Filipi 1:20 - U TIENU MAAMA TILI 2013

²⁰ Min bua ki go sugini maama tie ke min da le i fe liba kuli po. Ama nani lan den kpa tie maama, li go tie yeni moala. N sugini ke Kilisiti n baa ti kpiagidi n miali yema kuli nni, min ye leni min kpe kuli.

Gourmanchéma Bible

²⁰ Nani min bua ki go sugini maama tie ke n kan le i fe liba kuli po. Ama nani lan den kpa tie maama, li go tie yeni moala. N sugini ke Kilisiti baa baa ti kpiagidi n miali yema nni kuli, li yaa tie ke n baa kpe leni n yaa baa ye kuli.

Filipi 1:20 ပူးပေါင်းရင်းမြစ်များ

Pisomi 119:116

Nani ŋan niani maama, Kubi nni ke min yaa ye, Ki nan da teni n dugidi nni, min le fe.

Pisomi 119:80

Teni min fidi ki yaa ŋua A mabilikaama bonŋanla, Lani n tie min da fiagi!

Pisomi 25:2

N Tienu n dugi a yaa po yo. Da teni min le i fe! N yibalinba n da mangi bi pala n po!

Pisomi 62:5

Bi taani ki juogi ki baa ñani o o kaanu. Bi mangidi bi pala mi faama po. Bi gaaliti leni bi ñoana, Ki nan solini bi pala nni. Joma

Mi Kpanjama 10:28

Bi niteginkaaba dugidi puuni li pamanli. Bi nibiadiba wani yaa suginma baa bodi.

Mi Kpanjama 23:18

Kelima lani n pia saala, A kan luo ŋan bi guu yaala mo.

Esayi 45:17

Isidayeli yaaba wani, bi baa baa Mi faabima kelima o Diedo po. Yaa faabima n baa yaa ye hali yaa yogunu kuli, Yi kan go fiagi, yi kan go yaa ye Leni i fe hali yaa yogunu kuli po.»

Esayi 50:7

Ama o Diedo U Tienu todi nni. Li tie lani yaa po yo ke baa den faligi nni. Li go tie lani yaa po yo ke n den juagi N nunga nani ku tangu yeni, Ki bani ke n kan fiagi.

Esayi 54:4

Da jie liba kelima a kan go le fe. Da tiibi leni fe kelima bi kan go fiagi a. A baa sundi a jafandi yogunu. A kan go tia a kpepuodi yogunu fe,

Jan n diani U Tienu Laabaaliŋamo maama 21:19

Jesu n den maadi yeni, o den doagidi Pieli n baa ti kpe yaa kuuma, lan kpiagi U Tienu. Lani, Jesu den yedi Pieli: «Ŋoadi nni!»

Jesu Tondiba Tuona 20:24

Ama mii nua n miali ke li tie bonmoanla, yaala n pia n po mayuli tie, ke min fidi ki pundi n nuama bianu, ki dudi o Diedo Jesu n puogi nni yaa tuonli. Lani n tie, ki yaa wangi U Tienu ŋanbili Laabaaliŋamo.

Jesu Tondiba Tuona 21:13

O den guani ki yedi: «Be yaa po ke yi buudi, ki bua ki biidi n pali? N baa tuo ban loli nni Jerusalemi, ba ki kpa nni moko, o Diedo Jesu yeli nni.»

Jesu Tondiba Tuona 4:31

Ban den jaandi yeni, ban taani naankani den digibi. Bi den gbie leni U Tienu Fuoma Yua ke bi wangi U Tienu maama leni li papaali.

LOMA YAABA 12:1

Lani yaa po, n kpiiba, n mia yi ki go tundi yi, kelima U Tienu ninñingbadima po, ke yin pa U Tienu yi yula nani yaa padili n fo, yaali n gagidi ki ŋani ki mani o po. Lani n tie lan pundi, yin yaa kpiagidi o maama.

LOMA YAABA 5:5

Mi suginma yeni kan boandi ti, kelima U Tienu buama gbieni ti pala, kelima U Tienu Fuoma Yua, wan puni ti yua yaa po.

LOMA YAABA 6:13

Yin da go teni ti tuonbiadi n diedi yi gbananbuoli, ki teni tin tua mi biadima jatiadi. Ama yin teni yi yula U Tienu, nani yaaba n fii bi tinkpiba siiga, ki go ye ki fo yeni. Yin yaa puuni yi gbanandi U Tienu ki teni tin tua mi teginma jatiadi.

LOMA YAABA 6:19

N maadi nani bi nisaaliba n maadi maama, kelima yi yantiana tadingu po, ke yin fidi ki gbadi. Nani yin den kpa puni yi gbanandi ke ti tua ti cagindi leni mi biadima yonbi, ki baa yaa tiendi ti tuonbiadi maama, moala yin yaa puuni yi gbanandi tin yaa tie mi teginma yonbi, ke yin fidi ki pundi mi gagidiŋanma U Tienu po.

LOMA YAABA 8:19

Mi tagima kuli guu leni mi sugincianma U Tienu n baa doagidi o bila yaa yogunu.

LOMA YAABA 9:33

nani lan diani maama: «Diidi ki le, n bili Siyon juali kani Yaa tanli n baa teni bi niba n tuudi, Yaa tancianli n baa teni bi niba n baa yeni, Ama yua n dugi o po kuli, O kan le i fe abada.»

1 Korenti 15:31

N kpiiba, li tie moamoani ke n ye mi kuuma nni daali kuli, ama yinba n tie pamancianli ti Diedo Jesu Kilisiti kani.

1 Korenti 6:20

Moamoani o daa yi leni yaa dunga n pa. Lanwani, yin yaa kpiagidi U Tienu yi gbanandi nni.

1 Korenti 7:34

Lani n teni ke o puodaano yama boagidi kaanilie. O pua moko, yua n ki pia joa leni yua n daa bani joa, bimoko kuandi bi yama o Diedo ŋantaadi nni, ki moandi ki gagidi bi ki ŋanbi bi gbanandi leni bi yantiali nni. Yua n kuni o joa, kuandi o yama ŋanduna ŋantaadi nni, ki lingi ki baa yaa mangidi o calo pali.

2 Korenti 10:8

O Diedo den dini nni li bali, ke min todi yi yin suagi liiga o sanŋoadima nni, laa tie ke min guli yi ka. Ba ke n mangi n pali laa bali po ki pendi waamu, fe ki pia nni li po.

2 Korenti 3:12

Li tie ke ti pia laa suginma po yo, ke ti ye leni ti dugidi.

2 Korenti 4:10

Yogunu kuli ti tugi Jesu kuuma ti gbanandi nni, ke wani Jesu miali mo n yaa doagidi ti gbanandi nni.

2 Korenti 5:15

O den kpe bikuli po, ke yaaba n fo n da go yaa ye bi yucela po ka, ama wani yua n den kpe ki go fii bi tinkpiba siiga yeni yaa po.

2 Korenti 7:14

Ba n yaa pagi n yuli waamu yi po Titi kani, mii laa i fe lipo, kelima li doagidi ke min den pagi yi o kani maama tie moamoani, nani tin yen maadi yi yaa maama kuli n tie moamoani maama.

2 Korenti 7:4

N dugi yi po boncianla, n jigini n yuli yi po boncianla, n baa i baagi ke li dagidi. Ba ti falabiado nni kuli, n pia li pamankandikaali.

Filipi 1:14

N kpaadi teni ke ti kpiiba boncianla dugi o Diedo po ki cie, ki go paagi bi pala ki wangi U Tienu maama kaa go jie.

Filipi 2:17

Ba li yaa tie ke n soama baa wuli ki tua nani li ñincabili yeni, yi dandanli tuonli padili po, n baa yaa mangidi n pali li po, n go baa yaa mangidi n pali leni yikuli.

Kolosi 1:24

N mangidi n pali moala leni min laadi yi po yaa fala. N tiendi yeni ke min gbieni n gbanandi nni yaala n poadi Kilisiti yaa fala o gbanandi nni, yaadi n tie o Nitaanli.

1 Tesaloniki 5:23

Mi yanduanma Tienu, wani o ba n yaa gagidi ki ŋanbidi yi cain yi pala nni, yi yantiana nni leni yi gbanandi nni kuli. Lani n tie yin da pia tagiliba kuli ti Diedo Jesu Kilisiti cuama daali.

1 Pieri 4:16

Ama o yaa laa fala kelima o tie Kilisiti yua, wan da jie i fe li po, wan kpiagi U Tienu leni ban yini o laa yeli yeni.

1 Jan 2:28

Lanwani, n bibuadimu, yin yaa ye o niinni, ke wan baa doagidi yaa yogunu, tin yaa pia li papaali, ke o guacuama daali, n da tua ti po fe.