Hebilunba 4:2 - U TIENU MAAMA TILI 2013

² Bi den waani ti U Tienu maama nani bani yeni. Ama ban den gbadi yaa maama yeni naa den todi ba liba, kelima baa den gaa ma leni dandanli.

Gourmanchéma Bible

² Kelima bi den waani ti U Tienu maama nani bani yeni. Ama ban den gbadi yaa maama yeni naa den todi ba liba, kelima baa den ga ma leni *dandanli.

Hebilunba 4:2 ပူးပေါင်းရင်းမြစ်များ

Jesu Tondiba Tuona 13:46

Poli leni Barnabasi den paagi bi pala ki yedi ba: «Li den tie tiladi ke U Tienu maama n kpa pundi yinba yaa kani, ama kelima yi yie yii gaa ma, yi nua yi yula ke yii pundi ki baa yaa miali n kan gbeni. Lani yaa po, ti baa lebidi ki gedi bi nilanba po.

Jesu Tondiba Tuona 3:26

U Tienu den cuani o naacemo Jesu ki kpa soani o yinba yaa kane, ke wan seligi yi, ki teni yuakuli n lebidi ki ŋaa o tuonbiadi.»

LOMA YAABA 2:25

Yaala n tie ku koanciagu po, moamoani ku pia mayuli, a yaa tiendi li bali maama n bili yaala. Ama a yaa miidi li bali maama, a tua nani o jifolo yeni, ba ke a tie jungili.

LOMA YAABA 3:3

Ba bi siiga bi tianba yàá den tie nidugikaaba, naani li baa teni ke U Tienu kan yaa tie dugika, ki kan tieni wan den niani yaala?

1 Korenti 13:3

Ba n yaa bi boagidi n piama kuli Ki puni a luoda, Ba n yaa teni n gbanandi ke bi juu u mu, N yàá pia mi buama, Li kan todi nni liba.

Galati 3:2

N bua ki buali bonyenla bebe: Naani yi den baa U Tienu Fuoma Yua kelima yi den tuo ki tiendi li bali maama n bili yaala bi? Bi kelima yi den gbadi o Laabaaliŋamo ki daani?

Galati 3:8

I Diani nni li den tuodi ki waani ke U Tienu baa saa bi nilanba po moamoani kelima bi dandanli po. Lani yaa po, o den tuodi ki waani Abalahama yaa laabaaliŋamo n tie ne: «I nibuoli kuli baa li seli kelima a yaa po.»

Galati 4:13

Yi bani ke li tie n yianu po yo, ke n den kpa baa u sanu, ki waani yi o Laabaaliŋamo.

Mi Tiadima 1:32

Laa bonla yaa niinni, yi naa den dugi o Diedo yi Tienu po,

1 Tesaloniki 1:5

Tii den wangi yi o Laabaaliŋamo leni mi maama bebe ka, ama leni U Tienu Fuoma Yua paalu leni ti dugidi o Laabaaliŋamo yeni po. Yi bani tin den ye yi siiga leni yaa tagu buolu kelima ti den bua yi ŋamu.

1 Tesaloniki 2:13

Li tie lani yaa po ke yogunu kuli ti go tuondi U Tienu kelima yin den gaa tin den wangi yi U Tienu maama yaama. Yii den gaa ma nani mi tie bi nisaaliba maama ka. Ama yi den gaa ma nani man tie maama i moamoani. Lani n tie U Tienu maama yaama n tuuni yinba yaaba n tuo ki daani siiga.

1 Timote 4:8

Ti gbanandi tuonli pia mayuli waamu bebe, die ki bua ki yaa suagi liiga U Tienu sanŋoadima nni, lani n pia mayuli li bonla kuli po. Li niani u ñoanianu yaa miali n tie ne po leni yaa miali n baa cua moko yaa po.

Hebilunba 11:6

Oba kuli kan fidi ki mangi U Tienu pali, kali li dandanli yaa po. Li tie tiladi ke yua n pundi U Tienu kani kuli n daani ke o ye, ki baa pa yaaba n lingi o kuli i panpaani.

Hebilunba 3:12

N kpiiba, fangi mani yi yula ke yi siiga niloba, n da pia yaa pali n bia, ki luo li dandanli, hali yaala ke o baa lebidi ki ŋaa U Tienu yua n fo.

Hebilunba 4:6

Yaaba n den kpa gbadi U Tienu maama yeni ki den kua mi niinni, kelima bi dandanluoma po. Ama u sanu da ye nitianba po, ban kua laa fuodima nni.

Jaki 1:21

Lanwani, yin lu yaala n tie ti joagindi leni mi biadima kuli, ki yaa gaani U Tienu n buli yaa maama yi pala nni leni li yumiinli, kelima mi baa fidi ki faabi yi naani.

1 Pieri 1:12

U Tienu den doagidi ki waani ba ke ban soagindi yaa maama yeni, naa tie bani bi ba po ka, ama yinba yaa po. Moala yi gbadi laa bonla maama yaaba n wangi yi o Laabaaliŋamo kani. Bi den baa o U Tienu Fuoma Yua paalu, U Tienu n soani yua ke o ñani tanpoli po ki cua ŋanduna nni, ki wangi yi la. Ba malekinba bua hali boncianla ki diegi ki bandi laa bonla n tie yaala.