Hebilunba 4:12 - U TIENU MAAMA TILI 2013

¹² U Tienu maama fo ki tuuni leni u paalu. Mi mani ki cie jugisieñoaliedi, ki muu, ki paadi o naano leni li yantiali, ki go paadi a tuga leni o lonlogo. Mi biigidi o nilo yanmaalima leni o jaga.

Gourmanchéma Bible

¹² Kelima U Tienu maama fo ki tuuni leni u paalu. Mi mani ki cie jugisieñoaliedi, ki muu ki paadi o naano leni li yantiali, ki go paadi a tuga leni o londo. Mi bigidi o nilo yanmaalima leni o yanjaga.

Hebilunba 4:12 ပူးပေါင်းရင်းမြစ်များ

Pisomi 110:2

O Diedo n cili Siyon kani ki pugini a paalu, Ki teni ŋan diedi a yibalinba, Yaaba n gaani ki lindi a kuli.

Pisomi 119:130

A maama doagidima yendi li yantiali, Mi puuni bi yanboandanba mi yanfuoma.

Pisomi 139:2

A bani n kalima leni n fiima. A tuodi ki bani n jaga kuli ke li da foagi.

Pisomi 149:6

U Tienu pagidi n yaa ye bi ñoana nni, O Jugisieñoaliedi mo n yaa ye bi nuu nni,

Pisomi 45:3

A ŋani ki cie a jalieba kuli. A maama mani hali bonŋanla, Lani n teni ke U Tienu seligi a Yaa yogunu kuli po.

Mi Kpanjama 5:4

Ama mi baa yuandi ki yaa to hali boncianla Ki poagiliti nani jugisieñoaliedi yeni.

O Yanfuodaano 12:11

Bi yanfuodanba maama tie nani li bonmuukaala yene, ki go tie nani a kpakpaana ya n baa cuo ki sieni mi banma man da pendi. Likuli tie U Tienu yua n tie o gobidikamoano yaa paaboe.

Esayi 11:4

Ama o baa jia ti buudi taliginba po Leni mi teginma. O baa yaa tiegi mi diema luoda po. O baa pua ki tinga leni o maama Nani li yaa bi tie gbiamu yeni, Ki piebi o nibiado mo wan kpe.

Esayi 49:2

O den teni ke n ñoabu tua Nani yaa jugisiega n mani yeni. O den wuoni nni o nuu nni, Ki teni ke n tua nani yaa piemu n sondi, Ki ye o luoli nni.

Esayi 55:11

N maama yaama n ñani n ñoabu nni moko tie yene. Mi kan lebidi ki guani n kani Kaa tieni n yanbuama, Ki naa go tieni min den soani ma Man tieni yaala kuli.

Jeremi 17:10

Mini Li Miali Diedo n biigidi a pala, Ki bandi yaala n ye o nilo yantugu nni, Ki baa guani yuakuli, Nani o sanbila n tie maama, Ki pa yuakuli mo o panpaani, Nani o tuona n tie maama.»

Jeremi 23:29

O Diedo go yedi: «N maama tie nani u mu yeni. Mi go tie nani yaa toatoali n pua Ki mudi ku tangu yeni.»

Luki 8:11

Cengi mani mi kpanjama yeni bundima. I bonbuoli tie U Tienu maama.

Jan n diani U Tienu Laabaaliŋamo maama 12:48

Yua n yie nni kaa gaa n maama kuli, pia o bujialo. Min den maadi yaa maama yeni, mani n baa bu leni o li juodidaali.

Jan n diani U Tienu Laabaaliŋamo maama 6:51

Mini n tie yaa jiema n fo, ki ñani tanpoli po ki jiidi ki puuni li miali. Yua n di laa jiema kuli, baa yaa ye hali yaa yogunu kuli. Min baa pa o yaa jiema yeni tie n gbanandi, min baa pa yaadi ŋanduna yaaba kuli po, ke ban baa li miali.»

Jesu Tondiba Tuona 2:37

Ban den gbadi laa maama, mi den cuo bi pala ke bi yedi Pieli leni o tondilieba: «Ti kpiiba, ti baa tieni lede?»

Jesu Tondiba Tuona 4:31

Ban den jaandi yeni, ban taani naankani den digibi. Bi den gbie leni U Tienu Fuoma Yua ke bi wangi U Tienu maama leni li papaali.

Jesu Tondiba Tuona 5:33

Bi cancantieba n den gbadi laa maama kuli, bi pala den beni ke li kandi, ke bi bua ki kpa Jesu tondiba.

Jesu Tondiba Tuona 7:38

O den ye leni Isidayeli yaaba nitaanli mi fanpiencianma po leni ti yaajanba yeni leni U Tienu maleki yua n den maadi leni o Sinayi juali kani. O den baa li miali maama, ki soagini ma ti po.

LOMA YAABA 1:16

Mii jie i fe o Laabaaliŋamo wangima po. Li tie U Tienu paalu yaaba n daani kuli yaa tindima po, ki cili Jufinba, ki ŋoadi bi nilanba.

1 Korenti 1:24

Ama U Tienu n yini yaaba po, ban tie Jufinba bi ban tie Girekinba, Kilisiti tie U Tienu paalu leni U Tienu yanfuoma.

2 Korenti 2:17

Tii tie nani bi niba boncianla, yaaba n lebidi U Tienu maama, ke man tua baali bi po. Ama tinba, ti maadi U Tienu po leni li payenli, wani U Tienu nintuali, Kilisiti nni.

2 Korenti 4:2

Ti yie yaala n pia i fe ki tiendi ŋasiili nni kuli. Tii tiendi liba leni nunfanbiadibu. Tii lu ki lebidi U Tienu Maama baa waamu. Ama ti doagidi i moamoani, ki tendi ke bi niba kuli pala siedi dua ti po U Tienu nintuali.

Efesa 5:13

Bi yaa doagidi laa niba n tiendi yaa bonbiadila mi yenma nni, mi yenma baa doagidi lan bia maama, kelima mi yenma doagidi likuli.

Efesa 5:26

O den tieni yeni ki baa ŋuudi ki ŋanbi li leni mi ñima leni U Tienu maama.

Efesa 6:17

Yin yaa ciibi mi tindima kusanli leni mi Fuoma jugisiega yaaga n tie U Tienu Maama.

1 Tesaloniki 2:13

Li tie lani yaa po ke yogunu kuli ti go tuondi U Tienu kelima yin den gaa tin den wangi yi U Tienu maama yaama. Yii den gaa ma nani mi tie bi nisaaliba maama ka. Ama yi den gaa ma nani man tie maama i moamoani. Lani n tie U Tienu maama yaama n tuuni yinba yaaba n tuo ki daani siiga.

1 Tesaloniki 5:23

Mi yanduanma Tienu, wani o ba n yaa gagidi ki ŋanbidi yi cain yi pala nni, yi yantiana nni leni yi gbanandi nni kuli. Lani n tie yin da pia tagiliba kuli ti Diedo Jesu Kilisiti cuama daali.

Hebilunba 13:7

Yin yaa tiani yi gobidikaaba po, bani yaaba n den waani yi U Tienu maama. Yin kpaagi bi yema leni bi juodima po, ki yaa togidi bi dandanli.

Hebilunba 6:5

ki leni ki bandi U Tienu maama n mani maama, ki go bandi yaa yogunu n kpendi yaa paalu,

Jaki 1:18

O yanbuama po, o den mali ti, kelima i moamoani maama po, ke tin yaa tie o tagima kuli siiga li bonkpiala.

1 Pieri 1:23

Lani yaa po, yi pia li miapanli. Yii pia li ke li ŋua leni yaa bonbuoli n baa bedi ka. Ama li tie leni yaali n kan bede. Lani n tie U Tienu maama yaama n fo, ki baa yaa ye hali yaa yogunu kuli po.

Mi Doagidima 1:16

O den muubi ŋmabilalele o jienu. Jugisieñoaliedi, yaaga n mani den ña o ñoabu nni. O nunga den ñuliti nani u yienu n yen kpadi u yensiinu maama yeni.

Mi Doagidima 19:15

Yaa jugisiega n mani, den ña o ñoabu nni, wan baa pua i nibuoli leni yaaga. O muubi ti kudi badigbiamu ki baa gobidi ki yaa kpaa ba. O baa ŋmaa duven ŋanbikaanu nni, yuu n tie U Tienu U Paaciamu Kuli Daano pabiencianli nni.

Mi Doagidima 19:21

Wani, yua n jagi o taamo yeni, den kpa bi toagola ya n sieni leni yaa jugisiega n ñani o ñoabu nni, ke ti bonyugiditi kuli dini bi gbanandi ki guo.

Mi Doagidima 2:16

Ŋan lebidi a yama, lan yaa ka, n baa cua a kani tontoni, ki koani leni laa niba leni n ñoabu jugisiega.

Mi Doagidima 2:23

N go baa kpa o bila moko. Lanwani, Kilisiti Nitaana kuli baa bandi ke n tie yua n nua bi niba yantiana leni bi pala kuli, ki go baa pa yi siiga yuakuli o panpaani, nani wan tieni maama.

Mi Doagidima 20:4

N den laa li bali kalikaani, ke yaaba n kaa i po den baa li bali ki baa jia ti buudi. N go den laa ban jendi yaaba yaa yula yaa naani, kelima Jesu yaa siedi po, U Tienu Maama po, yaaba n kaa den gbaani ki kpiagi ki fuayanga leni ki nannanli, kaa gaa o maalima bi yutuna, yaa ka bi nii po. Bi den guani ki baa li miali ki die leni Kilisiti hali bina tudili.

Bi Bujiaba 3:16

Ehudi den maa wani o ba o jugisiega, ke ki pia ñoanalie, ke ki foaginu pundi nukpandunli. O den yie ka o ciaga nni, ki guani ka o jiencakpigili ki yie o tiadi ki maani ki po.