Filipi 4:18 - U TIENU MAAMA TILI 2013

¹⁸ N diani yeni ki waani yi ke yin den soani n po yaala kuli pundi n kani, ke n pia ke li kandi. Min den gaa yin den soani Epafroditi ke wan teni nni yaala yeni, mii go luo liba kuli. Yi paabu yeni tie nani yaa tulale yaa nuulu n mani leni U Tienu n gaa yaa padili ke li mani o po yeni.

Gourmanchéma Bible

¹⁸ N diani yeni ki waani yi ke yin den soani npo yaala kuli pundi n kani ke n pia ke li kandi. Min den ga yin den soani Epafilodita ke wan teni nni yaala yeni, mii go luo liba kuli. Yi paabu yeni tie nani yaa tulale yaa nuulu n mani leni U Tienu n ga yaa padili ke li mani opo.

Filipi 4:18 ပူးပေါင်းရင်းမြစ်များ

Mi Ñama 29:18

Ŋan juu li petonli yeni kuli li padibinbinli po. Laa bonla tie li padijuukaali o Diedo po, yaala n baa buodi ke li nuulu baa yaa mani, o Diedo U Tienu po.

Mi Coadima 15:3

yi baa yaa padi o Diedo po, ban yen juugi yaa pada u mu nni: lan tie padijuukaali, ñoanianu padili, yanbuama paabu padili, bi jaanma dana pada. Yi baa padi i ne leni ti yanbidi, lan tua yaa nuulu n mani o Diedo po.

Jesu Tondiba Tuona 10:4

O den noanli maleki ke ti jawaandi cuo o ke o yedi o: «N Daano, a yedi be?» Maleki den guani ki yedi o: «A jaandi leni a ŋanma a luoda po pundi U Tienu kani. Waa sundi li po.

LOMA YAABA 12:1

Lani yaa po, n kpiiba, n mia yi ki go tundi yi, kelima U Tienu ninñingbadima po, ke yin pa U Tienu yi yula nani yaa padili n fo, yaali n gagidi ki ŋani ki mani o po. Lani n tie lan pundi, yin yaa kpiagidi o maama.

2 Korenti 11:8

N den kpabidi Kilisiti Nitaana kaanto, ki tuo ki gaa bi paabu kelima yi todima po.

2 Korenti 9:12

Yin tieni yaa todima yeni baa todi bi nigagidiŋanba, ki go teni i tuondi n yabidi boncianla U Tienu po.

Efesa 5:2

Yin yaa ye leni yiyaba leni mi buama, nani Kilisiti n den bua ti maama, ki puni o yuli U Tienu, ki tua yaa paabu leni yaa padili yaa nuulu n mani.

Filipi 4:12

N bani ki yaa ye leni mi luoma, ki go bani ki yaa ye ki pia ke li kandi. N yema n tie maama kuli leni min ye naankani kuli, n bani ki je ki guo, ki go bani mi koma. N bani ki yaa pia ke li kandi, bi ki yaa ye leni mi luoma.

2 Tesaloniki 1:3

Ti kpiiba, li pundi tin yaa tuondi U Tienu, kelima yi po yogunu kuli. Li dagidi tin yaa tiendi yeni, kelima yi dandanli yabidi ki pugidi boncianla, yi buama yiyaba po mo yabidi ki pugidi.

Hebilunba 13:16

Yin da sundi ki yaa tiendi mi ŋanma leni ti bulicindi, kelima lani n tie yaa pada n mangidi U Tienu pali.

1 Pieri 2:5

Yinba yaaba mo n tie nani yaa tana n fo, teni mani ban maa yi yin tua U Tienu diegu, o Fuoma n ye naankani. Lani, yi baa tua yaa kopadicianba n gagidi U Tienu po, ki padi o po yaa pada n gagidi, ki go mani o po, kelima Jesu Kilisiti yaa po.