Galati 2:9 - U TIENU MAAMA TILI 2013

⁹ Jesu yaaba siiga, yaaba n den tie nani i benjieli yeni, Jaki, Pieli leni Jan, ban den laa U Tienu n ŋanbi n po maama, bi den cuo mini leni Barnabasi nijieni ki yoagi, ki doagidi ke bi taa leni ti. Bikuli den tuo ke mini leni Barnabasi baa yaa tuuni bi nilanba siiga, ke bani mo baa yaa tuuni Jufinba siiga.

Gourmanchéma Bible

⁹ Jesu yaaba siiga, yaaba n den tie nani i benjieli yeni, Jaka, Pieli leni Jan, ban den laa U Tienu n ŋanbi npo maama, bi den cuo mini leni Banabasa nijieni ki yoagi, ki doagidi ke bi taa leni ti. Bikuli den tuo ke mini leni Banabasa baa yaa tuuni bi nilanba siiga, ke bani mo baa yaa tuuni Jufinba yaa siiga.

Galati 2:9 ပူးပေါင်းရင်းမြစ်များ

2 Bi Badiba 10:15

Jehu n den ñani likani, o den laa Rekabi bijua Jonadabi ke o kpendi o kani. O den fuondi o ki buali o: «A pali pieni n po nani n pali n pieni a po maama bi?» Jonadabi den guani ki yedi ke o pali pieni Jehu po. Jehu den yedi: «Li yaa tie yeni, tin pua nii.» Bi den pua biyaba nii ke Jehu duoni o o toateligu nni.

Matie 16:18

Nmo yedi a ke a tie Pieli. N baa maa Kilisiti Nitaanli laa tangu po, ba bi tinkpiba diema paalu kuli kan fidi ki paadi gu.

Luki 22:8

Jesu den soani Pieli leni Jan ki yedi ba: «Gedi mani ki ban ŋanbi ti po mi Pendima jaanjiema tin je.»

Jan n diani U Tienu Laabaaliŋamo maama 1:42

O den gedini o Jesu kani. Jesu den nuali o ki yedi: «A tie Simon, Jan bijua. Moala a ji baa yaa yi Sefa.» Lani n bua ki yedi “Tanli.”

Jesu Tondiba Tuona 12:17

Pieli den tia ba o nuu ke ban suo, ki togidi ba o Diedo n ñani o li kpaadidieli nni maama. O go den yedi ba: «Yin waani mani Jaki leni ti kpiiba yaala n tieni.» Lani, o den ñani ki gedi poto.

Jesu Tondiba Tuona 15:13

Ban den maadi ki gbeni, Jaki den yedi:

Jesu Tondiba Tuona 15:7

Ban den nia bi siiga yeni, Pieli den fii ki yedi ba: «N kpiiba, yi bani ke li waagi leni U Tienu n den gandi nni yi siiga, ke min yaa wangi bi nilanba o Laabaaliŋamo, ke ban tuo ki daani.

Jesu Tondiba Tuona 4:36

Josefi, Jesu tondiba n den cili yua yaa yeli Barnabasi, lani n tie yua n paagidi bi niba pala. O den tie Levi buolu yua ki ñani Sipiri diema nni.

LOMA YAABA 1:5

O yaa po yo, ke ti den baa li ŋanbili ki tua o tondiba, ke tin yaa gobidi i nibuoli kuli, ban daani o ki tuo o maama.

LOMA YAABA 12:3

Min baa yaa ŋanbili paabu po, n yedi yikuli yendo yendo, yin da nua yi yula ke yi cie yin tie maama. Yin yaa pia li yumiinli, ki cuo ki dagini nani U Tienu n biigi ki puni yuakuli li dandanli yaa banlu.

LOMA YAABA 15:15

Ba yeni, n diani yi po bonyenla yenla leni li papaali, ki bua ki tiadi yi yin bani yaala, kelima U Tienu n puni nni yaa ŋanbili po,

1 Korenti 15:10

U Tienu ŋanbili po yo, ke n tua min tie yua na. O ŋanbili n po naa tua fanma, li teni ke n soani ki cie Jesu tondiba kuli. Laa tie mini n ba ka soani yeni, ama U Tienu ŋanbili n tuuni leni nni.

2 Korenti 11:5

Mii tama ke yaaba n nua bi yula ke bi tie bi tondicianba yeni, cie nni ba waamu.

2 Korenti 12:11

Min kpiagi n yuli yeni, n tua nani o yanluodaano, ama yinba n teni ke n tua yeni, kelima li bi pundi yinbe n tieni n po siedi. Yaa tondiba n nua ke bi tie tondicianba yeni naa cie nni ba waamu, ba ke mii tie puu.

2 Korenti 8:4

Bi go den mia ti leni i tigini boncianla yaa ŋanbili n tie ke ban fidi ki taani leni nitoaba, ki todi U Tienu nigagidiŋanba.

Galati 1:16

Wan den sua ke li dagidi o po, o den doagidi n po o Bijua, ke min yaa wangi o Laabaaliŋamo bi nilanba siiga. Lanyogunu mii den kpa gedi ki buni niloba kuli.

Galati 1:18

Binataa n den pendi, n den gedi Jerusalemi ki baa bandi Pieli, ki den tieni o deni piiga n danamuu.

Galati 2:1

Piiga n binanaa n den pendi, n den yegi leni Barnabasi ki go gedi Jerusalemi, ki taa Titi ke o yegi leni nni.

Galati 2:2

N den gedi kelima U Tienu doagidi n po min gedi. N den waani bani Jerusalemi yaaba, min den wangi bi nilanba o Laabaaliŋamo maama. N den piadi leni bi liiga yaaba ki waani bani bebe, kelima mii den bua ke min den kpa soani yaa tuonli ki go tuuni yaali moala, n tua fanma.

Galati 6:3

O nilo yaa nua ke o tie bonmoanla, ki naa tie puu, o boandi o yuli.

Efesa 2:20

Yi tie nani a tanmaakaana yeni, ke bi ŋuani yi yaa tanpuuli n tie U Tienu tondiba leni o saawalipuaba po. Jesu Kilisiti wani o ba n tie laa tanpuuli tanjigi.

Efesa 3:8

Mini yua n tie puoli yua U Tienu nigagidiŋanba kuli siiga, n den baa laa ŋanbili, ki baa yaa wangi bi nilanba o Laabaaliŋamo, yua n doagidi Kilisiti n pia yaa ŋalimano n yabi hali ke li kandi maama.

Kolosi 1:29

Li tie lani yaa po ke n tuuni, ki moa li muali leni o yaa fidu, yuu n tuuni n niinni leni u paalu.

1 Timote 3:15

Ama n yàá fidi ki cua tonma, n bua ŋan bandi ŋan baa yaa tiendi maama U Tienu diegu nni. Lani n tie U Tienu yua n fo Nitaanli, lini yaali n tie i moamoani benjielu leni i dasaali.

1 Jan 1:3

Tin laa ki go gbadi yaala ti wangi lane, Ki bua yimo n yaa pia yanyenma leni ti, Nani tin pia yaa yanyenma leni Baa Leni o Bijua Jesu Kilisiti maama yeni.

Mi Doagidima 3:12

Yua n koani mi jama ki paadi kuli, n baa teni wan tua benjielu n Tienu diegu nni, ki kan go ña lienni. N go baa diani o po n Tienu yeli leni n Tienu dogu yeli, lani n tie Jerusalemi-paano, yuu n baa ña tanpoli po n Tienu kani ki jiidi. N go baa diani o po n yepanli.