Hebilunba 12:2 - U TIENU MAAMA TILI 2013

² Tin yaa tiini ki nua Jesu yua n tie li dandanli cilika leni li ŋanbika. O den tuo li dapoanpoanli yaa kuuma, ki fali yaa fe n ye lienni, kelima yaa pamanli n den bili o po, ki kali U Tienu bali kalikaanu jienu po.

Gourmanchéma Bible

² Tin yaa tiini ki nua Jesu yua n tie li *dandanli cilika leni li ŋanbika. Kelima yaa pamanli n den bili opo yaa po, o den tuo li*dapoanpoanli yaa kuuma, ki fali yaa fe n ye lienni, ki kali U Tienu bali kalikaanu jienu po.

Hebilunba 12:2 ပူးပေါင်းရင်းမြစ်များ

Pisomi 110:1

Davidi Pisomi. Li Miali Diedo den yedi n Diedo: «Kali n jienu po, Hali min baa guli a yibalinba ŋan ŋmaa ba.»

Pisomi 138:8

O Diedo baa tieni n po bonli kuli. O Diedo a buama ki pia gbenma, Lanwani, ŋan da lu a nuu n tagi yaala!

Esayi 31:1

Fala baa nandi yaaba n caa Ejipiti diema nni ki ban lingi mi todima. Bi dugi i taami leni ti toateliti po, Kelima bi coali yabi boncianla. Bi jigini bi tanjagiba, Kelima bi fidu yabi boncianla. Ama bi naa yaadi ki diidi Isidayeli Tienu yua n Gagidi ki ŋani. Bi naa lingi wani o Diedo!

Esayi 45:22

Yinba yaaba n ye hali i tinbiani kuli, Jigidi mani ki nuali nni Ki baa mi faabima, Kelima mini n tie U Tienu, Tientoa ki ye.

Esayi 53:3

Bi niba den fali o, ki ŋaa o, Wani o falabiado nilo, yua n maani fala, O den naani leni ban den buli yua ki nunga. Ti den fali o ki nua ke waa tie puu.

Esayi 8:17

N dugi o Diedo po, wani yua n buli o nunga Jakob diegu yaaba po. N dugi o po, hali bonŋanla.

Mise 7:7

Ama mini, n baa yaa diidi o Diedo yo, N baa yaa dugi n faabima Tienu po, Kelima wani n Tienu baa gaa n miabu.

Sakari 12:10

U Tienu go yedi: «N baa gbieni Davidi puoliŋuani leni Jerusalemi yaaba, yaaba n sieni, mi ninñima leni bu miabu yaa yantiali. Bi baa pegidi ki diidi mini, ban den muu mini yua yeni. Li paboanli baa cuo ba, nani bonjayenyenga kuuma yaa paboanli yeni. Bi baa mua boncianla, bi baa mua hali boncianla nani o nilo bijakpelo kuuma yeni.

Mi Coadima 21:9

Musa den duadi ti kumoandi wa, ki joani o ku dafoagidigu po. Wa n den ñidi yua kuli, ke o yaadi ki diidi ti kumoandi wa yeni, o yen ciadi.

Matie 16:21

Lanyogunu Jesu den cili ki doagidi ki wangi o ŋoadikaaba ke li tie tiladi wan gedi Jerusalemi, ke Jufinba nikpela, bi kopadicianba yudanba leni li bali maama banda n waani o fala boncianla, ke bi niba n kpa o. Ama li dataali daali, o baa fii bi tinkpiba siiga.

Matie 20:28

Lani n cedi ke o Joa Bijua ki cua ke bi niba n yaa tuuni o po ka, ama o cua ki baa yaa tuuni bi niba po, ki pa o miali, ki daa ki faabi bi niba boncianla.»

Marki 14:36

O den tua: «N Baa, n Baa, a fidi li bonla kuli, ŋan ñani n kani yaa tadiñokaaga n tie ne, min da ño. Die lan da tua mini ka n bua yaala, ama fine n bua yaala.»

Marki 15:28

Yeni, li den tieni nani i Diani n yedi maama: «Bi den nua o ke o taa yenma leni ti tuonbiadi danba.]»

Marki 16:19

O Diedo Jesu n den maadi leni o ŋoadikaaba yeni, o den doni tanpoli, ki ban kali U Tienu jienu.

Marki 9:12

O den guani ki yedi ba: «Li tie moamoani ke Eli baa kpa cua ki ŋanbi li bonla kuli. Li nan gaa lede ke li diani ke o Joa Bijua baa le fala boncianla, ban go fali o mo?

Marki 9:24

Lanyogunu ki biga baa den kpaani ki yedi: «N daani! Faabi nni leni n dandanluoma!»

Luki 17:5

Jesu tondiba den yedi o: «Ti Daano, pugini ti dandanli.»

Luki 23:11

Herodi den taani leni o toatieba ki fali o, ki ñuadi o, ki lani o ti tiakpiagidi, ki guani o Pilati po.

Luki 24:26

Naani laa den tie tiladi ke U Tienu n Gandi Yua n le fala yeni, ki kua o kpiagidi kaanu?»

Jan n diani U Tienu Laabaaliŋamo maama 1:29

Lan den fii ki faa, Jan den laa Jesu ke o kpendi o kani, ki yedi: «Diidi mani U Tienu Pebiga, yua n ñandi ŋanduna tuonbiadi.

Jan n diani U Tienu Laabaaliŋamo maama 12:24

N yedi yi i moamoani, mi dibima yàá kua ki tinga nni ki kpe, mi baa yaa ye mi bebe lige. Ama mi yaa kpe, mi baa luoni yaa bonbii n yabi.

Jan n diani U Tienu Laabaaliŋamo maama 12:32

Bi yaa fiini nni ki tinga po, n baa dadi bi niba kuli yama ban cua n kani.»

Jan n diani U Tienu Laabaaliŋamo maama 13:3

Jesu wani o ba den bani ke Baa U Tienu dini o li bali ke o die li bonla kuli, ki go bani ke o den ñani U Tienu kani ki baa guani ki gedi U Tienu kani.

Jan n diani U Tienu Laabaaliŋamo maama 6:40

N Baa yanbuama go tie line, ke yua n nuali Bijua ki daani o kuli, n baa yaa miali n kan gbeni, ke min fiini o bi tinkpiba siiga, li juodidaali.»

Jan n diani U Tienu Laabaaliŋamo maama 8:56

Yi baa Abalahama den mangi o pali boncianla, ke o baa le n daali. O den laa li ke li mangi o.»

Jesu Tondiba Tuona 2:36

Pieli go den yedi: «Lani yaa po, yinba Isidayeli yaaba kuli, bandi mani bonŋanla ke U Tienu teni ke Jesu, yin den joani yua li dapoanpoanli po, tie o Diedo leni U Tienu n Gandi Yua.»

Jesu Tondiba Tuona 3:15

Yi den kpa li miali yaa Diedo U Tienu n den fiini yua bi tinkpiba siiga. Ti tie siedinba laa bonla kuli po.

Jesu Tondiba Tuona 5:31

U Tienu kpiagi o ki teni ke o ye o jienu kani ki tie Yudaano leni Candaano, kelima o bua Isidayeli yaaba n lebidi bi pala, wan pa ba sugili bi tuonbiadi po.

Jesu Tondiba Tuona 5:41

Jesu tondiba n den ñani bi cancantieba taanli kani, bi den mangi bi pala leni U Tienu n sua ke li pundi ban le i fe o Diedo yeli po.

1 Korenti 1:18

Li dapoanpoanli yaa mawangima tie yanluoma yaaba n baa bodi po. Ama tinba yaaba n tindi po, li tie U Tienu paalu.

1 Korenti 1:23

Ama tinba wani wangi Kilisiti, ban den kpaa yua li dapoanpoanli po. Laa maama tie tingbali bonla Jufinba po, ki tie yanluoma mo bi nilanba po.

Efesa 2:16

O den tieni yeni ki baa teni ban mangi leni U Tienu, ki tua nibuoyendu, kelima li dapoanpoanli po, wan den bolini ti yibalindi naankani.

Efesa 5:2

Yin yaa ye leni yiyaba leni mi buama, nani Kilisiti n den bua ti maama, ki puni o yuli U Tienu, ki tua yaa paabu leni yaa padili yaa nuulu n mani.

Filipi 1:6

N daani ki go bani cain ke wani yua n cili laa tuonŋanli yi niinni, baa yaa tuuni li hali ki dudi li, Jesu Kilisiti guacuama daali.

Filipi 3:20

Ama tinba, ti tie tanpoli diema yaaba. Ti guu ke ti Candaano o Diedo Jesu Kilisiti baa go ña lankani ki cua.

2 Timote 4:8

Ba moala bi bili n po mi teginma badifogiliga, o Diedo yua n tie o bujiateginka n baa pa nni yaaga o guacuama daali. O kan pa mini nbebe ka, ama yaaba n den bua o guacuama kuli.

Hebilunba 1:13

U laa yogunu yo ke U Tienu go maadi leni o malekinba kuli siiga, ba yendo ki yedi: «Kali n jienu po, Hali min guli a yibalinba ŋan ŋmaa ba?»

Hebilunba 1:3

Wani Bijua yeni n yadi U Tienu kpiagidi yenma. U Tienu n tie maama, o Bijua moko tie yene cain. O go kubi mi tagima kuli ke mi ye kelima o maama paalu po. Wan den soani ti tuonbiadi ŋuudiñanma tuonli ki dudi, o den kali hali tanpolijoma, U Tienu yua n pia ti kpiagidi jienu po.

Hebilunba 10:14

O padiyenli yeni yaa po, o teni ke wan gagidi ki ŋanbi yaaba dagidi cain, hali yaa yogunu kuli po.

Hebilunba 10:33

Yogunuba bi yen fiagidi yi, ki go wangi yi fala bi niba kuli nintuali, yogunuba yi yen taani yenma leni ban den faligi yaaba.

Hebilunba 11:36

Bi den ñuadi bine, ki pua ba i baliji, ki go kpaa bi tianba ti kpaadi, ki kuani ba li kpaadidieli nni.

Hebilunba 12:3

Kpaagi mani ti tuonbiadi danba n den yie wani yua yaa po, n den juuni maama, ke lan todi yi yin da coagi ki luo li papaali, ki cedi.

Hebilunba 13:13

Lanwani, tin ña mani ki gedi o kani li nagili niinpo, ki taani leni o o fe nni.

Hebilunba 5:9

Wan den teni ke o ŋani ki dagidi cain yeni, o den tua yua n cuani yaa tindima n ki pia gbenma, yaaba n tuo ki ŋua o kuli po.

Hebilunba 7:19

Li bali maama yeni ki den fidi ki ŋanbi liba kuli ke li dagidi cain. Ama U Tienu den yuandi ki cuani ti po yaa suginma n ŋani ki cie, tin baa yaa nagidi U Tienu, kelima yaama yaa po.

Hebilunba 8:1

Yaala n tugi li yuli tin maadi yaa maama kuli siiga n tie ne: ti pia yaa kopadicianba bado n kaa tanpoli, U Tienu yua n pia ti kpiagidi jienu po.

Hebilunba 9:28

li tie yeni ke Kilisiti den padi o yuli ki kpe yenma, ki tugi bi nisaaliba boncianla tuonbiadi. O go baa cua mi liema ki doagidi o yuli ke li kan go yaa tie ti tuonbiadi ñanma po ka, ama yaaba n den guu o tindima po.

Jaki 2:1

N kpiiba, yinba yaaba n daani ti Diedo Jesu Kilisiti yua n pia ti kpiagidi yeni, laa ŋani yin yaa tiendi mi gagidima bi niba siiga.

1 Pieri 1:11

Kilisiti Fuoma yaama n den ye bi niinni den tuodi ki waani ba Kilisiti n baa le yaa fala leni wan baa yuandi ki baa yaa kpiagidi. Bi den moandi ki bua ki bandi lani kuli n baa tieni yaa yogunu leni li yogunu n baa yaa tie maama.

1 Pieri 3:18

Kilisiti moko den laa fala yenma ti tuonbiadi po, ke li dagidi u yogunu kuli po. Wani yua n tiegi den kpe yaaba n ki tiegi po, ke wan gobidi ki gedini yi U Tienu kani. O den kpe ti gbanandi po, ama o den guani ki baa li miali, kelima mi Fuoma po.

1 Pieri 3:22

Jesu doni tanpoli ki ye U Tienu jienu, ki die malekinba, li bali danba leni tanpoli paaciami danba kuli.

Jude 1:21

Yin yaa kubi yi yula U Tienu buama nni, ki guu ti Diedo Jesu Kilisiti n pa yi yaa miali n kan gbeni, kelima o ninñingbadima po.

Mi Doagidima 1:11

U den tua: «Ŋan baa le yaala, ŋan diani la li tili nni ki soani Kilisiti Nitaanleleeda ya n ye Efesi, Simirini, Perigami, Tiatiri, Saridi, Filadelifi leni Laodise dogi nni kuli po.»

Mi Doagidima 1:17

Min den laa o yaa yogunu, n den baa o taana kani nani n kpe yeni. O den maani n po o jienu ki yedi: «Ŋan da jie liba. Mini n tie o kpialo leni o juodika,

Mi Doagidima 1:8

Li Miali Diedo U Tienu U Paaciamu Kuli Daano, yua n den kpa ye, ki ye moala ki go baa ti cua, wani n yedi: «N tie Alifa leni Omega. Lani n tie mi cilima leni mi juodima.»

Mi Doagidima 2:8

Ŋan diani Kilisiti Nitaanli yaali n ye Simirini yaa maleki po ki yedi o: «Yua n tie o kpialo leni o juodika, wani yua n den kpe ki go ye ki fo yedi yaala n tie ne: