengi o naacemo nialu? Yua n cuoni li biigili nni kuli, Ki naa pia mi yenma, Wan bili o dugidi o Diedo kani, Ki yaa dugi o Tienu po.

Esayi 55:3

Diadi mani yi tuba ki cua n kani, Cengi mani, lani yi baa yaa ye. N baa kuani leni yi yaa ŋantaado n kan fidi, Li ŋanbimoanli ŋantaado, Davidi po.

Danieli 9:24

Li bili binalele taalima piilele a buolu leni a dogagidiko po. Lanyogunu bili ke mi yiema n gbeni, Ke mi tudima n baa u bianu, Ke ti tuonbiadi n baa sugili, Ke yaa teginma n baa yaa ye hali yaa yogunu kuli N doagidi ke li bonlekaala leni U Tienu saawalipuaba Den soagini yaala kuli n tieni, Ke u kaangagidiŋanmoanu mo n go gagidi.

Sakari 6:15

Bi niba baa ña hali foagima, ki cua ki todi ban guani, ki maa o Diedo diegu. Lani, yi baa bandi ke Li Miali Diedo U Paalu Kuli Daano n soani nni yi kani moamoani. Laa bonla kuli baa tieni, yi yaa tuo ki ŋua o Diedo, yi Tienu.

Matie 17:5

Wan den maadi yeni yaa yogunu, yaa tawaligu n yieni den libini ba. U nialu den maadi ku tawaligu yeni niinni ki yedi: «One n tie n Bibuadiga, n pali n mani yua yaa po hali boncianla. Cengi mani o.»

Luki 13:32

O den guani ki yedi ba: «Gedi mani ki ban yedi o, wani o colo yeni, ke n deli ki ñandi mu cicibiadimu bi niba niinni, ki go paagidi bi niba dinla leni saala, li dataali daali n baa soani ki dudi.

Jan n diani U Tienu Laabaaliŋamo maama 19:30

Jesu n den fua mi ñinmiligima yeni, o den yedi: «Likuli tieni ki dudi.» Lani, o den tibini o yuli, ki cabi o naano ki kpe.

Jesu Tondiba Tuona 3:15

Yi den kpa li miali yaa Diedo U Tienu n den fiini yua bi tinkpiba siiga. Ti tie siedinba laa bonla kuli po.

Jesu Tondiba Tuona 4:12

Mi tindima ki ye nitoa kuli kani, kelima yetoali kuli ki ye ŋanduna nni tin baa tindi kelima yaali yaa po.»

Jesu Tondiba Tuona 5:32

Ti tie siedinba laa bonla kuli po, U Tienu Fuoma Yua, U Tienu n puni yua yaaba n tuo ki ŋua o maama kuli, moko tieni lipo siedi.»

LOMA YAABA 1:5

O yaa po yo, ke ti den baa li ŋanbili ki tua o tondiba, ke tin yaa gobidi i nibuoli kuli, ban daani o ki tuo o maama.

LOMA YAABA 10:16

Ama bikuli naa den tuo ki ŋoadi o Laabaaliŋamo. Esayi den doagidi la ki yedi: «O Diedo, ŋme daani ti maama?»

LOMA YAABA 15:18

Mii pia papaali ki maadi matoama kuli, kali Kilisiti n den taa nni, ke min yaa gobidi bi nilanba ban tuo ki ŋoadi U Tienu, kelima n maama leni n tuona po.

LOMA YAABA 2:8

Ama yaaba mo n pia mi niama yantiali ki yie kaa tuo ki ŋua i moamoani, ki ŋua yaala n ki tiegi, ki tiendi yaala n bia, U Tienu baa jia bi buudi leni li pabienli.

LOMA YAABA 6:17

Tin yaa tuondi U Tienu, kelima ba ke yi den kpa tie ti tuonbiadi yonbi, yi den tuo ki ŋoadi ban den bangi yi yaa bangima leni payenli.

2 Korenti 10:5

Ti guli yanmaalima buoli kuli leni ti yantia-japaadi yaala n fii ki yie U Tienu bandima po kuli. Ti go cuo ki dadi a yantiana kuli ke ŋan tuo ki yaa ŋua Kilisiti.

Filipi 2:12

Lanwani, n buakaaba, nani yin den tuo ki tiendi min yedi yaala min den ye leni yi yaa yogunu kuli maama, moala min kaa go ye leni yi yeni, yin go yaa tiendi yeni ki pugidi. Yin yaa moandi leni li fangili leni mi digibima, ki yaa ye yi tindima yema.

2 Tesaloniki 1:8

O baa doagidi u mupienu nni, ki pa yaaba n kaa bani U Tienu leni yaaba n kaa tuo ki ŋoadi ti Diedo Jesu yaa Laabaaliŋamo, bi biadima panpaani.

2 Tesaloniki 2:16

Ti Diedo Jesu Kilisiti wani o ba leni ti Baa U Tienu yua n den bua ti, ki puni ti kelima o ŋanbili po yaa baagi n ki pia gbenma leni yaa suginma n ŋani,

2 Timote 2:10

Lani yaa po, n tuo likuli, kelima bi nigandikaaba po, ke bani moko n baa yaa tindima n ye Jesu Kilisiti nni leni yaa kpiagidi n kan gbeni.

Hebilunba 1:14

Malekinba yeni kuli ki tie fuoma, yaaba n tuuni wani U Tienu po ka? O tuuni bane ke bi todi mi tindima faajieba.

Hebilunba 11:40

kelima U Tienu den jagi ti po yaala n ŋani ki cie, kaa bua ban ŋanbi ki dagidi cain, ke tii ye lienni.

Hebilunba 11:8

Li tie li dandanli yaa po ke Abalahama den tuo ki tieni U Tienu n yedi o yaala, wan den yini o yaa yogunu, ki fii ki gedi wan baa baa ki diedi yaa diema nni. O den fii ki caa kaa bani wan caa naankani.

Hebilunba 12:2

Tin yaa tiini ki nua Jesu yua n tie li dandanli cilika leni li ŋanbika. O den tuo li dapoanpoanli yaa kuuma, ki fali yaa fe n ye lienni, kelima yaa pamanli n den bili o po, ki kali U Tienu bali kalikaanu jienu po.

Hebilunba 2:10

Li den dagidi ke yua n tagi li bonla kuli leni li bonla kuli n ye yua yaa po, n lingi ki taani bila boncianla o kpiagidi nni. Lanwani, o den sua ke li pundi wan dagidi ki yaa ŋani cain, ki faabi ba kelima o fala po.

Hebilunba 2:3

Lanwani, ti yàá fangi laa faabicianma, o Diedo wani o ba n den kpa waani ti yaama, ti baa tieni lede ki sani ki cia o cuonu? Yaaba n den gbadi laa maama o Diedo ñoabu nni, mo den tieni ti po siedi ke mi tie moamoani.

Hebilunba 9:12

O den kua u kaangagidiŋanmoanu nni yenma, ke li dagidi i yogini kuli po. Waa den kua leni a naabila leni a ŋuabuana yaa soama ka, ama leni wani o ba yaa soaceli, ki baa ti po yaa daafaabima n baa ye hali yaa yogunu kuli.

Hebilunba 9:15

Li tie lani yaa po ke Kilisiti tie o ŋantaadipaano candanbaalo, ke U Tienu n yini yaaba kuli n baa wan den niani ba yaa ŋalimano, yua n baa yaa ye hali yaa yogunu kuli. Lani kuli baa tieni kelima Kilisiti kpe, ke o kuuma faabi ba leni ban den tieni yaa tuonbiadi o ŋantaadikpialo n den die ba yaa yogunu.

Hebilunba 9:28

li tie yeni ke Kilisiti den padi o yuli ki kpe yenma, ki tugi bi nisaaliba boncianla tuonbiadi. O go baa cua mi liema ki doagidi o yuli ke li kan go yaa tie ti tuonbiadi ñanma po ka, ama yaaba n den guu o tindima po.

1 Pieri 1:22

Moala yi ŋanbi yi yula leni yin ŋua i moamoani, ke yin fidi ki yaa pia yaa buama n ki pia tuonanma yi kpiiba po. Lanwani, yin yaa bua yiyaba hali boncianla leni yi pala kuli.

1 Jan 5:20

Ti go bani ke U Tienu Bijua cua ki puni ti mi yanfuoma ke tin bandi yua n tie o Moamoandaano. Ti ye o Moamoandaano niinni ki go ye o Bijua Jesu Kilisiti yaa niinni. Wani n tie U Tienu i moamoani leni yaa miali n kan gbeni.

Jude 1:21

Yin yaa kubi yi yula U Tienu buama nni, ki guu ti Diedo Jesu Kilisiti n pa yi yaa miali n kan gbeni, kelima o ninñingbadima po.