Filipi 1:29 - U TIENU MAAMA TILI 2013

²⁹ U Tienu n tieni yi po yaa ŋanbili yeni, laa tie ke yin daani Kilisiti bebe ka, ama yin go yaa laadi o po fala moko.

Gourmanchéma Bible

²⁹ Kelima U Tienu n tieni yipo yaa ŋanbili yeni, laa tie ke yin daani Kilisiti bebe ka, ama yin go yaa laadi opo fala moko.

Filipi 1:29 ပူးပေါင်းရင်းမြစ်များ

Matie 16:17

Jesu den guani ki yedi o: «Li pamanli ye leni a, Simon, Jonasi bijua, kelima nisaalo ka waani a la, n Baa yua n ye tanpoli n doagidi a po la.

Jesu Tondiba Tuona 14:22

I kaani kuli, bi den paagidi yaaba n daani pala, ki tundi ba ke ban yaa se bonŋanla li dandanli nni, ki tua ba: «Li tie tiladi tin kpa le fala boncianla, ki baa ki kua U Tienu diema nni.»

Jesu Tondiba Tuona 14:27

Ban den guani ki pundi likani, bi den taani Kilisiti Nitaanli, ki togidi ba U Tienu n den tuuni leni ba ki go tieni yaala kuli leni wan den luodi li dandanli buliñoabu bi nilanba mo yaa po maama.

Jesu Tondiba Tuona 5:41

Jesu tondiba n den ñani bi cancantieba taanli kani, bi den mangi bi pala leni U Tienu n sua ke li pundi ban le i fe o Diedo yeli po.

LOMA YAABA 5:3

Lani bebe ka, ti pia li pamancianli tin ye yaa fala nni moko, kelima ti bani ke fala baa teni tin bangi li juunli.

Efesa 2:8

Li tie li ŋanbili-paabu yaa po, ke yi faabi. Yi baa la kelima li dandanli yaa po yo. Laa ñani yi yaa kani, li tie U Tienu paabu yo.

Kolosi 2:12

Nani ban den taani ki piini yi leni Kilisiti kelima mi batisima po yeni, yi go fii bi tinkpiba siiga o yaa niinni, ki taani leni o, kelima li dandanli U Tienu yua n den fiini o bi tinkpiba siiga paalu po.

Jaki 1:2

N kpiiba, yin yaa nua ke yaa biigima buoli kuli n cua yi kani tie pamanli bonla,

1 Pieri 4:13

Ama yin yaa mangidi yi pala, kelima yi taani leni Kilisiti o fala nni. O kpiagidi yaa doagidi yaa yogunu moko, yi baa yaa ye leni li pamankandikaali.