Filipi 3:20 - U TIENU MAAMA TILI 2013

²⁰ Ama tinba, ti tie tanpoli diema yaaba. Ti guu ke ti Candaano o Diedo Jesu Kilisiti baa go ña lankani ki cua.

Gourmanchéma Bible

²⁰ Ama tinba, ti tie *tanpoli diema yaaba. Ti gu ke ti Candaano o Diedo Jesu Kilisiti baa go ña lankani ki cua,

Filipi 3:20 ပူးပေါင်းရင်းမြစ်များ

Pisomi 16:11

A baa teni min bandi li miali sanu, Li pamanli yabi ki kandi a nintuali, Yaa yemanma n ki pia gbenma mo ye a jienu.

Pisomi 17:15

Ama mini wani n teginma nni, N baa le a nunga. N yaa fundi yaa yogunu, N baa ñuadi ŋan tie maama ki guo.

Mi Kpanjama 15:24

O yanfuodaano ŋua li miali sanu Yuu n caa tanpoli, Ki ŋaa yaa sanu n jiidi ki caa mi kuuma po.

Matie 19:21

Jesu den yedi o: «A yaa bua ki yaa ŋani cain, ŋan gedi ki ban kuadi ŋan pia yaala, ki pa a luoda li ligi, lane a baa yaa pia ŋalimani tanpoli po. Lani, ŋan cua ki ŋoadi nni.»

Luki 12:21

Jesu go den yedi: «Li tie yeni leni yua n taagi mi piama o yuceli po, ke o cima ki tie U Tienu po.»

Luki 14:14

Lani, U Tienu baa ŋanbi a po kelima bani wani kan fidi ki guani a a ŋanma. U Tienu yaa ti fiini bi niteginkaaba bi tinkpiba siiga, o baa guani a ma.»

Jesu Tondiba Tuona 1:11

«Yinba Galile yaaba, be yaa po ke yi baa ki se ki diidi tanpoli nanda? Wani Jesu, yua n ñani yi siiga ki doni tanpoli po, baa guani ki cua nani yin laa ke o caa tanpoli po maama.»

1 Korenti 1:7

Yeni U Tienu paabu kuli siiga, ba bonyenbu ki poadi yi po, yin guu ke U Tienu baa doagidi ti Diedo Jesu Kilisiti yaa yogunu.

1 Korenti 15:48

Tinga nni yua n tie maama, tinga nni yaaba mo kuli tie yene. Tanpoli po yua n tie maama, tanpoli yaaba mo kuli tie yene.

2 Korenti 4:18

Tii diidi bi niba n baa fidi ki le yaala ka, ama ti diidi ban kan fidi ki le yaala. Bi niba n baa fidi ki le yaala pia mi pendima, ama ban kan fidi ki le yaala naa pia pendima.

2 Korenti 5:8

Yeni de! Ti jigi co! Yaala n cie ti po tie tin ña, ki ŋaa ti diegu yaagu n tie ti gbanandi na, ki gedi ki ban yaa ye o Diedo kani.

Galati 4:26

Ama Jerusalemi dogu yuu n ye tanpoli die u yuli, wuni n tie ti yaa naa.

Efesa 2:19

Lanwani, yii go tie nilanba leni canba ka, yi ji tie tanpoli diema yaaba, ki taa buolu leni U Tienu nigagidiŋanba, ki tie U Tienu deni yaaba.

Efesa 2:6

O taani ki fiini ti leni Kilisiti, ki duoni ki kaani ti leni o tanpoli diema nni, wani Jesu Kilisiti yaa niinni.

Filipi 1:10

Lani n tie yin bandi ki gagidi ki gandi yaala n ŋani ki cie. Lani n baa teni, yin yaa ŋani cain, ki naa pia ban baa fidi ki kuli yi leni yaala Kilisiti guacuama daali.

Filipi 1:27

Lanwani, bonyenla n tugi li yuli, lani n tie ke yi tagi n yaa da leni Kilisiti yaa Laabaaliŋamo. N yaa fidi ki cua yi kani ki laa yi leni n yàá fidi ki cua, min yaa gba ke yi se bonŋanla ki pia yantiayenli, ki moa o Laabaaliŋamo n cuani yaa dandanli yaa muali.

Kolosi 1:5

Yi baa la kelima U Tienu n bili yi po yaa suginma tanpoli po, i moamoani maama, yaama n tie o Laabaaliŋamo n den kpa cua yi kani, ki bangi yi yaama.

1 Tesaloniki 1:10

Moala, yi guu ke o Bijua Jesu, U Tienu n den fiini yua bi tinkpiba siiga, n ña tanpoli ki guani ki cua, yua n baa faabi ti leni U Tienu pabienli yaali n kpendi.

1 Tesaloniki 4:16

Mi maalima yaa tieni, ke malekinba yudaano kpaani, ke U Tienu kakaci piebi, lanyogunu o Diedo wani o ba baa ña hali tanpoli po, ki jiidi. Yaaba n den kpe leni li dandanli Kilisiti po, baa kpa fii bi tinkpiba siiga.

2 Timote 4:8

Ba moala bi bili n po mi teginma badifogiliga, o Diedo yua n tie o bujiateginka n baa pa nni yaaga o guacuama daali. O kan pa mini nbebe ka, ama yaaba n den bua o guacuama kuli.

Titi 2:13

ki go guu tin sugini yaala ke li pia li pamancianli yeni. Lani n tie ti Tienu, yua n tie Tienciamu leni ti Candaano Jesu Kilisiti kpiagidi doagidima.

Hebilunba 12:22

Ama yi cua Siyon juali, lani n tie U Tienu yua n ye ki fo yaa dogu, yaa Jerusalemi n ye tanpoli kani, malekinba yaaba n yabi ki pundi a tuda tuda bam yaa kani.

Hebilunba 9:28

li tie yeni ke Kilisiti den padi o yuli ki kpe yenma, ki tugi bi nisaaliba boncianla tuonbiadi. O go baa cua mi liema ki doagidi o yuli ke li kan go yaa tie ti tuonbiadi ñanma po ka, ama yaaba n den guu o tindima po.

Mi Doagidima 1:7

Diidi ki le mani, O kpendi ti tawadi nni, Nunbu kuli baa le o, Ba yaaba n den muu o baa le o. Ŋanduna nibuoli mo kuli, Baa buudi kelima o po. Yeni n yeni! Amina!