Hebilunba 11:8 - U TIENU MAAMA TILI 2013

⁸ Li tie li dandanli yaa po ke Abalahama den tuo ki tieni U Tienu n yedi o yaala, wan den yini o yaa yogunu, ki fii ki gedi wan baa baa ki diedi yaa diema nni. O den fii ki caa kaa bani wan caa naankani.

Gourmanchéma Bible

⁸ Li tie kelima li dandanli yaa po ke Abalahama den tuo ki tieni U Tienu n yedi o yaala wan den yini o yaa yogunu, ki fii ki gedi wan baa baa ki diedi yaa diema nni. O den fii ki caa kaa bani wan caa naankani.

Hebilunba 11:8 ပူးပေါင်းရင်းမြစ်များ

1 Pieri 1:22

Moala yi ŋanbi yi yula leni yin ŋua i moamoani, ke yin fidi ki yaa pia yaa buama n ki pia tuonanma yi kpiiba po. Lanwani, yin yaa bua yiyaba hali boncianla leni yi pala kuli.

Mi cilima 22:18

Ŋanduna nibuoli kuli baa baa li seli kelima a yaabila po, kelima a den tuo ki cengi n nialu.› »

Mi cilima 12:7

O Diedo den doagidi Abalama kani ki yedi o: «N baa pa a puoliŋuani mi naa diema.» Lane Abalama den maa li padibinbinli o Diedo po, wani yua n den doagidi o po yeni.

LOMA YAABA 10:16

Ama bikuli naa den tuo ki ŋoadi o Laabaaliŋamo. Esayi den doagidi la ki yedi: «O Diedo, ŋme daani ti maama?»

Esayi 41:2

Ŋme n den ban fiini puoli po Yua n ŋua mi teginma puoli? Ŋme n den teni o i nibuoli, Ki teni ke o paadi bi badiba? O jugisiega nugi ba yomi yomi. O dabanli mo yadi ba nani u faalu n figi Ki yadi yaa muayoma yeni.

1 Pieri 4:17

U yogunu pundi ke ti buudi baa cili leni U Tienu diegu. Lanwani, li yaa tie ke ti buudi cili leni tinba, yaaba n yie kaa tuo ki tiendi U Tienu Laabaaliŋamo n yedi yaala mo yaa juodima baa yaa tie lede?

Hebilunba 11:33

Bi dandanli po den teni ke bi paadi mi diema boncianla, ki tiendi yaala n tiegi, ki go baadi U Tienu n den niani ba yaala. Bi den luoni i yangbanli ñoana,

LOMA YAABA 6:17

Tin yaa tuondi U Tienu, kelima ba ke yi den kpa tie ti tuonbiadi yonbi, yi den tuo ki ŋoadi ban den bangi yi yaa bangima leni payenli.

Esekieli 36:24

N baa ñani yi mi dielanma nni, i nilanbuoli siiga, ki taani yi ki guani yi diema nni.

Esayi 51:2

Yaadi ki diidi mani yi yaaja Abalahama Leni Sala yua n mali yi. O den ye o bebe yo, min den yini o yaa yogunu, Ama n den seligi o ki teni ke o mali boncianla.

Josue 24:3

Mini U Tienu den ñani yi yaaja Abalahama Efrati duoli, ki teni ke o gaani Kana diema nni kuli. N den puni o i puoliŋuani boncianla. N den puni o Isaaka,

Mi Tiadima 9:5

Laa tie yi teginma leni yi tagiŋamu po ka, ke yi baa kua ki diedi bi diema. Ama li tie bi biadima po yo, ke o Diedo yi Tienu deli ba yi nintuali, ke wan den poli ki niani yi yaajanba, Abalahama, Isaaka leni Jakob yaala n tieni.

Mi cilima 26:3

Ŋan yaa kaa mi naa diema nni n baa yaa ye leni a, ki seligi a, kelima n baa pa ŋa yaa diema n tie ne kuli, fini leni a yaabila po. N baa kubi min den poli yaa poli a baa Abalahama po.

Mi cilima 17:8

N baa pa fini leni a puoliŋuani kuli, ŋan ye yaa diema nni moala ki tie caano, Kanana diema kuli yeni ke man yaa tie bi yaa diema yaa yogunu kuli po. N baa yaa tie bi Tienu.»

Mi cilima 15:5

O den teni ke o ñani o gbandieli nni ke o yedi o: «Diidi tanpoli ŋmabila ki coadi a, a yaa sua ke a baa fidi.» O go den yedi o: «A puoliŋuani baa yabidi yene.»

1 Pieri 3:1

Yinba bi puoba mo, yin yaa miindi yi yula yi ciaba kani, ke bi siiga tianba yàá tuo U Tienu maama, yi tagi n tie maama n teni ban tuo ki daani, ba ke yii maadi ba maamiba kuli.

Hebilunba 5:9

Wan den teni ke o ŋani ki dagidi cain yeni, o den tua yua n cuani yaa tindima n ki pia gbenma, yaaba n tuo ki ŋua o kuli po.

2 Korenti 10:5

Ti guli yanmaalima buoli kuli leni ti yantia-japaadi yaala n fii ki yie U Tienu bandima po kuli. Ti go cuo ki dadi a yantiana kuli ke ŋan tuo ki yaa ŋua Kilisiti.

LOMA YAABA 1:5

O yaa po yo, ke ti den baa li ŋanbili ki tua o tondiba, ke tin yaa gobidi i nibuoli kuli, ban daani o ki tuo o maama.

Mi cilima 11:31

Tera den taa o bijua Abalama leni Loti, o bijua Harani bijua, ki go taa o biyuaga Sarayi, o bijua Abalama pua, ke bi fii ki gedi u dogu. Bi den taani ki fii Uri dogu nni, Kalide diema nni ki baa gedi hali Kanana diema nni. Bi den pundi Harani dogu, ki jiidi ki baa yaa ye lankani.

Mi cilima 12:5

Abalama den pia piilele n binamuu, wan den ñani Harani dogu nni yaa yogunu. Abalama den taa o pua Sarayi, o waalo bijua Loti, ban den baa yaa naacenba leni yaa piama kuli Harani dogu nni. Lani, bi den fii ki taa Kanana diema sanu, ki ban pundi.

Mi cilima 20:13

U Tienu n den teni ke n goadi ki foagidi leni n baadiegu yaa yogunu, n den yedi Sala: ‹Diidi ŋan baa tieni n po yaa ŋanbili, tin baa gedi yaa kaani kuli nni.› N den mia wan yedi ke n tie o kpelo yo.»

Mi Coadima 10:30

Hobabi den guani ki yedi o: «N kan gedi. Ama n baa guani n diema po leni n baadiegu nni.»

Matie 2:21

Josefi den fii ki taa ki biga leni o naa ki guani Isidayeli diema nni.