Filipi 3:18 - U TIENU MAAMA TILI 2013

¹⁸ Niba boncianla ye, min den kpa waani yi yaaba yaa maama, ki go wangi yi la moala leni a bubula, ke bi tagi doagidi ke bi tie Kilisiti dapoanpoanli yibalinba.

Gourmanchéma Bible

¹⁸ Kelima niba boncianla ye, min den kpa waani yi yaaba yaa maama ki go wangi yi la moala leni a bubula, ke bi tagi doagidi ke bi tie Kilisiti *dapoanpoanli yibalinba.

Filipi 3:18 ပူးပေါင်းရင်းမြစ်များ

Pisomi 119:136

N buudi ke n nunsiidi kuli wuliti, Kelima baa kubi a bali maama.

Esayi 8:11

O Diedo den maadi nni Yaa maama n tie ne, Wan den tandi o nuu yaa yogunu, Ki muubi nni ki tuodi ki waani nni, Ke min da ŋoadi bi naa niba sanu.

Jeremi 13:17

Yi yàá cengi line, n baa buudi ŋasiili nni, Kelima yi japaadi po. N nuni baa wuli ti nunsiidi, Min mua boncianla, kelima bi baa gedini O Diedo niba ti yonbidi.

Jeremi 9:1

Bi yaa bi puni nni mi fanpienma nni Bi sancenba n baa wuoni naani, N baa sani ki ŋaa n diema niba ki foagidi leni ba, Kelima bikuli tie conconma danba. Bikuli tie janbi danba bebe.

Levi 11:16

Ku tataagu, li juuli, mi ñincianma nni yaa kafengu, ki kafenga leni ki yaa buolu kuli.

Levi 13:8

O yaa sua ke mu calimu yeni talini o nilo yeni gbanu po, o kopadiciamo baa doagidi ki waani ke o nilo yeni joagini. Li tie gbaadime.

Luki 19:41

Jesu n go den nagidi Jerusalemi ki laa u, o den buudi upo,

Jesu Tondiba Tuona 20:19

Yi bani ke n den tuuni o Diedo po leni li yumiinli leni ti nunsiidi, ki go laadi fala, kelima Jufinba n den lu yaa janbi ki bua ki cuo nni yaa po.

LOMA YAABA 9:2

N ye leni ti yanyagiciandi leni li paboanli yogunu kuli,

1 Korenti 1:18

Li dapoanpoanli yaa mawangima tie yanluoma yaaba n baa bodi po. Ama tinba yaaba n tindi po, li tie U Tienu paalu.

1 Korenti 6:9

Yii bani ke yaaba n ki tiegi kan ba biinu U Tienu diema nni yo? Yin da boandi yi yula. Yaaba n tiendi ti cagindi, i buli danba, mi conconma danba, yaaba n biidi bi yula, yaa jaba n taagi leni biyaba,

2 Korenti 11:13

Laa niba tie bi tondifaadanba, yaaba n tuuni ki boandi bi niba, ki moandi ki naani leni Kilisiti tondiba.

2 Korenti 11:29

Bi siiga, ŋme n tadi ke mini mo naa tadi? Ŋme n baa ti tuonbiadi nni ke laa juni n pali?

2 Korenti 2:4

N den diani yi po leni li pabiidili, li paboanli leni ti nunsiidi boncianla, laa den tie ke n bua ki biidi yi pala ka, n den bua ke yin bandi min pia yi po yaa buacianme.

Galati 1:7

Moamoani laabaaliŋantoa ki ye, n maadi yeni kelima bi nitianba lengidi yi yama, ki moandi ki baa lebidi Kilisiti Laabaaliŋamo.

Galati 2:14

Min den laa ke baa ŋua o Laabaaliŋamo yaa moamoani n bili maama, n den yedi Pieli bikuli nintuali: «Fini yua n tie Jufi yaa tiendi nani bi nilanba n tiendi maama, ki naa ŋua Jufinba n tiendi maama, a baa fidi ki tieni bi nilanba u paalu lede ban yaa ŋua Jufinba n tiendi maama?»

Galati 2:21

Mii bua ki fali U Tienu ŋanbili. Li yaa tie ke li moamoansaali baadi kelima li bali maama kubima yaa po, lani Kilisiti den kpe fanma fanma.

Galati 5:21

li nunponbiadili, li dañogaadili, ku nuagu leni laa bonbuoli kuli. N go tuodi ki waani yi nani min den kpa wani yi maama, ke yaaba n tiendi laa bonjoagindi buoli kan kua U Tienu diema nni.

Galati 6:12

Yaaba n bua bi niba n yaa kpiagidi ba kuli tigini yi, ke yin kua ku koanciagu, ke bi niba n da wangi ba fala kelima Kilisiti dapoanpoanli po.

Galati 6:14

Ama mini, n kan tuo ki kpiagi n yuli bontoala kuli po, kali ti Diedo Jesu Kilisiti dapoanpoanli po. Kilisiti n den kpe li dapoanpoanli po yeni, ŋanduna bonla kuli tie n po nani li kpe, nmoko tie nani n kpe ŋanduna bonla kuli po yeni.

Efesa 4:17

Lanwani, min yedi yaala leni min kadi ki waani yi yaala, o Diedo yeli nni tie line: Yi tagi n da naani leni bi nilanba yaa tagi, bani yaaba n ŋua bi yantiana ya n tie fanma fanma.

Filipi 1:4

Min jaandi yi po yaa yogunu kuli, n jaandi leni li pamanli,

1 Tesaloniki 4:6

Oba kuli n da boandi o kpiilo laa bonla nni, ki janbi o. Ti den tuodi ki waani yi ki go kadi ki waani yi, ke o Diedo baa tuu laa biadima buolu kuli panpaani.

2 Tesaloniki 3:11

Ti maadi yeni, kelima ti gba ke yi siiga bi nitianba yie kaa tuuni tuonliba kuli, ama ki goadi leni bu tingbangbaabu.

2 Pieri 2:10

O buudi cuonu n baa cuo yaaba ki cie, tie yaaba n ŋua bi gbanandi bonbuakaala yaala n joagini, ki go fali o Diedo bali. Laa bangi-faadanba pia ti japaadi leni yaa tuli n pa, kaa jie, ki sugidi ba malekinba yaaba n pia ti kpiagidi.

Jude 1:13

Bi doagidi bi tuona ya n pia i fe, nani mi ñincianma ñinguona n lengidi ki lu ti ñinpunpudi li boanjaali po maama yeni. Bi go tie nani yaa ŋmabila n yaadi yeni. U Tienu bili bi po ke bi kaanu baa yaa ye li biigicianli nni, hali yaa yogunu kuli.