Galati 4:9 - U TIENU MAAMA TILI 2013

⁹ Ama moala ke yi bandi U Tienu, bi ke U Tienu bani yi, be n teni ke yi lebidi ki go ŋua bi nisaaliba bogida, ya n tadi kaa pia mayuli, ki bua ki go tua laa bonla yonbi?

Gourmanchéma Bible

⁹ Ama moala ke yi bandi U Tienu, bi ke U Tienu n bani yi, be n teni ke yi lebidi ki go ŋua bi nisaaliba bogida ya n tadi kaa pia mayuli, ki bua ki go tua laa bonla yonbi?

Galati 4:9 ပူးပေါင်းရင်းမြစ်များ

1 Bi Badiba 8:43

fini yua n ye hali tanpoli ŋan cengi ki guani o nilamo yeni po wan mia ŋa yaala kuli. Yeni ki tinga nibuoli kuli baa bandi a ki yaa fangi a nani a niba Isidayeli yaaba n fangi a maama. Bi go baa bandi moko ke a yeli ye min maa yaa diegu ne niinni.

1 Bi Badiba Jama 28:9

Lanwani, fini, Salomon n bijua, ŋan bandi a baa Tienu, ki yaa tuuni o po leni payenli leni yantiayenli, kelima o Diedo bani a pala kuli, ki diidi a yantiana kuli. A yaa lingi o, o baa tuo ŋan le o. Ama a yaa ŋaa o, omo baa lu ŋa yaa yogunu kuli po.

Pisomi 1:6

Kelima o Diedo bani bi niteginkaaba sani, Ti tuonbiadi danba sani caani mi bolinma po.

Pisomi 9:10

O Diedo n tua kaanpaalu Ban mabindi yua po, Ki tua kaanpaalu li paboanli daali.

Mi Ñama 33:17

O Diedo den yedi Musa: «N baa tieni ŋan mia nni yaala kuli, kelima n pali mani a po. N bani a bonŋanla, ki go bani a pali.»

Mi Kpanjama 2:5

Lani, a baa bandi o Diedo fangili, A baa baa ki bandi U Tienu.

Jeremi 31:34

Oba kan go bangi oyua. Oba kan go yedi o kpiilo: ‹Bandi mani o Diedo!› Bikuli baa yaa bani nni, ki cili yua n wa bi siiga, ki ban taani o nikpelo. Mini o Diedo n yedi yeni. N baa tieni sugili bi tagili po. N kan go tiadi bi tuonbiadi po.»

Habakuki 2:14

Ki tinga niba kuli baa bandi Li Miali Diedo U Paaciamu Kuli Daano kpiagidi, Nani mi ñincianma n gbie mi kaanu maama yeni.

Matie 11:27

N Baa puni nni li bonla kuli bali. Oba kuli ki bani Bijua, li yàá tie Baa yaa ka, oba kuli mo ki bani Baa, li yàá tie Bijua leni wani Bijua n bua ki doagidi o yua yaa po yaa ka.

Luki 5:38

Tiladi ban piagi duvenpaano ti dayuapandi nni.

Jan n diani U Tienu Laabaaliŋamo maama 10:14

Mini n tie o yankpaaŋamo. N bani n pe, n pe mo bani nni,

Jan n diani U Tienu Laabaaliŋamo maama 10:27

N pe cengi n nialu. N bani ba, bimo ŋua nni.

Jan n diani U Tienu Laabaaliŋamo maama 17:3

Yaa miali n kan gbeni tie, ban bandi fini bebe, yua n tie U Tienu moamoani, ki go bandi ŋan soani yua, Jesu Kilisiti.

LOMA YAABA 8:29

U Tienu n den tuodi ki bani yaaba, o go den tuodi ki gandi ba, ki baa teni ban tua nani o Bijua yeni. Wani o Bijua yeni mo n tua o bijakpelo o waamu yaaba n yabi boncianla siiga.

LOMA YAABA 8:3

Li bali maama n kaa den fidi ki tieni yaala kelima ti gbanandi tadingu po, U Tienu tieni la. O den soani o Bijacele kelima ti tuonbiadi po, ke o taa yaa gbanandi n naani leni ti tuonbiadi n diedi yaa gbanandi. Wan den tieni yeni, o den buni ki cuo ti tuonbiadi ti gbanandi nni.

1 Korenti 13:12

Moala ti laa likuli nani tin nua Ti nannanli ki madiidiga nni maama, Ke laa doagidi cain. Lanyogunu, ti baa le likuli Ki nunga leni kiyaga. Moala n bani bonjenga, Li bonmunli yaa ti cua yaa yogunu, N baa bandi cain nani U Tienu N bani nni cain maama.

1 Korenti 15:34

Yin go baa mani li yantiaŋanli nani lan pundi maama, ki cedi ki da go tiendi tuonbiadi, kelima yi siiga tianba naa bani U Tienu. N maadi yeni, ke i fe n cuo yi li po.

1 Korenti 8:3

Ama yua n bua U Tienu kuli, U Tienu mo bani wane.

2 Korenti 11:20

Yi tuo ban kuani yi ti yonbidi nni, ki je yi, ki fagi yi, ki fali yi, ki pabi yi.

2 Korenti 4:6

U Tienu yua n den yedi: «Mi yenma n yendi li biigili nni,» teni ke mi yenma yendi ti pala nni, ki puni ti U Tienu kpiagidi yaa bandima, yaadi n yendi Kilisiti nunga nni.

Galati 3:3

Yi luo mi yama cain yo? Yin den cili leni U Tienu Fuoma Yua yeni, naani moala yi baa juodi leni yi yaa moandili yo?

Galati 4:3

Li den tie yeni leni tinba tin den tie nani a bila yeni yaa yogunu, ke ŋanduna bogida den die ti.

Efesa 1:17

Ti Diedo Jesu Kilisiti Tienu, wani Baa yua n pia ti kpiagidi kuli, n teni o Fuoma n yendi yi yantiana, ki go doagidi yi po U Tienu, yin bandi o moamoani.

2 Timote 2:19

Ba yeni, U Tienu n puu yaa tanpuuli se bonŋanla, ki ñii mi naa maama po: «O Diedo bani o yaaba.» Li go yedi: «Yua n yedi ke o tie o Diedo yua kuli, n sani ki ŋaa mi biadima.»

Hebilunba 7:18

Lani yaa po, mi mabilikakpiama den bodi, kelima mi tadigi kaa pia todima.

2 Pieri 2:20

Li yaa tie ke yaaba n den faabi leni ŋanduna joagindi kelima ti Diedo, Jesu Kilisiti o Candaano yaa bandima po, bi yaa go kua lienni ke ti paadi ba, bi juodima baa yaa bia ki cie bi cilima.

1 Jan 5:20

Ti go bani ke U Tienu Bijua cua ki puni ti mi yanfuoma ke tin bandi yua n tie o Moamoandaano. Ti ye o Moamoandaano niinni ki go ye o Bijua Jesu Kilisiti yaa niinni. Wani n tie U Tienu i moamoani leni yaa miali n kan gbeni.