Filipi 4:19 - U TIENU MAAMA TILI 2013

¹⁹ N Tienu baa pa yi yin luo yaala kuli, nani o ŋalimano kpiagidi n tie maama Jesu Kilisiti nni.

Gourmanchéma Bible

¹⁹ N Tienu baa pa yi yin luo yaala kuli, nani o ŋalimano kpiagidi n tie maama Jesu Kilisiti nni.

Filipi 4:19 ပူးပေါင်းရင်းမြစ်များ

Mi cilima 48:15

O den gaali Josefi ki yedi: «U Tienu, n baanba Abalahama leni Isaaka n cuoni yua yaa nintuali, U Tienu yua n gobidi nni, ki cili min mali yaa yogunu ki pundi hali moala,

2 Samueli 22:7

N paboanli nni n den jaandi ki mia o Diedo, N den mia n Tienu, Hali o badidiegu nni, O gbadi n nialu, ke n bubula mo pundi o kani.›

2 Bi Badiba Jama 18:13

Mise den guani ki yedi o: «Hali o Diedo yua n fo po, n baa yedi wani n Tienu n puogi nni min yedi yaale.»

2 Bi Badiba Jama 31:8

Esekiasi leni a koanbala n den cua ki laa a koga, bi den tuondi o Diedo leni o niba Isidayeli yaaba.

Nehemi 5:19

«N Tienu, ŋan tiadi n po kelima min tieni bi naa niba po yaala, ki ŋanbi n po.»

Nehemi 9:15

Mi koma n den cuo ba, A den ñani mi jiema tanpoli po ki puni ba. U ñuñuunu n den gbadi ba, A den ñani mi ñima ku tangu nni ki puni ba. A den teni ke bi gedi ki ban diedi ŋan den poli ke a baa pa ba yaa diema.

Pisomi 104:24

O Diedo, a tuonli yabi boncianla, A soani li leni yanfuocianma. Ki tinga gbie leni fini n tagi yaale.

Pisomi 130:7

Yinba Isidayeli yaaba, Yaa dugi mani o Diedo po, Kelima li ŋanbili ye o kani, Mi faabima moko ye o yaa kane.

Pisomi 36:8

Fini n Tienu, a ŋanbili pia mayuli hali boncianla. Bi nisaaliba baa sani ki wuoni a fiabi nni.

Pisomi 84:11

N yaa tieni dayenli a luoli nni, Li cie n po min tieni dana tudili poto. N yaa ye U Tienu diegu buliñoabu kani, Li mani n po ki cie, Min yaa ye bi nibiadiba gbandiena nni.

Danieli 6:22

Danieli den guani ki yedi: «O bado, ŋan yaa ye hali yaa yogunu kuli.

Mise 7:7

Ama mini, n baa yaa diidi o Diedo yo, N baa yaa dugi n faabima Tienu po, Kelima wani n Tienu baa gaa n miabu.

Malaki 3:10

Lanwani, yaa kpendinni mani yi diim kuli n ŋalimandiegu nni, ke li bonjekaala n yaa ye n diegu nni. Tieni mani yeni ki biigi nni yogunu kuli, ki le n yaa kan luodi yi po tanpoli bona, ki teni li seli n jiidi yi po hali ki yabidi ki kandi. Li Miali Diedo U Paaciamu Kuli Daano n yedi yeni.

Matie 6:32

Laa bonla kuli tie yaaba n ki bani U Tienu n lingi yaale. Yi Baa yua n ye tanpoli bani ke laa bonla kuli tie yi po tiladi.

Jan n diani U Tienu Laabaaliŋamo maama 20:17

Jesu den yedi o: «Da sii nni, kelima n daa doni ki gedi n Baa po. Ama gedi n kpiiba po, ki ban waani ba ke n baa do n Baa yua n tie yimoko yaa Baa po, wani yua n tie mini leni yinba kuli Tienu yeni po.»

Jan n diani U Tienu Laabaaliŋamo maama 20:27

Lani, o den yedi Toma: «Tandi a nubili, ki diidi n nii. Tandi a nuu, ki tuuni n logili nni, ki da luo li dandanli, ama ŋan daani.»

LOMA YAABA 1:8

N kpa tuondi n Tienu yikuli po, Jesu Kilisiti yeli nni, kelima bi maadi yi dandanli maama ŋanduna nni kuli.

LOMA YAABA 11:33

U Tienu ŋalimano yabi, o banma leni o yanfuoma yabi ki ñua ki pendi bi nisaaliba bancianma kuli. O jaga pendi bi nisaaliba n fidi ki kpaagi yaala. Baa fidi ki bandi yaala yaa po, ke o tieni wan tiendi yaala.

LOMA YAABA 2:4

Bi a fali o ŋanbicianli, o yansoangima leni o juunli, ki naa faami ke U Tienu tieni a po li ŋanbili, ki bua ki gobidi a, ŋan tuo ki lebidi a yama yo?

LOMA YAABA 8:18

Lani yaa po, n bani ke tin laadi yaa fala yaa yogunu n tie ne, kan fidi ki boagini leni U Tienu n baa doagidi yaa kpiagidi, yaadi n baa yaa ye.

LOMA YAABA 9:23

U Tienu den tieni yeni ki baa doagidi o kpiagidi n yabi maama yaa niba n tie nani wan den gbadi yaa tiadi po mi ninñima yaa po wan den tuodi ki ŋanbi yaaba ke ban taani leni o o kpiagidi nni?

2 Korenti 12:21

N jie ke n yaa cua, n Tienu baa miidi nni yi siiga. N jie ke n baa buudi kelima tianba po, bani yaaba n den kpa tieni ti tuonbiadi ki naa lebidi bi pala ki ŋaa ban den kubi ki tiendi yaa joagindi leni yaa conconma leni yaa cagindi kuli yeni.

2 Korenti 4:17

Tin laadi yaa fala u naa yogunu po, naa tie puu leni wan bogindi ti yaa kpiagidi po. Laa kpiagidi yabi ki kan pendi hali abada.

Efesa 1:18

N go miadi o ke wan yendi yi yantiana nuni, ke yin fidi ki bandi yaa suginma n tuugi leni o yiinu leni wan bili o nigagidiŋanba po yaa ŋalimano, ke o pia ti kpiagidi.

Efesa 1:7

Ti baa mi daafaabima o niinni kelima o soama po leni ti tuonbiadi sugili, nani o ŋanbili n yabi maama po.

Efesa 2:7

O den tieni lani kuli ki baa doagidi o ŋanbili n yabi kaa pia bianu maama, hali yaa yogini n baa ti cua, kelima o ŋanma ti po Jesu Kilisiti nni.

Efesa 3:16

N miadi wani U Tienu, wan pa yi nani o kpiagidi ŋalimano n yabi maama, ke o Fuoma n yaa tuuni yi niinni leni u paalu, ki teni yin yaa pa hali yi pala tugu nni,

Efesa 3:8

Mini yua n tie puoli yua U Tienu nigagidiŋanba kuli siiga, n den baa laa ŋanbili, ki baa yaa wangi bi nilanba o Laabaaliŋamo, yua n doagidi Kilisiti n pia yaa ŋalimano n yabi hali ke li kandi maama.

Filipi 4:7

Lanwani, U Tienu yaa yanduanma, yaama n pendi o nisaalo bandima kuli, baa guudi yi pala leni yi yantiana kuli Jesu Kilisiti nni.

Kolosi 1:27

O bua ki teni o nigagidiŋanba n yaa bani o bondoaginkaala, yaala n tie ŋalimani, ki pia ti kpiagidi, ki ye i nibuoli kuli po. Laa bondoaginkaala tie line, Kilisiti ye yi niinni, ki teni ke yi pia ti dugidi, ke yin taani ki baa U Tienu kpiagidi.

Kolosi 3:16

Kilisiti maama leni man pia yaa ŋalimano kuli, n gbie yi pala nni. Yaa bangi mani ki go tundi yiyaba leni mi yanfuoma. Yaa yiini mani Pisomi, U Tienu yani leni yaa yani n doagidi mi Fuoma n bangi yi yaala, ki yiini ki pagi U Tienu leni i tuondi yi pala nni.

1 Tesaloniki 2:12

Ti den tundi yi, ki paagidi yi pala, ki go tigini yi ke yin yaa cuoni maama n dagidi U Tienu po, wani yua n yini yi ke yin yaa taa leni o o diema nni leni o kpiagidi nni kuli.

1 Timote 6:17

Ŋan tundi yaaba n tie a piada ŋanduna na niinni, ke ban da pia ti japaadi, ki da piani bi yula bi piama, yaama n ki pia dugidi. Ama ban piani bi yula U Tienu po, wani yua n puuni ti li bonla kuli ke li kandi, ki bua tin mangi ti pala li po.

Filemon 1:4

N tiadi a po yogunu kuli n jaandi nni, ki tuondi n Tienu

1 Pieri 5:1

Lanwani, mini yua n tie o nikpelo, ki tie siedi Kilisiti falaciamo po, ki go baa taani ki baa U Tienu n baa doagidi yaa kpiagidi, mia ki go tundi yi siiga yaaba n tie a nikpela line:

1 Pieri 5:10

U Tienu yua n die li ŋanbili kuli, yini yi Kilisiti nni, ke yin taani leni o ki baa yaa kpiagidi n kan gbeni, yi yaa tuo ki laa fala u yogunu waamu po. Wani o ba n baa ŋanbi yi cain, ki teni yin yaa se bonŋanla, ki paagi yi pala, ke liba kuli kan fidi ki lengi yi.