Galati 1:4 - U TIENU MAAMA TILI 2013

⁴ Wani Jesu Kilisiti n den puni o yuli ti tuonbiadi po, nani ti Baa U Tienu n den bua maama, ki baa faabi ti leni ŋanduna na leni o biadima.

Gourmanchéma Bible

⁴ Wani Jesu Kilisiti n den puni o yuli ti *tuonbiadi po, nani ti Baa U Tienu n den bua maama, ki baa faabi ti leni ŋanduna na leni o biadima.

Galati 1:4 ပူးပေါင်းရင်းမြစ်များ

Pisomi 40:8

Lani yaa po, n den yedi: «Diidi n kpendi Leni li tili yaali n diani n po.»

Esayi 65:17

N baa tagi o tanpopaano leni ki tinpanga. Bi kan go tiadi yaala n den kpa ye, Ki buali lan go kua bi yantiana nni.

Matie 13:22

Yii n den baa ti konkondi nni, tie yua n gbadi U Tienu maama, ama ŋanduna yema yanyagidi leni ŋalimani boandi kuli dini ma, ki teni ke maa luoni puu.

Matie 20:28

Lani n cedi ke o Joa Bijua ki cua ke bi niba n yaa tuuni o po ka, ama o cua ki baa yaa tuuni bi niba po, ki pa o miali, ki daa ki faabi bi niba boncianla.»

Matie 26:28

kelima line n tie n soama, o Ŋantaadipaano yaa soama yaama n baa wuli yaa niba n yabi po, ban baa bi tuonbiadi sugili.

Matie 26:42

O go den piadi miliema ki jaandi ki yedi: «N Baa, li yaa tie ke a kan ñani n kani yaa tadiñokaaga n gbie leni fala na, kali min ño, a yanbuama n tieni.»

Matie 6:9

Diidi mani yin baa yaa jaandi maama: Ti Baa yua n ye tanpoli, Teni bi niba kuli n bandi ke a gagidi ki ŋani.

Marki 10:45

O Joa Bijua naa cua ke bi niba n yaa tuuni o po ka, ama o cua ki baa yaa tuuni nitoaba po, ki pa o miali, ki daa ki faabi niba boncianla.»

Luki 22:19

O go den taa dupen ki tuondi U Tienu, ki cabidi ki teni ba ki yedi: «Line n tie n gbanandi, min puni yi yaadi. Yin yaa tiendi yeni, ki tiadi n po.»

Luki 22:42

«N Baa, a yaa tuo, ŋan ñani n kani yaa tadiñokaaga n tie ne min da ño, die lan da tua mini ka n bua yaala, kali fine n bua yaala.» [

Jan n diani U Tienu Laabaaliŋamo maama 10:11

Mini n tie o yankpaaŋamo. O yankpaaŋamo puuni o miali o pe po.

Jan n diani U Tienu Laabaaliŋamo maama 12:31

Moala ŋanduna buudi baa jia ki kadi. Moala, bi baa deli ki ñani ŋanduna bado.

Jan n diani U Tienu Laabaaliŋamo maama 5:30

N kan fidi ki tieni puu n yuceli po. N ja ti buudi nani min gba U Tienu kani maama. N ja yaa buudi n tiegi, kelima mii lingi ki baa yaa tiendi n yaa yanbuama, kali yua n soani nni yaa yanbuama.

Jan n diani U Tienu Laabaaliŋamo maama 6:38

Mii ñani tanpoli po ki jiidi ki baa yaa tiendi n yanbuama ka, kali yua n soani nni yaa yanbuama.

LOMA YAABA 1:7

N diani yi po, yinba yaaba n ye Loma ki tie U Tienu buakaaba kuli, wan yini yinba yaaba ke yi gagidi o po. Ti Baa U Tienu leni o Diedo Jesu Kilisiti n pa yi li ŋanbili leni mi yanduanma.

LOMA YAABA 12:2

Da taani mani leni ŋanduna na niinni yaaba. Ama yi yantiana pandima n teni yin lebidi, ke yin fidi ki gagidi ki bandi U Tienu yanbuama. Lani n tie yaala n ŋani, ki mani o po, ki go dagidi cain.

LOMA YAABA 4:25

Bi den cuo o kelima ti yaa tagili po, ke o go fii bi tinkpiba siiga ke tin baa li moamoansaali.

LOMA YAABA 8:27

U Tienu yua n biigidi bi niba pala, bani yaala n ye o Fuoma yantiali nni. U Tienu n teni ke o Fuoma miadi o, o nigagidiŋanba po, nani wani U Tienu n bua maama.

LOMA YAABA 8:3

Li bali maama n kaa den fidi ki tieni yaala kelima ti gbanandi tadingu po, U Tienu tieni la. O den soani o Bijacele kelima ti tuonbiadi po, ke o taa yaa gbanandi n naani leni ti tuonbiadi n diedi yaa gbanandi. Wan den tieni yeni, o den buni ki cuo ti tuonbiadi ti gbanandi nni.

LOMA YAABA 8:32

Wani U Tienu, yua n kaa den yie ke o Bijua n le fala, den teni ke bi kpani o tikuli po. Lani, o Bijua yeni po, li baa gaa lede ke o kan pa ti li bonla kuli leni ti bulicindi?

1 Korenti 15:3

N den kpa waani yi mini n ba n den baa yaa bangima, lani n tie ke Kilisiti den kpe ti yaa tuonbiadi po nani i Diani n yedi maama.

2 Korenti 4:4

bani yaaba n kaa daani po. Sutaani, yua n die ŋanduna na, juani bi yantiana, ke ban da le Kilisiti yua n tie U Tienu nannanli yaa Laabaaliŋamo kpiagidi yendima.

Galati 2:20

Lanwani, laa go tie mini yua n ye ki fo, li tie Kilisiti yua n ye ki fo n niinni. Min pia yaa miali n gbanandi nni moala, n pia li kelima n dugi wani U Tienu Bijua po, wani yua n den bua nni ki puni o yuli ki kpe n po.

Galati 6:14

Ama mini, n kan tuo ki kpiagi n yuli bontoala kuli po, kali ti Diedo Jesu Kilisiti dapoanpoanli po. Kilisiti n den kpe li dapoanpoanli po yeni, ŋanduna bonla kuli tie n po nani li kpe, nmoko tie nani n kpe ŋanduna bonla kuli po yeni.

Efesa 1:11

Li tie wani Kilisiti yaa niinne, ke U Tienu tieni li bonla kuli nani wan den kpa jagi ki bili maama. O den gandi ki gagidi ti, ke ti tua o yaaba.

Efesa 2:2

Lanyogunu yi den ŋua ŋanduna na yema sanbiadu leni mi fawaama nni paaciami bado, yua yaa yantiali n tuuni moala U Tienu yiekaaba pala nni.

Efesa 5:16

Yin daa u yogunu, kelima yaa dana n tie ne bia.

Efesa 5:2

Yin yaa ye leni yiyaba leni mi buama, nani Kilisiti n den bua ti maama, ki puni o yuli U Tienu, ki tua yaa paabu leni yaa padili yaa nuulu n mani.

Efesa 6:12

Tii koani leni yaa yibalinba n pia ti gbanandi leni mi soama ka. Ama ti koani leni li bali danba, i paaciami danba leni yaaba n die li biigili ŋandunli, ki tie yaa cicibiadimu n ye mi fawaama nni.

Filipi 4:20

U Tienu ti Baa n yaa pia ti kpiagidi hali yaa yogunu kuli. Amina!

1 Tesaloniki 1:3

Ti tiani yogunu kuli ti Baa U Tienu kani yi dandanli leni yi buama ti Diedo Jesu Kilisiti po, n teni ke yi tuuni maama leni yi suginma n se bonŋanla maama.

1 Tesaloniki 3:11

Ti Baa U Tienu leni ti Diedo Jesu n ŋanbi ti po u sanu, tin go cua ki le yi.

1 Tesaloniki 3:13

O Diedo n yaa paagidi yi pala, ke ti Baa U Tienu n yaa nua ke yi gagidi ki ŋani cain wani U Tienu po, kaa pia ban baa fidi ki kuli yi leni yaala, ti Diedo Jesu n go baa cua leni o nigagidiŋanba kuli yaa yogunu.

2 Tesaloniki 2:16

Ti Diedo Jesu Kilisiti wani o ba leni ti Baa U Tienu yua n den bua ti, ki puni ti kelima o ŋanbili po yaa baagi n ki pia gbenma leni yaa suginma n ŋani,

1 Timote 2:6

Wani n den puni o yuli ki kpe, ki pani mi faabima panli bi niba kuli po. Laa siedi n den tieni u yogunu n den pundi.

Titi 2:14

O den puni o yuli ki kpe ti po, ki baa daa ki faabi ti leni mi biadima kuli, ki ŋuudi ki ŋanbi ti, tin tua wani n die yaaba, yaaba n baa yaa pia li yankuali a tuonŋama po.

Hebilunba 2:5

U Tienu ki puni malekinba yaa ŋanduna n kpendi nne, tin maadi yua yaa maama.

Hebilunba 6:5

ki leni ki bandi U Tienu maama n mani maama, ki go bandi yaa yogunu n kpendi yaa paalu,

Hebilunba 9:14

Lanwani li yaa tie yeni, laa pia kuli tama, ke Kilisiti yaa soama n baa ŋanbi ba ki cie. U Tienu Fuoma yaama n ye yaa yogunu kuli paalu po, wani Kilisiti den puni o yuli U Tienu, nani yaa padili n ki pia joagindi yeni. O soama yeni baa ŋuudi ki ŋanbi ti pala siedi leni yaa tuona n baa cuani mi kuuma, ke tin yaa tuuni U Tienu yua n ye ki fo po.

Jaki 4:4

Yinba mi conconma danba yeni, yii bani ke ŋanduna buama tie yibalindi U Tienu po ka? Lanwani, yua n danli leni ŋanduna kuli, tua U Tienu yibali.

1 Pieri 2:24

Wani yua n den tugi ti tuonbiadi O gbanandi nni ku daagu po, Ke tinba yaaba n kpe ti tuonbiadi po yeni, N yaa ji ye ki fo, ki tiendi mi teginma. Li tie o poagilima yaa po yo, ke yi paagi.

1 Pieri 3:18

Kilisiti moko den laa fala yenma ti tuonbiadi po, ke li dagidi u yogunu kuli po. Wani yua n tiegi den kpe yaaba n ki tiegi po, ke wan gobidi ki gedini yi U Tienu kani. O den kpe ti gbanandi po, ama o den guani ki baa li miali, kelima mi Fuoma po.

1 Jan 2:2

Wani n tie i candanbaani padili ti tuonbiadi po. Laa tie ti yaa tuonbiadi bebe po ka, ama ŋanduna yaaba kuli yaa tuonbiadi po.

1 Jan 3:16

Line n teni ke ti bani mi buama n tie yaala: Lani n tie ke Jesu Kilisiti den puni o miali ti yaa po. Li pundi timo n yaa puuni ti miana ti kpiiba po.

Mi Doagidima 1:5

Jesu Kilisiti yua n tie o siedidugika, o nikpialo yua n kpa fii bi tinkpiba siiga, wani ŋanduna badiba kuli bado, n pa yi li ŋanbili leni mi yanduanma! Wani yua n bua ti ki den faabi ti leni ti tuonbiadi kelima o soama po,

Mi Doagidima 5:9

Bi den yiini bu yanpanbu ki tua: «A pundi ki gaa li tili ki tabidi mi maalima, Kelima bi den kodi a, Ke a daa bi niba U Tienu po leni a soama. Lani, a faabi ba i buoli leni i mabuoli kuli nni, Ki go faabi ba i nibuoli leni mi diema kuli siiga.

Mi Doagidima 7:9

Lani n pendi, n den laa yaa niligu n yabi hali ke oba kuli kan fidi ki coadi ba, bani, yaaba n ñani ŋanduna diema, i nibuoli leni i mabuoli kuli nni. Bi den se li bali kalikaanu leni ki Pebiga nintuali, ki la a liadipienciama ki muubi ti kpakpafaadi.