Filipi 4:1 - U TIENU MAAMA TILI 2013

¹ Lanwani, n kpibuadiba, min bua ki go le yaaba hali bonŋanla, yinba yaaba n tie n pamanli leni n kpiagidi, yinba n buakaaba, yin yaa se ke li pa o Diedo nni.

Gourmanchéma Bible

¹ Lanwani n kpiiba n buakaaba, min bua ki go le yaaba hali bonŋanla, yinba yaaba n tie n pamanli leni n kpiagidi, yin yaa se mani ke li pa o Diedo nni yinba n buakaaba.

Filipi 4:1 ပူးပေါင်းရင်းမြစ်များ

Jobi 31:36

N baa taa la ki tugi n yuli po, Ki cibini la nani ki badifogiliga yeni.

Pisomi 125:1

Ban caa Jerusalemi ki yiini yaa yanbu. Yaaba n dugi o Diedo po, Tie nani Siyon juali yene. Lini yaali n kan begibi, Ki se yogunu kuli ke li pa.

Pisomi 27:14

Dugi o Diedo po! Paagi aba, ki paagi a pali! Dugi o Diedo po!

Matie 10:22

Bi niba kuli baa nandi yi, kelima n yeli po. Ama yua n baa juuni hali mi juodima baa faabi.

Jan n diani U Tienu Laabaaliŋamo maama 8:31

Lani, Jesu den yedi yaa Jufinba n tuo ki daani o yeni: «Yi yaa tuo ki kubi n maama, yi tie n ŋoadikaaba moamoani.

Jesu Tondiba Tuona 11:23

Wan den pundi ki laa U Tienu ŋanbili, o pali den mangi. O den tundi bikuli ke ban yaa ŋua o Diedo leni payenli.

Jesu Tondiba Tuona 14:22

I kaani kuli, bi den paagidi yaaba n daani pala, ki tundi ba ke ban yaa se bonŋanla li dandanli nni, ki tua ba: «Li tie tiladi tin kpa le fala boncianla, ki baa ki kua U Tienu diema nni.»

Jesu Tondiba Tuona 2:42

Yaaba n den ŋoadi Jesu, den kuani bi yama bonŋanla Jesu tondiba bangima nni, ki taandi li dandanli yaaba taanli nni, ki go taandi ki di, ki jaandi yogunu kuli kaa cedi.

LOMA YAABA 2:7

Yaaba n tiendi yaala n ŋani kaa cedi, ki lingi U Tienu kani ti kpiagidi, ti jigidi leni yaa miali n ki pia kuuma, U Tienu baa pa ba yaa miali n kan gbeni.

1 Korenti 15:58

Lanwani n kpibuadiba, yin yaa se mani bonŋanla ki da lengidi. Yin yaa suagi mani liiga o Diedo tuonli nni yaa yogunu kuli, ki bani ke yi tuonli o Diedo po kan tua fanma.

1 Korenti 16:13

Yin yaa guu mani, ki yaa se ke li pa li dandanli nni. Tua mani jaba, ki paagi mani yiba.

2 Korenti 1:14

Nani yin bandi waamu maama, tinba n tie yi jigidi, ke yimo baa faa ki tua ti yaa jigidi o Diedo Jesu cuama daali.

Galati 5:1

Kilisiti den faabi ti ke tin yaa die ti yula. Lani yaa po, sedi mani bonŋanla ki da go kuani yi yula ti yonbidi lolima nni.

Filipi 1:27

Lanwani, bonyenla n tugi li yuli, lani n tie ke yi tagi n yaa da leni Kilisiti yaa Laabaaliŋamo. N yaa fidi ki cua yi kani ki laa yi leni n yàá fidi ki cua, min yaa gba ke yi se bonŋanla ki pia yantiayenli, ki moa o Laabaaliŋamo n cuani yaa dandanli yaa muali.

Filipi 1:8

U Tienu tie n siedo, ke n bua yikuli leni Jesu Kilisiti yaa buamoanma.

Filipi 2:16

ki wangi ba li miali maama. Yi yaa tiendi yeni, li baa yaa tie n po ti jigidi Kilisiti guacuama daali, kelima li baa doagidi ke mii den tiini mi nuama fanma fanma, kaa tuuni fanma fanma mo.

Filipi 2:26

O den bua hali bonŋanla ki le yikuli. Wan den bandi ke yi gbadi ke o yia, o yama den yagi li po boncianla.

Kolosi 4:12

Epafrasi yua n tie yi siiga yua, ki go tie Jesu Kilisiti naacemo moko fuondi yi. O moa yi po yogunu kuli o jaandi nni, ki miadi yi po, ke yin yaa tie yaaba n dagidi cain, ki bani U Tienu n bua yaala, ki yaa se ke li pa U Tienu sanŋoadima nni.

1 Tesaloniki 3:13

O Diedo n yaa paagidi yi pala, ke ti Baa U Tienu n yaa nua ke yi gagidi ki ŋani cain wani U Tienu po, kaa pia ban baa fidi ki kuli yi leni yaala, ti Diedo Jesu n go baa cua leni o nigagidiŋanba kuli yaa yogunu.

2 Tesaloniki 2:15

Lani yaa po, ti kpiiba, yaa se mani ke li pa, ki ŋua tin den bangi yi yaala kuli, li yaa tie tin den maadi yaala leni ti ñoana leni tin den diani yaala li tili nni kuli.

2 Timote 2:1

Lanwani, fini n biga, yaa paagidi a pali yaa ŋanbili n ye Jesu Kilisiti niinni.

Hebilunba 10:23

Tin yaa se ke li pa, ki tiendi siedi tin pia yaa suginma po ki da cedi, kelima yua n niani ti u ñoanianu yeni, tie dugika.

Hebilunba 3:14

Kelima ti taa leni Kilisiti, ki tie yenma leni o li yaa tie ke ti kubi tin den kpa pia yaa dugidi hali mi juodima.

Hebilunba 4:14

Lani yaa po, ti pia bi kopadicianba bado, yua n den kua tanpoli po, lani n tie Jesu U Tienu Bijua. Lani yaa po, tin yaa se bonŋanla tin tiendi siedi yaa dandanli po nni.

2 Pieri 3:17

Lanwani n buakaaba, kelima yi tuodi ki bani laa bonla kuli, yin yaa fangi yi yula, ke U Tienu yiekaaba n da dadi yi bi yaadima nni, ke yi kan go yaa se ke li pa.