Filipi 3:19 - U TIENU MAAMA TILI 2013

¹⁹ Bi juodima baa yaa tie mi bodima. Bi tugidi n die ba. Ban tama ke yaala n tie bi po ti jigidi yeni, tie bi po i fe yo. Bi kuandi bi yama ŋanduna bonla nni bebe.

Gourmanchéma Bible

¹⁹ Bi juodima baa tie mi bodima. Bi tugidi n die ba. Ban tama ke yaala n tie bipo ti jigidi yeni tie bipo i fe. Bi kuandi bi yama ŋanduna bonla nni bebe.

Filipi 3:19 ပူးပေါင်းရင်းမြစ်များ

Pisomi 17:14

O Diedo, deli ki ñani ba ŋanduna ne niinni, Lani n tie bi biinu yaa jamaano n tie ne niinni. Guoni ba leni ŋan sieni ba yaala, Ki teni bi bila mo n je la ki guo, Ki sieni la bi yaabila po.

Pisomi 52:1

Bi yanyinba yudaano yani siiga yanbu. Davidi yanbu.

Jeremi 44:17

Ti bua ki ŋoadi ti pali nni jaga, ki juu tanpoli badipua po a dugibila, ki cabi o po nani ti baanba, ti badiba leni ti koanbala n den tiendi maama Juda dogi nni leni Jerusalemi sani nni. Li yogunu ti den pia mi jiema ke li dagidi, ti yema den mani ke falaba ki ye.

Esekieli 13:19

Yi fiagidi nni n niba kani, kelima orje waamu po leni mu dupenjenmu po, ki kpaani yaaba n ki bi pundi ki kpe, ki ŋaani yaaba n ki bi pundi ki yaa ye, ki boandi yeni n niba.

Esekieli 34:3

Ama diidi yi ŋaa i pe ki naa kpaa ba. Yi ŋmani mi yankpama, ki laa ti pekobidi yaa tiadi, ki go padi yi pada yaa pe n pia mi kpama. Yi naa den kpaa i pe.

Ose Tili 4:7

Bi kopadicianba yabidi ki pugini, Ki tiendi n po ti tuonbiadi ki pugidi. Lani n teni ke n baa lebidi bi kpiagidi, Bi cidi n tua fe.

Mise 3:11

Jerusalemi bujiaba gaani a suuna ki ja ti buudi, Likani kopadicianba bangi li bali maama ti ñuadi po, Bi saawalipuaba mo pua saawali i ligi po. Ama leni lani kuli, bi baa ki dugi o Diedo po ki tua: «Naani o Diedo ki ye leni ti? Fala kan nandi ti abada.»

Mise 3:5

O Diedo yedi yaa saawalipuaba n boandi o niba, Ke bi yaadi ki ŋaa o sanu: «N niba yaa puni yi bonŋmankaala, Se yin yaa tua ba ke mi yemanma baa yaa ye. Ama bi yàá puni yi bonŋmankaaliba mo, Yin yaa tua ba ke bu toabu baa cua.

Malaki 1:12

Ama yinba, Isidayeli yaaba fali n yeli yeni, ki tua ke o Diedo padibinbinli joagini, ki go tua tin baadi likani yaa padijiedi naa tie puu.

Matie 16:23

Ama Jesu den jigidi ki yedi Pieli: «Ña n puoli, Sutaani, a tie n po tingbali bonla, kelima a yantiana naa tie U Tienu yaa ya, ama bi nisaaliba yaa yantiana.»

Matie 25:41

Li yaa puoli, o baa yedi yaaba n ye o ganu: ‹Fuadi mani n kani, yinba ti solindi yaaba! Gedi mani yaa fantanbuogu n ki pia gbindima po, ban den gbiidi yaagu ku tuotabigu yudaano leni o yaa malekinba po.

Luki 12:19

Lani, n baa yedi n yuli: A pia mi piama ke li kandi yaa bina n yabi po, yaa fuo ki di ki go ñu ki mangidi a pali.›

Luki 16:19

O piado den ye ki la ti tiakpiagidi, ki mangidi o pali daali kuli leni o yeŋanma leni mi jemanma.

Luki 18:4

O bujialo den waagi ki yiedi. Li yaa puoli, o den tia o yama nni, ki yedi: ‹Ba ke mii jie U Tienu, kaa fangi niloba mo,

LOMA YAABA 16:18

Laa nibuolu naa tuuni ti Diedo Kilisiti po ka, bi tuuni bi tugidi po yo. Bi maadi mi madingima leni mi mamanma, ki boandi yaaba n ki fani.

LOMA YAABA 6:21

Moala yi jie i fe leni yin den tiendi yaala lanyogunu. Yi den baa be ñuadi laa bonla po? Laa bonla baa juodi mi kuuma.

1 Korenti 3:3

Nani li nunponli leni li koanli n da ye yi siiga yeni, laa doagidi ke yi ŋua li nisaali-yantiali, ki tiendi nani bi nisaaliba n tiendi maama ka?

1 Korenti 5:2

Ama ba yeni, yi gbengidi yi yula, kaa biidi yi pala ki mua i kumoe, ki ñani yi siiga yua n tieni laa cagindi.

1 Korenti 5:6

Yin gbengidi yi yula maama yeni, laa ŋani. Yii bani ke li dabinli waamu bebe baa teni ti yonbudi kuli n pili yo?

2 Korenti 11:12

N go baa tiendi nani min tiendi maama moala, ke yaaba n bua ki kpiagi bi yula, ki go bua bi niba n yedi ke bi da leni tinba n da pia magbaali.

2 Korenti 11:15

Lanwani, laa pia pakili o tuonsoanba moko yaa moandi ki naani leni mi teginma tuonsoanba. Bi juodima baa tua nani bi tuona n tie maama.

Galati 6:13

Ba bani yaaba n kua ku koanciagu, baa tiendi li bali maama n bili yaala. Ama bi nan bua ke yinba n kua ku koanciagu, ke ban baa u sanu ki kpiagi bi yula, kelima yaala n tieni yi gbanandi nni yaa po.

Filipi 2:21

Yaaba n sieni kuli kuani bi yama bi ŋantaadiceli nni, baa kuani bi yama Jesu Kilisiti yaa ŋantaadi nni.

Kolosi 3:2

Yaa kuandi mani yi yama tanpoli bonla nni, ki da kuandi yi yama ŋanduna yaa bonla nni.

2 Tesaloniki 1:9

Bi buudi baa yaa tie yaa bolinma n ki pia gbenma. Bi baa paadi cain leni o Diedo nunga leni o kpiagidi paalu,

2 Tesaloniki 2:12

Yeni yaaba n naa den tuo ki ŋoadi i moamoani, ama ki mangidi bi pala leni mi biadima kuli, U Tienu baa bu ki cuo ba.

2 Tesaloniki 2:8

Lanyogunu, mi biadima daano baa doagidi, o Diedo Jesu n baa bolini yua leni o ñoabu fawaama. O cuama kpiagidi baa biidi o tuonli cain.

1 Timote 6:5

Li go teni ke yaaba yaa yama n biidi, bani yaaba n kaa go kubi i moamoani, nia leni biyaba yogunu kuli. Bi tama ke U Tienu tuoma tie ñuade.

2 Timote 3:4

janbi danba, yanjegibidanba leni bi yusiedanba, ki bua yaala n mani bi po ki cie U Tienu.

Jaki 4:16

Ama moala yi maadi mi japaamaama, ki kpiagidi yi yula. Yi yaa kpiagidi yi yula yeni, li tie yaa bonla n bia.

2 Pieri 2:1

Nani bi saawalipua-faadanba n den ye Isidayeli yaaba siiga maama, bi bangi-faadanba moko baa yaa ye yi siiga yene. Bi baa boandi ki kuani mi bangifaama yaama n bia yi siiga. Laa bangima baa bolini bi niba. Bi baa yie ba o Diedo yua n den daa ki faabi ba, ki jaligi ki cuani bi yula po mi bolinma.

2 Pieri 2:13

Bi go baa baa ban tieni yaa biadima kuli yaa panpaani. Bi mangidi bi pala ki tiendi bi bonbuaka-biadila, ba u yensiinu, ki biidi, ki go joagini. Bi go mangidi bi pala ban boandi yi, ki di leni yi yaa yogunu.

2 Pieri 2:3

Bi bangi-faadanba yeni ŋaliŋabuama po, baa teni ban yaa boandi yi leni bi bangifaama, ki baadi yi kani li baali. Bi buudi cuonu peli ki bili bi po hali yogunu, bi bolinma mo kan go waagi.

Jude 1:10

Ama laa niba sugidi ban kaa bani yaala. Ba ban bani yaala mo, bi ŋua la nani ti yandi yeni, ke li caani ba mi bodima po.

Jude 1:16

Laa niba tie yaaba n yenbidi, yaaba yaa pala n biidi bi yema po. Bi ŋua bi gbanandi bonbuakaala, ki maadi mi japaamaama, ki banbidi bi niba ki bua ki baa bi kani li baali.

Jude 1:4

Bi nitianba wuoni ki kua yi siiga. I Diani den maadi laa niba buudi cuonu hali yogu. Bi tie U Tienu yiekaaba, yaaba n lebidi ti Tienu ŋanbili, ke lin tua mi conconma bonla. Bi go yie Jesu Kilisiti, wani yua bebe n tie ti Canbaa leni ti Diedo.

Mi Doagidima 18:7

Wun den kpiagidi u yuli Ki kuani u yama mi yemanma nni Ke li pendi ki pundi yaa bianu, Pa u mani mi funfunma leni li paboanli Ki pundi laa bianu, kelima u yedi u pali nni: ‹N kaa li bali kalikaanu ki tie puobado, Mii tie kpepuoli ka. N kan le kuuma paboanli.›

Mi Doagidima 19:20

O den cuo ki fuayanga, wani leni o saawalipua-faadaano, yua n den tiendi mi bancianma o nintuali, ki boandi yaaba n gaa ki fuayanga maalima, ki go gbaani ki kpiagi o nannanli. O den luni bani bonbilie kuli ku fantanbuogu nni ke bi fo, li cidibili n co naani.

Mi Doagidima 21:8

Ama bi jawaandanba, yaaba n ki daani, ti cagindi danba, bi nikpaba, mi conconma buoli kuli danba, u ñoagubiadu danba, i buli danba leni yaaba n pua mi faama kuli, bikuli yekaanu baa yaa tie u mu leni li cidibili n co yaa kpenu nni. Lani n tie mi kuliema.»

Mi Doagidima 22:15

Ama i sangbanli, u ñoagubiadu danba, mi conconma buoli kuli danba, bi nikpaba, i buli danba, yaaba n bua mi faama ki go pua ma kuli, baa yaa ye niinpo.

1 Samueli 2:29

Be yaa po ke yi fali ki ŋmaadi min bili ke bi padi n po yaa pada, min bili ke ban yaa kpendinni yaa paabu kuli n dieli nni? Be yaa po ke a fangi a bila ki cie mini, ki ñandi n niba Isidayeli yaaba n padi n po yaa pada siiga yaala n ŋani ki cie, ki wubi yi yula leni lani?