Filipi 2:17 - U TIENU MAAMA TILI 2013

¹⁷ Ba li yaa tie ke n soama baa wuli ki tua nani li ñincabili yeni, yi dandanli tuonli padili po, n baa yaa mangidi n pali li po, n go baa yaa mangidi n pali leni yikuli.

Gourmanchéma Bible

¹⁷ Baa li yaa tie ke n soama baa wuli ki tua nani li*ñincabili yeni, yi *dandanli tuonli padili po, n baa mangidi n pali lipo, n go baa mangidi n pali leni yikuli.

Filipi 2:17 ပူးပေါင်းရင်းမြစ်များ

Mi Coadima 28:6

Lini n tie yogunu kuli yaa padijuukaali, yin den padi yaali Sinayi juali po. Li tie ban juu yaa padili u mu nni, ke li nuulu mani o Diedo po.

Mi Coadima 28:7

Li ñincabili baa yaa tie mi daama litidiyendo leni boagidima, pebiga kuli po. A baa cabi mi daama yeni u kaangagidiŋamu nni, o Diedo po.

Jesu Tondiba Tuona 20:24

Ama mii nua n miali ke li tie bonmoanla, yaala n pia n po mayuli tie, ke min fidi ki pundi n nuama bianu, ki dudi o Diedo Jesu n puogi nni yaa tuonli. Lani n tie, ki yaa wangi U Tienu ŋanbili Laabaaliŋamo.

Jesu Tondiba Tuona 21:13

O den guani ki yedi: «Be yaa po ke yi buudi, ki bua ki biidi n pali? N baa tuo ban loli nni Jerusalemi, ba ki kpa nni moko, o Diedo Jesu yeli nni.»

LOMA YAABA 12:1

Lani yaa po, n kpiiba, n mia yi ki go tundi yi, kelima U Tienu ninñingbadima po, ke yin pa U Tienu yi yula nani yaa padili n fo, yaali n gagidi ki ŋani ki mani o po. Lani n tie lan pundi, yin yaa kpiagidi o maama.

LOMA YAABA 15:16

ki teni ke n tua Jesu Kilisiti naacemo bi nilanba siiga. N tuuni yaa tuonli n gagidi ki wangi ba U Tienu Laabaaliŋamo. Lani n tie ke bani bi nilanba n tua nani U Tienu n baa tuo yaa padili ke li mani o, U Tienu Fuoma Yua n gagidi yaali wani U Tienu po.

2 Korenti 12:15

Mini n ba n baa pa n piama n yama po, ki go pa n yuli yi po. Naani n buama yaa pugidi yi po, yi yaa buama baa wadi n po yo?

2 Korenti 4:12

Lanwani, mi kuuma tuuni ti niinni, ama li miali n tuuni yi yaa niinni.

2 Korenti 6:10

Bi nua ti nani li pabiidili danba, ama ti pia li pamanli yogunu kuli. Bi nua ti nani a luoda, ama ti teni ke niba boncianla tua piada. Bi nua ti nani tii pia puu, ama ti pia li bonla kuli.

2 Korenti 7:4

N dugi yi po boncianla, n jigini n yuli yi po boncianla, n baa i baagi ke li dagidi. Ba ti falabiado nni kuli, n pia li pamankandikaali.

Filipi 1:20

Min bua ki go sugini maama tie ke min da le i fe liba kuli po. Ama nani lan den kpa tie maama, li go tie yeni moala. N sugini ke Kilisiti n baa ti kpiagidi n miali yema kuli nni, min ye leni min kpe kuli.

Filipi 2:18

Yimo n mangi yi pala li po, ki taani leni nni n pamanli nni.

Filipi 2:30

O den luni o miali ki tuuni Kilisiti tuonli hali ki nagini mi kuuma. O den bua ki todi nni yin bi baa todi nni yaa todima, ki naa ye n kani.

Filipi 4:18

N diani yeni ki waani yi ke yin den soani n po yaala kuli pundi n kani, ke n pia ke li kandi. Min den gaa yin den soani Epafroditi ke wan teni nni yaala yeni, mii go luo liba kuli. Yi paabu yeni tie nani yaa tulale yaa nuulu n mani leni U Tienu n gaa yaa padili ke li mani o po yeni.

Kolosi 1:24

N mangidi n pali moala leni min laadi yi po yaa fala. N tiendi yeni ke min gbieni n gbanandi nni yaala n poadi Kilisiti yaa fala o gbanandi nni, yaadi n tie o Nitaanli.

1 Tesaloniki 2:8

Tin den pia yi po yaa buama, li den mani ti po ke ti waani yi U Tienu Laabaaliŋamo. Laa tie lani bebe ka, ti den bua ki pa yi baa ti yula moko, kelima ti buama yi po den pundi hali laa bianu.

2 Timote 4:6

Mini yaa po, bi wuli nni nani mi padiñima yeni, n kuuma yogunu pundi.

1 Pieri 2:5

Yinba yaaba mo n tie nani yaa tana n fo, teni mani ban maa yi yin tua U Tienu diegu, o Fuoma n ye naankani. Lani, yi baa tua yaa kopadicianba n gagidi U Tienu po, ki padi o po yaa pada n gagidi, ki go mani o po, kelima Jesu Kilisiti yaa po.

1 Jan 3:16

Line n teni ke ti bani mi buama n tie yaala: Lani n tie ke Jesu Kilisiti den puni o miali ti yaa po. Li pundi timo n yaa puuni ti miana ti kpiiba po.