Filipi 1:23 - U TIENU MAAMA TILI 2013

²³ Laa bonliedila miabi nni. N bua ki ña ki gedi ki ban yaa ye leni Kilisiti, lani n cie n po hali boncianla.

Gourmanchéma Bible

²³ Laa bonliedila miabi nni. N bua ki ña ki gedi ki ban yaa ye leni Kilisiti, lani n cie npo hali boncianla.

Filipi 1:23 ပူးပေါင်းရင်းမြစ်များ

2 Samueli 24:14

Davidi den guani ki yedi Gadi: «N ye paboancianli nni. N yaa baa o Diedo yaa nuu nni, li cie kelima o ninñingbadima yabi. Ama min da baa bi nisaaliba yaa nuu nni wani.»

Pisomi 17:15

Ama mini wani n teginma nni, N baa le a nunga. N yaa fundi yaa yogunu, N baa ñuadi ŋan tie maama ki guo.

Pisomi 49:15

Bi baa gedini ba mi kuuma diema nni. Mi kuuma baa kpa ba, Nani u yankulu yeni. Li kan waagi bi niteginkaaba baa ŋmaa ba. Bi ŋamu baa gbeni, Bi tinkpiba diema n tua bi yekaanu.

Luki 12:50

Ama bi baa kpa batisi nni leni fala. N yama yagini boncianla hali lan baa tieni ki gbeni.

Luki 23:43

Jesu den guani ki yedi o: «N waani a moamoani, dinla liga a baa yaa ye leni nni ŋalijani.»

Luki 8:38

Mu cicibiadimu n ñani yaa joa yaa niinni den miadi Jesu ke wan cedi wan yaa ye leni o. Ama Jesu den cabi o ki yedi:

Jan n diani U Tienu Laabaaliŋamo maama 12:26

O nilo yaa tuuni n po, wan yaa ŋua nni. Min baa yaa ye naani, wani n naacemo mo baa yaa ye lankane. Yua n tuuni n po kuli, n Baa baa jigini o.

Jan n diani U Tienu Laabaaliŋamo maama 13:1

Hali ke mi Pendima jaanma daa pundi, Jesu den bani ke wan baa ña ŋanduna nni, ki gedi Baa po yaa yogunu pundi. O den bua o yaaba, yaaba n ye ŋanduna nni; O den bua ba hali mi juodima.

Jan n diani U Tienu Laabaaliŋamo maama 14:3

N yaa gedi ki ban ŋanbi yi po u kaanu yeni, n baa guani ki cua ki taa yi tin yegi, ke min ye naani, yimoko baa yaa ye lankani.

Jan n diani U Tienu Laabaaliŋamo maama 17:24

Baa, ŋan puni nni yaaba yeni, min baa yaa ye naankani, n bua bani moko n yaa ye lankane. Lani n tie ban yaa nua n kpiagidi, ŋan puni nni yaadi, kelima a den bua nni hali ke ŋanduna daa tagi.

Jesu Tondiba Tuona 7:59

Ban den lugidi Etienni a tana yaa yogunu, o den jaandi ki yedi: «N Diedo Jesu, ŋan gaa n naano.»

2 Korenti 5:8

Yeni de! Ti jigi co! Yaala n cie ti po tie tin ña, ki ŋaa ti diegu yaagu n tie ti gbanandi na, ki gedi ki ban yaa ye o Diedo kani.

2 Korenti 6:12

Tii luoni yi po ti pala, ama yinba wani luoni ti po yi pala.

Filipi 1:24

Ama yi yaa todima po, li baa yaa ŋani ki cie min yaa ye ki fo.

1 Tesaloniki 2:1

Ti kpiiba, yi bani ke ti cuama yi siiga ki den tie fanma.

1 Tesaloniki 2:13

Li tie lani yaa po ke yogunu kuli ti go tuondi U Tienu kelima yin den gaa tin den wangi yi U Tienu maama yaama. Yii den gaa ma nani mi tie bi nisaaliba maama ka. Ama yi den gaa ma nani man tie maama i moamoani. Lani n tie U Tienu maama yaama n tuuni yinba yaaba n tuo ki daani siiga.

1 Tesaloniki 4:17

Lani, tinba yaaba n sieni ki fo baa taani leni ba, ki yugi a tawala nni ki tuogi o Diedo mi fawaama nni. Lani, ti baa yaa ye leni o Diedo hali yaa yogunu kuli.

2 Timote 4:6

Mini yaa po, bi wuli nni nani mi padiñima yeni, n kuuma yogunu pundi.

Mi Doagidima 14:13

N den gbadi ke u nialu maadi tanpoli ki yedi: «Diani yaa maama n tie ne: ‹Li pamanli ye leni yaaba n kpe leni li dandanli o Diedo nni.› » U Tienu Fuoma Yua den guani ki yedi: «Yeni de! Bi baa fuodi leni bi tuonfala, kelima bi tuonŋama ŋua ba.»