Filipi 1:27 - U TIENU MAAMA TILI 2013

²⁷ Lanwani, bonyenla n tugi li yuli, lani n tie ke yi tagi n yaa da leni Kilisiti yaa Laabaaliŋamo. N yaa fidi ki cua yi kani ki laa yi leni n yàá fidi ki cua, min yaa gba ke yi se bonŋanla ki pia yantiayenli, ki moa o Laabaaliŋamo n cuani yaa dandanli yaa muali.

Gourmanchéma Bible

²⁷ Lanwani bonyenla tugi li yuli, lani n tie ke yi tagi n yaa de leni Kilisiti yaa Laabaaliŋamo. N yaa fidi ki cua yikani ki laa yi, leni n yaa fidi ki cua, min yaa gba ke yi se bonŋanla ki pia yantiayenli, ki moa o Laabaaliŋamo n cuani yaa dandanli yaa muali.

Filipi 1:27 ပူးပေါင်းရင်းမြစ်များ

1 Bi Badiba Jama 19:12

Joabi den yedi o waalo: «Li yaa tie ke Siiri yaaba pia u paalu ki cie nni, ŋan nanli nni. Li didi yaa tie ke Anmoni yaaba mo n pia u paalu ki cie ŋa, mini mo baa nanli a.

Pisomi 122:3

Jerusalemi, bi den maa ŋa bonŋanla, Ke a ñiana kuli kuu leni aya.

Pisomi 133:1

Ban caa Jerusalemi ki yiini yaa yanbu. Davidi yanbu. Li ŋani ki go mani ke yaaba N kpi n yaa taa ki ye leni biyaba!

Mi Kpanjama 22:23

O Diedo baa koani ki gaa ba, Ki kpa yaaba n ñandi bi miana.

Jeremi 32:39

N baa pa ba payenli leni yantiayenli, lani n tie ban yaa fangi nni yaa yogunu kuli, bani leni bi puoliŋuani yema manu po.

Matie 12:25

Jesu n den bandi ban maliti yaala yeni, o den yedi ba: «Yaa diema n boagidi ki tuogi leni mi yuli kuli baa bodi. Yaa dogu bi yaa diegu yaa niba n paadi, ki tuogi leni biyaba kuli kan yaa ye.

Jesu Tondiba Tuona 2:46

Daali kuli, bi den lindi ki taagi U Tienu diegu nni leni yanyenma, ki caa biyaba deni ki taagi ki di, ki boagidi bi jiema leni biyaba leni li pamanli leni li padingili.

Jesu Tondiba Tuona 24:24

Danaba n den pendi, Felikisi den cua leni o pua Dusili, yua n tie Jufi. O den teni ke bi cuani Poli o kani. O den teni ke Poli waani o po li dandanli Jesu Kilisiti nni n tie yaala.

Jesu Tondiba Tuona 4:32

Yaaba n den daani kuli den pia yanyenma leni yanjagiyenli. Oba kuli naa den yedi ke wan pia yaala tie wani bebe n die yaala. Nilo kuli den tuo ke o piama tua o lieba yaame.

LOMA YAABA 1:16

Mii jie i fe o Laabaaliŋamo wangima po. Li tie U Tienu paalu yaaba n daani kuli yaa tindima po, ki cili Jufinba, ki ŋoadi bi nilanba.

LOMA YAABA 1:5

O yaa po yo, ke ti den baa li ŋanbili ki tua o tondiba, ke tin yaa gobidi i nibuoli kuli, ban daani o ki tuo o maama.

LOMA YAABA 1:9

U Tienu, min ŋua yua leni payenli, ki wangi o Bijua Laabaaliŋamo, tie n siedo, ke n tiadi ki taagi yikuli yela yogunu kuli

LOMA YAABA 10:8

Lanwani, bi yedi lede? Bi yedi yaala n tie ne: «U Tienu maama ye ki kuu leni yi bonŋanla, ki ye yi ñoana nni leni yi pala nni. Mani n tie li dandanli yaa maama, tin wangi yi yaama.»

LOMA YAABA 15:16

ki teni ke n tua Jesu Kilisiti naacemo bi nilanba siiga. N tuuni yaa tuonli n gagidi ki wangi ba U Tienu Laabaaliŋamo. Lani n tie ke bani bi nilanba n tua nani U Tienu n baa tuo yaa padili ke li mani o, U Tienu Fuoma Yua n gagidi yaali wani U Tienu po.

LOMA YAABA 15:29

N bani ke n yaa cua yi kani, n baa gbie leni Kilisiti seli.

1 Korenti 1:10

N kpiiba, n mia yi ki go tundi yi, kelima ti Diedo Jesu Kilisiti yeli po, ke yikuli n yaa mani leni yiyaba, ke paadimiba kuli n da ye yi siiga. Lani n tie yin yaa taa yenma yi yantiana leni yi jaga kuli nni.

1 Korenti 15:58

Lanwani n kpibuadiba, yin yaa se mani bonŋanla ki da lengidi. Yin yaa suagi mani liiga o Diedo tuonli nni yaa yogunu kuli, ki bani ke yi tuonli o Diedo po kan tua fanma.

2 Korenti 13:11

N kpiiba, n majuodikaama tie mine: Yin yaa mangidi mani yi pala. Moandi mani ki ŋanbi ki dagidi cain, baagi mani yiyaba, ki yaa pia mani yantiayenli, ki yaa mani leni yiyaba. Lanwani, mi buama leni mi yanduanma Tienu baa ye leni yi.

2 Korenti 4:4

bani yaaba n kaa daani po. Sutaani, yua n die ŋanduna na, juani bi yantiana, ke ban da le Kilisiti yua n tie U Tienu nannanli yaa Laabaaliŋamo kpiagidi yendima.

2 Korenti 9:13

Laa tuonli n pia yaa ñuadi po teni, ke bi pagi yi leni yin tuo ki go ŋua Kilisiti Laabaaliŋamo leni yin puni bu paabu leni ti bulicindi maama, bani yaa po leni bi niba kuli po.

Galati 1:7

Moamoani laabaaliŋantoa ki ye, n maadi yeni kelima bi nitianba lengidi yi yama, ki moandi ki baa lebidi Kilisiti Laabaaliŋamo.

Efesa 1:13

Yimoko n den gbadi i moamoani maama, lani n tie o Laabaaliŋamo yua n cuani yi po mi tindima, yi den tuo ki daani Kilisiti. O yaa niinni, U Tienu den tieni yi po mi maalima, lani n tie U Tienu Fuoma Yua, wan den niani u ñoanianu ke o baa pa yi yua.

Efesa 1:15

Li tie lani yaa po ke min den gbadi yi dandanli o Diedo Jesu po maama leni yi buama bi nigagidiŋanba kuli po,

Efesa 4:1

Lani kuli yaa po, n tundi yi, mini yua n tie li kpaadili kelima n tie o Diedo yua. Moandi mani yi tagu n dagidi leni wan den yini yi yaala yaa po.

Filipi 1:5

kelima yin taa leni nni ki todi nni o Laabaaliŋamo wangima po maama, ki cili yin den kpa gbadi o yaa daali, ki pundi hali moala.

Filipi 2:12

Lanwani, n buakaaba, nani yin den tuo ki tiendi min yedi yaala min den ye leni yi yaa yogunu kuli maama, moala min kaa go ye leni yi yeni, yin go yaa tiendi yeni ki pugidi. Yin yaa moandi leni li fangili leni mi digibima, ki yaa ye yi tindima yema.

Filipi 2:24

N dugi o Diedo po, ke mini n ba moko baa cua yi kani ke li kan waagi.

Filipi 3:18

Niba boncianla ye, min den kpa waani yi yaaba yaa maama, ki go wangi yi la moala leni a bubula, ke bi tagi doagidi ke bi tie Kilisiti dapoanpoanli yibalinba.

Filipi 3:20

Ama tinba, ti tie tanpoli diema yaaba. Ti guu ke ti Candaano o Diedo Jesu Kilisiti baa go ña lankani ki cua.

Filipi 4:1

Lanwani, n kpibuadiba, min bua ki go le yaaba hali bonŋanla, yinba yaaba n tie n pamanli leni n kpiagidi, yinba n buakaaba, yin yaa se ke li pa o Diedo nni.

Kolosi 1:10

Yeni, yi tagu n yaa tie nani lan dagidi o Diedo po maama, ke yin yaa tiendi yaala n mani o po yogunu kuli. Yin yaa tuuni a tuonŋama buoli kuli, ki kpedi ki suagi liiga U Tienu bandima nni.

Kolosi 1:4

kelima tin gbadi ke yi pia yaa dandanli Jesu Kilisiti po leni yaa buama bi nigagidiŋanba kuli po.

1 Tesaloniki 3:6

Moala Timote n ñani yi kani ki kpeni, ki puni ti yaa laabaalo n mani. O waani yi dandanli leni yi buama n tie maama. O waani ti ke yi tiani ti po yogunu kuli leni li pamanli, ki go bua ki le ti, nani timo n bua ki le yi maama.

1 Tesaloniki 4:1

Ti kpiiba, ti majuodikaama tie mine. Ti den bangi yi yi tagi n baa yaa tie maama ki yaa mani U Tienu po. Moamoani yi tiendi yeni. Moala ti mia yi ki go tigini yi kelima o Diedo Jesu po, ke yin go yaa tiendi yeni ki pugidi.

1 Timote 1:11

Laa bangiŋanma ŋua o Laabaaliŋamo, U Tienu yua n pundi ki yaa baadi ti kpiagidi ki go pia mi yemanmoanma n piani nni yua.

1 Timote 1:19

Ŋan yaa kubi li dandanli leni yaa pali siedi n ŋani. Bi nitianba den ŋaa laa bonla ke bi dandanli bodi.

2 Timote 4:7

N moani li muaŋanli ki gbeni. N sani mi nuama ki gbeni. N kubi li dandanli.

Titi 2:10

ki da su liba. Ban doagidi ke bi tie nidugikaaba, ke ban teni bi niba n yaa jigindi U Tienu ti Candaano bangima.

Filemon 1:5

kelima bi wangi nni ŋan pia yaa dandanli o Diedo Jesu po leni ŋan pia yaa buama bi nigagidiŋanba po.

Jaki 3:18

Yaaba n lingi mi yanduanma, tuuni yaa tuona n tiegi mi yanduanma nni.

2 Pieri 3:11

Lanwani, nani laa bonla kuli n baa nandi ki bodi yeni, li pundi yi tagu n gagidi ki yaa ŋani, ki go tuo U Tienu n yaa die yi cain.

2 Pieri 3:14

Lanwani, n buakaaba, nani yin guu laa bonla kuli yeni, yin moandi o yaa cua, wan sua ke yii pia joagindiba leni tagiliba kuli, ama ke yi pia mi yanduanma leni o.

Jude 1:3

N buakaaba, n den bua hali boncianla ki diani yi po yaala n tie tikuli n taani ki pia yaa tindima po. Ama n den sua ke li tie n po tiladi min diani ki tundi yi, ke yin koani li dandanli koanli, U Tienu n den teni o nigagidiŋanba yaali, yenma u yogunu kuli po.