Hebilunba 2:10 - U TIENU MAAMA TILI 2013

¹⁰ Li den dagidi ke yua n tagi li bonla kuli leni li bonla kuli n ye yua yaa po, n lingi ki taani bila boncianla o kpiagidi nni. Lanwani, o den sua ke li pundi wan dagidi ki yaa ŋani cain, ki faabi ba kelima o fala po.

Gourmanchéma Bible

¹⁰ U Tienu, yua n den tagi li bonla kuli o yuli po ki go kubi likuli, den bua bila boncianla n taani leni o o kpiagidi nni. Lanwani o den sua ke li den pundi wan teni Jesu n dagidi ki yaa ŋani cain kelima wan laa yaa fala po, ke wan fidi ki tindi ba.

Hebilunba 2:10 ပူးပေါင်းရင်းမြစ်များ

Mi cilima 18:25

A kan tuo o niteginka n taani ki kpe leni o nibiado. A kan tuo o niteginka n tua yenma leni o nibiado. Laa tuonli buolu foagi leni a. Li foagi leni a cain. Naani yua n ja ti buudi leni ki tinga yaaba kuli, o kan tieni mi teginma?»

Mi Kpanjama 16:4

O Diedo pia wan tieni bonla kuli yaala yaa po. Ba o nibiado, o tagi o fala daali po yo.

Esayi 43:21

Min tagi ki go tieni yaa niba n yuli po yeni, Bi baa yaa kpaani ki pagi nni.»

Esayi 55:4

Diidi, n teni ke o tua siedi i nibuoli po, Nani o yudaano, ki gobidi i nibuoli.

Ose Tili 8:10

Ama ba ke bi puuni nibuotoe bu paabu, U yogunu pundi ke n baa taani ba, Ki waani ba fala. Li kan waagi ke bi baa le fala Leni bi badiba badiciamo mabinga.

Mise 2:13

Mini U Tienu baa cibi yi yonbidi kpaadidieli li bonli, Ki kua yi liiga yin tagini li bonli ki ña, Yi yonbidi dogu bilinciamu sani ki ban yaa caa. Mini yi bado n baa kua yi liiga, Mini o Diedo n baa tugi yi yuli.»

Luki 13:32

O den guani ki yedi ba: «Gedi mani ki ban yedi o, wani o colo yeni, ke n deli ki ñandi mu cicibiadimu bi niba niinni, ki go paagidi bi niba dinla leni saala, li dataali daali n baa soani ki dudi.

Luki 2:14

«U Tienu n baa ti kpiagidi hali tanpolijoma, Yaa niba n mangi o pali ki tinga nni N yaa pia mi yanduanma.»

Luki 24:26

Naani laa den tie tiladi ke U Tienu n Gandi Yua n le fala yeni, ki kua o kpiagidi kaanu?»

Luki 24:46

Lani, o den yedi ba: «Li diani ki yedi, ke U Tienu n Gandi Yua baa le fala, ki yuandi ki fii bi tinkpiba siiga li dataali daali.

Jan n diani U Tienu Laabaaliŋamo maama 11:52

Laa tie Jufinba buolu po bebe ka, ama o kuuma baa taani U Tienu bila yaaba n yadi yadi i kaani kuli, ban taani ki tua yenma.

Jan n diani U Tienu Laabaaliŋamo maama 19:30

Jesu n den fua mi ñinmiligima yeni, o den yedi: «Likuli tieni ki dudi.» Lani, o den tibini o yuli, ki cabi o naano ki kpe.

Jesu Tondiba Tuona 3:15

Yi den kpa li miali yaa Diedo U Tienu n den fiini yua bi tinkpiba siiga. Ti tie siedinba laa bonla kuli po.

Jesu Tondiba Tuona 5:31

U Tienu kpiagi o ki teni ke o ye o jienu kani ki tie Yudaano leni Candaano, kelima o bua Isidayeli yaaba n lebidi bi pala, wan pa ba sugili bi tuonbiadi po.

LOMA YAABA 11:36

Li bonla kuli ñani o kani, wani n kubi likuli, likuli mo ye o yaa po yo. Wani n yaa baadi ti kpiagidi, hali yaa yogunu kuli. Amina!

LOMA YAABA 9:23

U Tienu den tieni yeni ki baa doagidi o kpiagidi n yabi maama yaa niba n tie nani wan den gbadi yaa tiadi po mi ninñima yaa po wan den tuodi ki ŋanbi yaaba ke ban taani leni o o kpiagidi nni?

1 Korenti 2:7

Ti wangi U Tienu yaa yanfuoma maame, yaama n duagi ki wuo bi nisaaliba po, U Tienu n den tuodi ki bili yaama ke man yaa tie ti po ti kpiagidi.

1 Korenti 8:6

Ama tinba yaa po wani, Tienyendu bebe n ye, yua n tie Baa. Wani n den tagi li bonla kuli, timo ye o yaa po yo. Diediyendo bebe n ye, wani n tie Jesu Kilisiti. Li bonla kuli den tagi kelima o po, timo ye kelima wani yaa po.

2 Korenti 3:18

Tinba yaaba yaa nunmu n pigidi, ke bi nua ti niinni o Diedo kpiagidi n ñuliti maama, U Tienu lebidi ti ke ti naani leni wani o Diedo yeni, ki baadi ti kpiagidi ki pugidi pugidi. O Diedo yua n tie mi Fuoma n tiendi lani kuli.

2 Korenti 4:17

Tin laadi yaa fala u naa yogunu po, naa tie puu leni wan bogindi ti yaa kpiagidi po. Laa kpiagidi yabi ki kan pendi hali abada.

2 Korenti 5:18

Lani kuli ñani U Tienu kani, wani yua n teni ke ti mangi leni o, kelima Kilisiti yaa po, ki puogi ti yaa tuonli n tie, ki teni bi niba n guani ki mangi leni o.

2 Korenti 6:18

N baa yaa tie yi po yi Baa, Yinba mo baa yaa tie n bonjala leni n bonpola. O Diedo U Paaciamu Kuli Daano n yedi yeni.»

Galati 3:26

Kelima yikuli tua U Tienu bijaba kelima li dandanli Jesu Kilisiti nni yaa po.

Efesa 2:7

O den tieni lani kuli ki baa doagidi o ŋanbili n yabi kaa pia bianu maama, hali yaa yogini n baa ti cua, kelima o ŋanma ti po Jesu Kilisiti nni.

Efesa 3:10

O bua moala, kelima Kilisiti Nitaanli po, i paaciami danba leni li bali danba yaaba ye tanpoli n bandi, wani U Tienu yanfuoma, yaama yaa buoli n yabi.

Kolosi 3:4

Kilisiti, yua n tie yi miana, yaa go cua ki doagidi o yuli yaa yogunu, yimoko baa taani ki doagidi leni o o kpiagidi nni.

2 Timote 2:10

Lani yaa po, n tuo likuli, kelima bi nigandikaaba po, ke bani moko n baa yaa tindima n ye Jesu Kilisiti nni leni yaa kpiagidi n kan gbeni.

Hebilunba 12:2

Tin yaa tiini ki nua Jesu yua n tie li dandanli cilika leni li ŋanbika. O den tuo li dapoanpoanli yaa kuuma, ki fali yaa fe n ye lienni, kelima yaa pamanli n den bili o po, ki kali U Tienu bali kalikaanu jienu po.

Hebilunba 6:20

Jesu n den gaa ti liiga ki kua naankani ti po. O tua yaa kopadicianba bado n tie nani Melikisedeki yeni, ki baa yaa ye hali yaa yogunu kuli.

Hebilunba 7:26

Wani n tie yaa kopadicianba bado buolu n dagidi ti po. O gagidi ki ŋani cain, waa pia tagiliba kuli, tuonbiadiba kuli mo ki ye o niinni. O paadi leni ti tuonbiadi danba, U Tienu den duoni o ke o pendi tanpoli kuli.

Hebilunba 7:28

Li bali maama den dini bi nisaaliba yaaba n tadi ke bi tua bi kopadicianba. Ama li poli yaa maama yaama n den yuandi ki cua li bali maama puoli po yeni, teni ke Bijua, wani yua n dagidi ki ŋani cain hali yaa yogunu kuli, n yaa tie bi kopadicianba bado.

1 Pieri 1:12

U Tienu den doagidi ki waani ba ke ban soagindi yaa maama yeni, naa tie bani bi ba po ka, ama yinba yaa po. Moala yi gbadi laa bonla maama yaaba n wangi yi o Laabaaliŋamo kani. Bi den baa o U Tienu Fuoma Yua paalu, U Tienu n soani yua ke o ñani tanpoli po ki cua ŋanduna nni, ki wangi yi la. Ba malekinba bua hali boncianla ki diegi ki bandi laa bonla n tie yaala.

1 Pieri 5:1

Lanwani, mini yua n tie o nikpelo, ki tie siedi Kilisiti falaciamo po, ki go baa taani ki baa U Tienu n baa doagidi yaa kpiagidi, mia ki go tundi yi siiga yaaba n tie a nikpela line:

1 Pieri 5:10

U Tienu yua n die li ŋanbili kuli, yini yi Kilisiti nni, ke yin taani leni o ki baa yaa kpiagidi n kan gbeni, yi yaa tuo ki laa fala u yogunu waamu po. Wani o ba n baa ŋanbi yi cain, ki teni yin yaa se bonŋanla, ki paagi yi pala, ke liba kuli kan fidi ki lengi yi.

Mi Doagidima 4:11

«Ti Diedo, ti Tienu, A pundi ki yaa baadi ti kpiagidi Leni ti jigidi leni u paalu, Kelima fini n tagi li bonla kuli, A yanbuama po mo ke likuli tagi, Ki go baa ye.»

Mi Doagidima 7:9

Lani n pendi, n den laa yaa niligu n yabi hali ke oba kuli kan fidi ki coadi ba, bani, yaaba n ñani ŋanduna diema, i nibuoli leni i mabuoli kuli nni. Bi den se li bali kalikaanu leni ki Pebiga nintuali, ki la a liadipienciama ki muubi ti kpakpafaadi.