Esiteri 7:9 - U TIENU MAAMA TILI 2013

⁹ Yaa moagilimu n den ye leni o bado siiga nni yendo, ban yi yua Halibona, den yedi o bado: «Diidi ki le, Hamani den bogini ku daagu Mardoke po, wani yua yaa maama n den faabi o bado miali. Ku daagu yeni caa Hamani diegu nni, ke ku foaginu pundi nukpanduna piimuu.» O bado den yedi: «Ban ban soadi Hamani ku po.»

Gourmanchéma Bible

⁹ Yaa moagilimu n den ye leni o bado siiga nni yendo, ban yi yua Halibona, den yedi o bado: «Diidi ki le, Hamana den bogini ku daagu Malidoke po, wani yua yaa maama n den faabi o bado miali. Ku daagu yeni caa Hamana diegu nni ke ku foagimu pundi nukpanduna piimuu.» O bado den yedi: «Ban ban joani Hamana kupo ki soadi o.»

Esiteri 7:9 ပူးပေါင်းရင်းမြစ်များ

2 Bi Badiba 9:32

Jehu den yaadi ki diidi li diebonli po, ki yedi: «Ŋme n taa n po?» Moagilimulie bi moagilimutaa den diegi li diebonli kani ki nuali o po.

Esiteri 1:10

Li daleleeli, o bado n den ñuni duven ke o pali mangi, o den yini Mehumani, Bisita, Halibona, Bigita, Abagita, Setadi leni Kadikasi, bani yaa moagilileleedimu n den tuuni wani o bado po.

Esiteri 5:14

O pua Selesi leni o danlinba kuli den yedi o yaa maama n tie ne: «Ŋan teni ban caani yaa dafoagidigu n pundi nukpanduna piimuu, ke saala ku tiŋaagu, ŋan mia o bado wan teni ban joani Mardoke ki soadi o ku daagu yeni po. Lani yaa pendi, ŋan yegi leni o bado ki gedi mi jaanjiema po ke a pali mani.» Laa maama den mangi Hamani ke o den teni ke bi caani ku daagu.

Esiteri 6:14

Ban da den maadi leni o yaa yogunu, o bado moagilimu den cua ki gedini o tontoni Esiteri n go den ŋanbi yaa jaanjiema po.

Esiteri 6:2

Bi den cogi Bigitani leni Telesi, yaaba n den tie o bado moagilimu ki guu bu buliñoajabu, n den jagi ke bi baa kpa wani o bado Asuerusi maama ke Mardoke doagidi ki waani bi janbi.

Esiteri 8:7

O bado Asuerusi den yedi o puobado Esiteri leni Mardoke yua n tie Jufi: «Diidi ki le, n puni Esiteri Hamani diegu, min den teni ke bi soadi yua ku daagu po, kelima o den tandi o nuu ki bua ki bolini Jufinba.

Esiteri 9:14

O bado den ñani li ñoamabonli ke ban tieni yeni. Bi den kpaani li ñoamabonli yeni Susi nni, ki joani Hamani bijaba, ban den kpa yaaba bonba piiga yeni.

Esiteri 9:25

Ama Esiteri den kua ki laa o bado ke o ñani o ñoamabonli ki diani ke Hamani n den jagi yaa yanjagibiadili, ki bua ki bolini Jufinba yeni n guani ki baa o yuli po, ke ban joani o, wani leni o bijaba kuli ku daagu po.

Pisomi 141:10

Bi nibiadiba baa guani ki baa bi diadi nni, Ama mini wani baa fidi ki cia.

Pisomi 35:8

Mi yebiadima n ŋmaa ba ke baa bani. Ban cuoni ki dia yaa cuadi yeni n cuo ba, Ban baa lienni ki yaa ye fala nni.

Pisomi 73:19

Bi bodi yenma lede nne! A bolini ki gbeni ba Leni ti jawaanludikaadi.

Danieli 6:24

Lani, o bado pali den mangi boncianla, ke o teni ke bi ñani Danieli ku buogu nni. Ban den ñani o, baa den laa o po poagilimiba kuli, kelima o den dugi o Tienu po.

Danieli 6:7

Li yaa puoli, bi yudancianliediba leni guveneerinba yeni, den jaligi ki gedi o bado kani ki yedi o: «O bado Dariyusi, ŋan yaa ye hali yaa yogunu kuli.

1 Samueli 17:51

Davidi den sani ki pundi Goliati kani, ki sedi ki yagini o po ki cuo ki dadi ki noadi wani Goliati jugisiega ki jia o yuli. Filisiti yaaba n den laa ke bi jakoando kpe, bi den digi.