Galati 2:7 - U TIENU MAAMA TILI 2013

⁷ Bi den laa ke U Tienu den puogi nni min yaa wangi o Laabaaliŋamo bi nilanba, nani wan den puogi Pieli maama Jufinba po.

Gourmanchéma Bible

⁷ Bi den laa ke U Tienu den puogi nni min yaa wangi o Laabaaliŋamo bi nilanba, nani wan den puogi Pieli maama Jufinba po.

Galati 2:7 ပူးပေါင်းရင်းမြစ်များ

Jesu Tondiba Tuona 15:12

Li nitaanli yeni kuli den ŋmini suo, ki cengi Barnabasi leni Poli n bi togidi U Tienu n den teni ke bi tieni yaa bancianma leni yaa bonlidinkaala, bi nilanba siiga.

Jesu Tondiba Tuona 18:6

Ama Jufinba n den nia Poli maama ki sugidi o, o den yoagi o tiadi ki yedi ba: «Yi soama n guani ki wuli yi yula po. Mii pia lienni tagiliba kuli. Dinla liiga, n baa caa ki wangi bi nilanbe o Laabaaliŋamo.»

Jesu Tondiba Tuona 28:28

Poli go den pugini ki yedi: «Lanwani, yin bandi ke U Tienu ji soani o tindima maama yeni bi nilanba po yo. Bani wani baa cengi.» [

Jesu Tondiba Tuona 9:15

Ama o Diedo den guani ki yedi o: «Gedi, kelima n gandi laa joa, ke wan yaa tuuni n po ki gedini n yeli i nilanbuoli, ŋanduna badicianba leni Isidayeli yaaba kuli po.

LOMA YAABA 1:5

O yaa po yo, ke ti den baa li ŋanbili ki tua o tondiba, ke tin yaa gobidi i nibuoli kuli, ban daani o ki tuo o maama.

LOMA YAABA 11:13

Moala, n maadi leni yinba bi nilanba, kelima n tie U Tienu tondo bi nilanba po. N jigini min pia yaa tuonli bi nilanba siiga,

1 Korenti 9:17

N yaa bi wangi o Laabaaliŋamo n yama po, n bi baa gaa i panpaani, ama min wangi o Laabaaliŋamo tiladi, ke laa tie n yama po yeni, n tuuni U Tienu n puogi nni yaa tuonle.

Galati 1:16

Wan den sua ke li dagidi o po, o den doagidi n po o Bijua, ke min yaa wangi o Laabaaliŋamo bi nilanba siiga. Lanyogunu mii den kpa gedi ki buni niloba kuli.

Galati 1:18

Binataa n den pendi, n den gedi Jerusalemi ki baa bandi Pieli, ki den tieni o deni piiga n danamuu.

Galati 1:6

Li paki nni leni yin jaligi ki lebidi ki ŋaa U Tienu yua n yini yi kelima Kilisiti ŋanbili po, ki baa ŋoadi laabaaliŋantoa.

Galati 2:11

Ama, Pieli n den cua Antiosi, n den funi leni o kelima o tagili po.

Galati 2:14

Min den laa ke baa ŋua o Laabaaliŋamo yaa moamoani n bili maama, n den yedi Pieli bikuli nintuali: «Fini yua n tie Jufi yaa tiendi nani bi nilanba n tiendi maama, ki naa ŋua Jufinba n tiendi maama, a baa fidi ki tieni bi nilanba u paalu lede ban yaa ŋua Jufinba n tiendi maama?»

Galati 2:9

Jesu yaaba siiga, yaaba n den tie nani i benjieli yeni, Jaki, Pieli leni Jan, ban den laa U Tienu n ŋanbi n po maama, bi den cuo mini leni Barnabasi nijieni ki yoagi, ki doagidi ke bi taa leni ti. Bikuli den tuo ke mini leni Barnabasi baa yaa tuuni bi nilanba siiga, ke bani mo baa yaa tuuni Jufinba siiga.

1 Tesaloniki 2:4

Yeni ka, ti den maadi nani U Tienu n bua tin maadi maama, kelima o biigi ti ki sua ke ti dagidi wan piani ti o Laabaaliŋamo. Lanwani, tii maadi ki bua ki yaa mangidi bi niba pala ka. Ti maadi ki bua ki yaa mangidi wani U Tienu yaa pale, wani yua n bigidi a pala.

1 Timote 1:11

Laa bangiŋanma ŋua o Laabaaliŋamo, U Tienu yua n pundi ki yaa baadi ti kpiagidi ki go pia mi yemanmoanma n piani nni yua.

1 Timote 2:7

Li tie lani yaa po ke U Tienu den puogi nni ke min yaa tie mawangika leni tondo, ki bangi bi nilanba li dandanli leni i moamoani nni. N maadi i moamoani, mii pua faama.

2 Timote 1:11

U Tienu den puogi nni ke min tua laa Laabaaliŋamo wangika, o tondo leni o bangika.

2 Pieri 3:15

Yin yaa nua ke ti Diedo n pia yaa juunli tie yi tindima po, nani ti kpibuado Poli moko n den diani yi po maama, ki ŋua U Tienu n den puni o yaa yanfuoma.