Galati 3:1 - U TIENU MAAMA TILI 2013

¹ Yinba Galati yaaba, bi yanluodanba, ŋme ŋmiagi yi yama? Yinba yaaba n den gbadi Jesu maama hali ke li naani ke yi den laa ban den joani o li dapoanpoanli po maama leni yi nuni.

Gourmanchéma Bible

¹ Yinba Galati yaaba, bi yanluodanba, ŋme ŋmiagi yi yama? Yinba yaaba n den gbadi Jesu maama hali ke li naani ke yi den laa ban den joani o li *dapoanpoanli po maama leni yi nuni.

Galati 3:1 ပူးပေါင်းရင်းမြစ်များ

Matie 24:24

A tuonanda yaaba n yedi ke bi tie U Tienu n gandi yaaba leni bi saawalipua-faadanba baa fii ki yaa tiendi i sinankeenciami leni li bonlidinkaala, hali ke bi yaa bi baa fidi, bi baa boandi ba U Tienu n gandi yaaba moko.

Matie 7:26

Ama yua n gbadi min maadi yaa maama na, ki naa tiendi man yedi yaala, o baa yaa tie nani yaa yanluodaano n maa o dieli mi tanbiima nni.

Luki 24:25

Lani, Jesu den yedi ba: «Yinba bi yanpiidanba na, yaaba n ki jaligi ki baa daani bi saawalipuaba n den yedi yaala kuli.

Jesu Tondiba Tuona 16:6

U Tienu Fuoma Yua naa den puni ba u sanu ban kua Asi diema nni ki waani U Tienu maama. Lani yaa po, bi den poandi Filiji diema leni Galati diema.

Jesu Tondiba Tuona 6:7

U Tienu maama den yadi ki pugidi, Jesu ŋoadikaaba den pugidi hali boncianla Jerusalemi, bi kopadicianba boncianla den tuodi ki ŋua Jesu.

LOMA YAABA 10:16

Ama bikuli naa den tuo ki ŋoadi o Laabaaliŋamo. Esayi den doagidi la ki yedi: «O Diedo, ŋme daani ti maama?»

LOMA YAABA 2:8

Ama yaaba mo n pia mi niama yantiali ki yie kaa tuo ki ŋua i moamoani, ki ŋua yaala n ki tiegi, ki tiendi yaala n bia, U Tienu baa jia bi buudi leni li pabienli.

LOMA YAABA 6:17

Tin yaa tuondi U Tienu, kelima ba ke yi den kpa tie ti tuonbiadi yonbi, yi den tuo ki ŋoadi ban den bangi yi yaa bangima leni payenli.

1 Korenti 11:26

Lanwani, yaa yogunu kuli ke yi ŋmani dupen ki go ñuni ki tadiñokaaga nni na, yi wangi o Diedo kuuma, hali wan go baa cua.

1 Korenti 2:2

N den jagi ki sua ke laa tie tiladi min bandi bontoala kuli yi siiga, kali Jesu Kilisiti, ban den kpaa wani yua li dapoanpoanli po yeni.

2 Korenti 10:5

Ti guli yanmaalima buoli kuli leni ti yantia-japaadi yaala n fii ki yie U Tienu bandima po kuli. Ti go cuo ki dadi a yantiana kuli ke ŋan tuo ki yaa ŋua Kilisiti.

2 Korenti 11:3

Ama n jie, nani o wa n den boandi Awa leni o nunfanbiadibu maama, ke ban da ti biidi yi yantiana, yin yaadi ki ŋaa Kilisiti, yin bua yua leni payenli yeni.

Galati 1:2

Mini leni n kpiiba, yaaba n ye ne leni nni kuli, taani ki fuondi yi yinba Kilisiti Nitaana ya n ye Galati diema nni.

Galati 1:6

Li paki nni leni yin jaligi ki lebidi ki ŋaa U Tienu yua n yini yi kelima Kilisiti ŋanbili po, ki baa ŋoadi laabaaliŋantoa.

Galati 2:14

Min den laa ke baa ŋua o Laabaaliŋamo yaa moamoani n bili maama, n den yedi Pieli bikuli nintuali: «Fini yua n tie Jufi yaa tiendi nani bi nilanba n tiendi maama, ki naa ŋua Jufinba n tiendi maama, a baa fidi ki tieni bi nilanba u paalu lede ban yaa ŋua Jufinba n tiendi maama?»

Galati 3:3

Yi luo mi yama cain yo? Yin den cili leni U Tienu Fuoma Yua yeni, naani moala yi baa juodi leni yi yaa moandili yo?

Galati 4:9

Ama moala ke yi bandi U Tienu, bi ke U Tienu bani yi, be n teni ke yi lebidi ki go ŋua bi nisaaliba bogida, ya n tadi kaa pia mayuli, ki bua ki go tua laa bonla yonbi?

Galati 5:11

N kpiiba, li yaa bi tie ke n baa yaa wangi ke ku koanciagu tie tiladi, be yaa po ke bi go wangi nni fala? Li yaa bi tie yeni, li dapoanpoanli n cuani yaa tudima bodi.

Efesa 3:8

Mini yua n tie puoli yua U Tienu nigagidiŋanba kuli siiga, n den baa laa ŋanbili, ki baa yaa wangi bi nilanba o Laabaaliŋamo, yua n doagidi Kilisiti n pia yaa ŋalimano n yabi hali ke li kandi maama.

Efesa 4:14

Lanwani, ti kan go yaa tie nani a biwaala yeni, ki lengidi kelima bi niba nunfanbiadibu leni bi boandi n kpendinni yaa bangima po.

Efesa 5:15

Lani yaa po, yin yaa fangi mani yi yula leni yi tagi n tie maama. Yin da tie nani bi yanluodanba yeni, ama yin yaa tie nani bi yanfuodanba.

Mi Tiadima 32:6

Naani yi tungi o Diedo yo yi tagili, Yinba yaa buolu n luo mi yama, kaa go pia yanfuoma yeni? Naani wani ka tie yi baa leni yi Tagido? Naani wani ka den tagi yi, ki den puni yi u fidu?

2 Tesaloniki 1:8

O baa doagidi u mupienu nni, ki pa yaaba n kaa bani U Tienu leni yaaba n kaa tuo ki ŋoadi ti Diedo Jesu yaa Laabaaliŋamo, bi biadima panpaani.

1 Timote 6:4

o gbie leni ti japaadi ki naa bani puu. O pia i buali leni mi niama mi maama po, ke li tie o po nani u yianu yeni. Lani kuli cuani li nunponli, li koanli, ku tuotabigu leni mi yanmaalibiadima.

Hebilunba 11:8

Li tie li dandanli yaa po ke Abalahama den tuo ki tieni U Tienu n yedi o yaala, wan den yini o yaa yogunu, ki fii ki gedi wan baa baa ki diedi yaa diema nni. O den fii ki caa kaa bani wan caa naankani.

Hebilunba 5:9

Wan den teni ke o ŋani ki dagidi cain yeni, o den tua yua n cuani yaa tindima n ki pia gbenma, yaaba n tuo ki ŋua o kuli po.

1 Pieri 1:22

Moala yi ŋanbi yi yula leni yin ŋua i moamoani, ke yin fidi ki yaa pia yaa buama n ki pia tuonanma yi kpiiba po. Lanwani, yin yaa bua yiyaba hali boncianla leni yi pala kuli.

1 Pieri 4:17

U yogunu pundi ke ti buudi baa cili leni U Tienu diegu. Lanwani, li yaa tie ke ti buudi cili leni tinba, yaaba n yie kaa tuo ki tiendi U Tienu Laabaaliŋamo n yedi yaala mo yaa juodima baa yaa tie lede?

2 Pieri 2:18

Bi pia ti japaadi, ki maadi yaa macianma n ki pia mayuli. Bi boandi ki dia leni ti gbanandi bonbuakaala, yaaba n faabi leni bi niyaadikaaba yeginu, ke li daa waagi.

Mi Doagidima 18:3

U tua yeni, kelima i nibuoli kuli den ñuni, Yaa duven n tie u pabienli conconma ki gaadi. Ki tinga badiba den ŋua u ki conbi leni u. Ki tinga kpenda mo den tua piada, Kelima u yeŋanbua-kandikaama po.»

Mi Doagidima 2:20

Ama min jaligidi a yaala po, tie ke a cedi yaa pua n yi Jesabeli, yua n tua ke o tie saawalipualo, bangi n naacenba ki tulini ba, ke bi tiendi mi conconma ki go ŋmani ti padinandi.

1 Samueli 13:13

Samueli den yedi Sayuli: «A soani yanluotuonli, kelima ŋaa kubi o Diedo a Tienu n den teni a yaa ñoamabonli. O Diedo bi baa teni a bali n yaa ye Isidayeli yaaba po hali yaa yogunu kuli.