Hebilunba 2:11 - U TIENU MAAMA TILI 2013

¹¹ Jesu yua n gagidi ki ŋanbidi bi niba U Tienu po leni wan gagidi yaaba yeni kuli, taa Baayendo. Li tie lani yaa po ke waa jie i fe ki yini ba o waamu,

Gourmanchéma Bible

¹¹ Jesu yua n gagidi bi niba U Tienu po leni wan gagidi yaaba yeni kuli taa Baayendo. Li tie lani yaa po ke waa jie i fe ki yini ba o waamu

Hebilunba 2:11 ပူးပေါင်းရင်းမြစ်များ

Matie 25:40

Lani, o bado baa guani ki yedi ba: ‹N waani yi i moamoani, yin den tieni la yaa yogunu, n kpiiba na siiga ba yua yaa kpiagidi n wa ki cie po, yi den tieni la n yaa po yo.›

Matie 28:10

Jesu den yedi ba: «Yin da jie mani, gedi mani ki ban waani n kpiiba, ke ban gedi Galile, bi baa n le nni lanpo.»

Marki 3:34

Lani, o den diidi yaaba n lindi o kuli ki yedi: «Diidi n naa leni n waamu.

Marki 8:38

Yua n jie i fe n po leni n maama po bi naa niba, yaaba n tie tuonbiadi danba ki go conbi yeni siiga, o Joa Bijua mo baa jie laa nilo po i fe, o yaa ti cua o Baa kpiagidi nni, ki yegi leni yaa malekinba n gagidi ki ŋani yaa yogunu.»

Luki 9:26

Yua n jie i fe mini leni n maama po, o Joa Bijua moko baa ti jie o po i fe o yaa cua leni o kpiagidi leni Baa yaa kpiagidi ki yegi leni yaa malekinba n gagidi ki ŋani.

Jan n diani U Tienu Laabaaliŋamo maama 17:19

N gagidi ki ŋanbi n yuli a po, ke bani moko n gagidi ki ŋanbi a po i moamoani nni.

Jan n diani U Tienu Laabaaliŋamo maama 17:21

Min mia ŋa bi po yaala tie line: bikuli n yaa tie yendo nani fini Baa n ye n niinni, ke nmoko ye a niinni maama. Bani mo n yaa ye ti niinni, ke ŋanduna yaaba n daani ke fini n soani nni.

Jan n diani U Tienu Laabaaliŋamo maama 20:17

Jesu den yedi o: «Da sii nni, kelima n daa doni ki gedi n Baa po. Ama gedi n kpiiba po, ki ban waani ba ke n baa do n Baa yua n tie yimoko yaa Baa po, wani yua n tie mini leni yinba kuli Tienu yeni po.»

Jesu Tondiba Tuona 17:26

O den tagi jayendo ki teni ke ŋanduna nibuoli kuli ñani o kani. O go teni ke bi yadi yadi ki ye ki tinga nni kuli. Hali ban daa den ye, o den tuodi ki bili ban baa yaa ye yaa yogunu leni ban baa ye naankani.

Jesu Tondiba Tuona 17:28

‹Ti fuoma, ti cenli leni ti yema kuli ye, kelima wani U Tienu yaa po.› Yi yaa baantiadi moko bi tianba yedi line: ‹Timoko tie o bila.›

LOMA YAABA 8:29

U Tienu n den tuodi ki bani yaaba, o go den tuodi ki gandi ba, ki baa teni ban tua nani o Bijua yeni. Wani o Bijua yeni mo n tua o bijakpelo o waamu yaaba n yabi boncianla siiga.

Galati 4:4

Ama U Tienu n den bili yaa yogunu n pundi, o den soani o Bijua ŋanduna nni, ke o pua mali o, ke li bali maama n diedi o,

Hebilunba 10:10

U Tienu yanbuama yeni po Kilisiti den puni o gbanandi, ki tua li padili ki kpe ti po yenma, ke li dagidi yogunu kuli po, ki gagidi ki ŋanbi ti.

Hebilunba 10:14

O padiyenli yeni yaa po, o teni ke wan gagidi ki ŋanbi yaaba dagidi cain, hali yaa yogunu kuli po.

Hebilunba 11:16

Die moamoani bi den kuani bi yama ki bua ki pundi yaa dogu n ŋani ki cie, wuni tanpoli yuu yeni. Lani yaa po, laa pia U Tienu po fe ban yini o bi Tienu, kelima o ŋanbi bi po u dogu.

Hebilunba 13:12

Li tie lani yaa po yo, ke Jesu moko den laa fala ki kpe u dogu niinpo, ki baa gagidi ki ŋanbi bi niba leni o soaceli.

Hebilunba 2:14

A bila n tie nisaaliba ki pia ti gbanandi leni mi soama yeni, Jesu moko den tua nisaalo, ki pia ti gbanandi leni mi soama. O den tua yeni ki kpe, ke o kuuma n bolini Sutaani paalu, wani yua n pia mi kuuma paalu.

Hebilunba 3:1

Lani yaa po, n kpiiba, bi nigagidiŋanba, yinba U Tienu n yini yaaba yin kpaagi mani Jesu po, wani yua n tie o Tondo leni tin tiendi siedi yaa dandanli po, yaa kopadicianba bado.