Filipi 1:21 - U TIENU MAAMA TILI 2013

²¹ Mini wani yaa po, Kilisiti n tie n miali, mi kuuma mo tie n po ñuadi.

Gourmanchéma Bible

²¹ Kelima mini yaa po Kilisiti n tie n miali, mi kuuma mo tie npo ñuadi.

Filipi 1:21 ပူးပေါင်းရင်းမြစ်များ

1 Korenti 1:30

Ama yinba, U Tienu teni ke yi ye Jesu Kilisiti nni. O go teni ke Jesu tie ti po mi yanfuoma, mi teginma, mi gagidiŋanma leni mi daafaabima.

1 Korenti 3:22

Li yaa tie Poli, li yaa tie Apolosi, li yaa tie Sefa, li yaa tie ŋanduna, li yaa tie li miali, li yaa tie mi kuuma, li yaa tie yaa yogunu n tie ne, li yaa tie yaa yogunu n baa ti cua, likuli tie yi yaa yaala.

2 Korenti 5:1

Ti bani ke ti gbanandi yaadi n tie nani li gbandieli, tin ye yaali yaa niinni li ŋandunli nni baa bodi. Li yaa bodi, ti pia li dieli tanpoli po, nisaalo n ki maa yaali. Li tie U Tienu n maa yaali, ke li baa yaa ye hali yaa yogunu kuli.

2 Korenti 5:6

Lani yaa po, ti jigi co yogunu kuli. Ti bani ke tin da ye ti gbanandi na niinni yaa yogunu, ti da foagi leni o Diedo.

2 Korenti 5:8

Yeni de! Ti jigi co! Yaala n cie ti po tie tin ña, ki ŋaa ti diegu yaagu n tie ti gbanandi na, ki gedi ki ban yaa ye o Diedo kani.

Galati 2:20

Lanwani, laa go tie mini yua n ye ki fo, li tie Kilisiti yua n ye ki fo n niinni. Min pia yaa miali n gbanandi nni moala, n pia li kelima n dugi wani U Tienu Bijua po, wani yua n den bua nni ki puni o yuli ki kpe n po.

Galati 6:14

Ama mini, n kan tuo ki kpiagi n yuli bontoala kuli po, kali ti Diedo Jesu Kilisiti dapoanpoanli po. Kilisiti n den kpe li dapoanpoanli po yeni, ŋanduna bonla kuli tie n po nani li kpe, nmoko tie nani n kpe ŋanduna bonla kuli po yeni.

Filipi 1:20

Min bua ki go sugini maama tie ke min da le i fe liba kuli po. Ama nani lan den kpa tie maama, li go tie yeni moala. N sugini ke Kilisiti n baa ti kpiagidi n miali yema kuli nni, min ye leni min kpe kuli.

Filipi 1:22

Ama, n yema ki tinga po yaa baa todi n tuonli n suagi liiga, mii bani min baa gandi yaala.

Filipi 1:23

Laa bonliedila miabi nni. N bua ki ña ki gedi ki ban yaa ye leni Kilisiti, lani n cie n po hali boncianla.

Filipi 2:21

Yaaba n sieni kuli kuani bi yama bi ŋantaadiceli nni, baa kuani bi yama Jesu Kilisiti yaa ŋantaadi nni.

Kolosi 3:4

Kilisiti, yua n tie yi miana, yaa go cua ki doagidi o yuli yaa yogunu, yimoko baa taani ki doagidi leni o o kpiagidi nni.

Mi Doagidima 14:13

N den gbadi ke u nialu maadi tanpoli ki yedi: «Diani yaa maama n tie ne: ‹Li pamanli ye leni yaaba n kpe leni li dandanli o Diedo nni.› » U Tienu Fuoma Yua den guani ki yedi: «Yeni de! Bi baa fuodi leni bi tuonfala, kelima bi tuonŋama ŋua ba.»