Filipi 3:9 - U TIENU MAAMA TILI 2013

⁹ Mii go pia n yuli po yaa moamoansaali n ñani li bali maama kubima nni, ama yaali n baadi, kelima li dandanli Kilisiti nni yaa po. Li tie yaa moamoansaali n ñani U Tienu kani, ki ŋua leni li dandanli.

Gourmanchéma Bible

⁹ Mii go pia n yuli po yaa *moamoansaali n ñani li balimaama kubima nni, ama yaali n baadi kelima li *dandanli Kilisiti nni yaa po. Li tie yaa moamoansaali n ñani U Tienu kani ki ŋua leni li dandanli.

Filipi 3:9 ပူးပေါင်းရင်းမြစ်များ

Mi cilima 7:23

U Tienu den bolini yaala n ye ki tinga nni ki fo, ki cili bi niba ki yaa caa hali ti yandi, li bonbalinkaala leni tanpoli bonyugiditi, bikuli den bodi ki tinga nni cain. Nowe leni yaaba n den ye leni o ku ñinbiagu nni yaa ka, laa den sieni niloba kuli goga.

1 Bi Badiba 8:46

Li yaa tie ke Isidayeli yaaba yeni ti tudi a po, kelima niloba ki ye ki kan tudi, a pali yaa ti fii bi po ke a teni ba bi yibalinba, ke yibalinba yeni cuo ki gedini ba ti yonbidi yaa diema n kuu bi yaa diema n foagi leni ne,

2 Bi Badiba Jama 32:25

Esekiasi naa den guani U Tienu o ŋanbili. Ama o den fiini ti japaadi ke o Diedo pali den beni wani leni Jerusalemi yaaba kuli po.

2 Bi Badiba Jama 32:31

Li tie lani yaa po yo, ke Babilonni badibaanba n den soani o kani a tonda ke ban bandi yaa bancianma n den tieni o diema nni, U Tienu den ŋaa o ki biigi o ki bandi yaala n den ye o pali nni.

Pisomi 14:3

Bikuli yaadi, bikuli biidi. Yua n tiendi yaala n ŋani naa ye, Ba niyendo!

Pisomi 143:2

Da bu leni mini a naacemo, Kelima nisaalimialiba kuli ki tiegi a nintuali.

Pisomi 19:12

A naacemo baa u fanu, Li ñuadi yabi yua tuo ki ŋoadi Mi yedima po.

O Yanfuodaano 7:20

Moamoani de! Ki tinga nni ki pia yaa nilo n tiegi, Ki tiendi yaala n ŋani ki kan tudi.

Esayi 46:13

N teni ke n teginma nagini. Maa go ye foagima. Li kan go waagi ke n faabima baa cua. N baa kuani ma Siyon nni, Ki pa Isidayeli yaaba n jigidi.

Esayi 53:11

Wan laa yaa fala li po yeni, O baa le li ñuadi, ban bandi o. Wani n naacemo yua n tiegi yeni, Baa saa niba boncianla po i moamoani, Ki taa bi tagili ki tugi.

Esayi 53:6

Tikuli den yaadi nani i pe yeni. Yuakuli den tagi wan bua yaa sanu. Ama o Diedo den tuni wane ti tagili kuli.

Esayi 6:5

N den yedi: «Ŋain, n bia n yeni! N tie yua yaa ñoacuuna n joagini, ki go ye yaa nibuolu yaa ñoacuuna n joagini siiga. N nuni mo laa o Bado, Li Miali Diedo U Paaciamu Kuli Daano.»

Jeremi 23:6

O jama nni, Juda diema baa baa mi faabima, Isidayeli diema mo n yaa ye leni mi yanduanma. Diidi ban baa yini o maama: ‹O Diedo n tie ti teginma.›

Jeremi 33:16

Lanyogunu Juda baa baa mi faabima, Jerusalemi mo n yaa pia mi yanduanma. Ban baa yaa yi Jerusalemi maama nne: “O Diedo tie ti teginma.”

Danieli 9:24

Li bili binalele taalima piilele a buolu leni a dogagidiko po. Lanyogunu bili ke mi yiema n gbeni, Ke mi tudima n baa u bianu, Ke ti tuonbiadi n baa sugili, Ke yaa teginma n baa yaa ye hali yaa yogunu kuli N doagidi ke li bonlekaala leni U Tienu saawalipuaba Den soagini yaala kuli n tieni, Ke u kaangagidiŋanmoanu mo n go gagidi.

Matie 9:13

Gedi mani ki ban bandi yaa maama n tie ne bundima: ‹Mi ninñingbadima n mani n po, laa tie a pada ka.› Mii cua ki baa yini yaaba n tiegi ka, ama ti tuonbiadi danba.»

LOMA YAABA 1:17

O Laabaaliŋamo yeni doagidi U Tienu n saa bi nisaaliba po i moamoani ke bi tiegi maama, kelima li dandanli po leni li dandanli bebe yaa po, nani lan diani maama: «O niteginka baa yaa ye, kelima o dandanli yaa po.»

LOMA YAABA 10:10

Kelima li tie li dandanli a pali nni n baa teni ŋan baa li moamoansaali. A ñoabu tuoma bi niba nintuali mo n baa teni ŋan baa mi tindima.

LOMA YAABA 16:7

Yin fuondi n kpiiba Andronikusi leni Juniasi, mini leni yaaba n den taani ki ye li kpaadidieli nni. Jesu tondiba siiga, bi tie ban jigindi yaaba boncianla. Bi den daani Kilisiti hali ke mini daa daani o.

LOMA YAABA 5:21

Lanwani, nani ti tuonbiadi n den die bi niba ki teni ke bi ku maama, U Tienu ŋanbili mo diedi bi niba yene, kelima U Tienu saa bi po moamoani ke bi tiegi. Lani yaa po o kuani ba yaa miali n kan gbeni nni, kelima ti Diedo Jesu Kilisiti yaa po.

LOMA YAABA 8:1

Lanwani, moala buudi cuonuba ki go ye yaaba n ye Jesu Kilisiti nni po.

LOMA YAABA 8:3

Li bali maama n kaa den fidi ki tieni yaala kelima ti gbanandi tadingu po, U Tienu tieni la. O den soani o Bijacele kelima ti tuonbiadi po, ke o taa yaa gbanandi n naani leni ti tuonbiadi n diedi yaa gbanandi. Wan den tieni yeni, o den buni ki cuo ti tuonbiadi ti gbanandi nni.

1 Korenti 1:30

Ama yinba, U Tienu teni ke yi ye Jesu Kilisiti nni. O go teni ke Jesu tie ti po mi yanfuoma, mi teginma, mi gagidiŋanma leni mi daafaabima.

2 Korenti 5:17

O nilo yaa ye Kilisiti nni, o tie tagipanma, li bonkpelila pendi, li bonla kuli tua bonpanla.

2 Korenti 5:21

Wani Kilisiti yua n ki den bani tuonbiadi, U Tienu den teni ke o tua ti tuonbiadi tinba po, ke timo n baa ki tua o yaa niinni U Tienu niteginkaaba.

Galati 2:16

Ti bandi ke o nilo kan baa li moamoansaali kelima U Tienu bali maama kubima yaa po. Ama o baa baa li kelima li dandanli Jesu Kilisiti nni yaa po. Timoko ti daani, ke tin baa li moamoansaali kelima ti dandanli Kilisiti nni yaa po ke laa ŋua leni li bali maama kubima. Niloba kuli kan baa li moamoansaali kelima li bali maama yaa po.

Mi Tiadima 27:26

‹Ti solindi n baa yua n naa kubi, ki go tieni laa bali maama n yedi yaala!› Lani, bi niba kuli baa taani ki gaa: ‹Amina!› »

Filipi 3:6

Yaala n tie n yankuali po, n den wangi Kilisiti Nitaanli fala. Yaala n tie yaa teginma n ŋua li bali maama kubima po, bi kan den fidi ki kuli nni leni liba kuli.

2 Timote 1:9

O den faabi ti ki yini ti yaa yiinu n gagidi ki ŋani. Waa den tieni yeni kelima ti tuonŋama po ka, li tie o yanjagili leni o ŋanbili po, wan den tieni ti po yaala Jesu Kilisiti nni, hali ke ŋanduna daa tagi.

Titi 3:5

o den faabi ti. Laa tie kelima ti den tieni yaa tuona n tiegi ka, ama li tie o ninñingbadima yaa po. O den faabi ti kelima mi maaliema yaa batisima leni U Tienu Fuoma Yua n guani ki pandi ti maama po.

Hebilunba 6:18

U Tienu den bili laa bonliedila, yaala n kan lebidi, wan kan pua faama yaala yaa po, ki bua ki yaa paagidi ti pala boncianla, tinba yaaba n sani ki baa o po, ki cuo wan bili ti po yaa dugidi ki muubi.

Jaki 3:2

Tikuli tudi yaa tudima buoli n yabi. O nilo yàá tudi o maama nni ba waamu, o tie yaa nilo n ŋani ki dagidi cain, ki fidi ki paani o gbanandi kuli.

2 Pieri 1:1

Mini Simon Pieli, Jesu Kilisiti naacemo leni o tondo, n diani li tili yi po, yinba yaaba n taa leni ti ki baa yaa dandanli n tie bonmoanla, kelima ti Tienu leni Jesu Kilisiti ti Candaano teginma po.

1 Jan 3:4

Yua n tieni ti tuonbiadi kuli miidi U Tienu bali maama. Ti tuonbiadi tie li bali maama yaa miidima.