Esiteri 4:16 - U TIENU MAAMA TILI 2013

¹⁶ «Gedi ki ban taani yaa Jufinba n ye Susi kuli nni, yin loli bu ñoabu. Yensiinitaa leni ñiaditaa yin da je, yin da ño, ki yaa miadi n po. Nmoko baa tieni yeni mini leni n puotuada. Ti baa loli bu ñoabu. Lani yaa pendi, n baa kua o bado kani ba ke li kua. N yaa baa bodi, min bodi.»

Gourmanchéma Bible

¹⁶ «Gedi ki ban taani yaa Jufinba n ye Suse nni kuli yin loli bu ñoabu. Yensiini taa leni ñadi taa yin da je, yin da ño, ki yaa miadi npo. N moko baa tieni yeni mini leni n yuali. Ti baa loli bu ñoabu. Lani yaa pendi n baa kua o bado kani baa ke li kua. N yaa baa bodi, min bodi.»

Esiteri 4:16 ပူးပေါင်းရင်းမြစ်များ

Mi cilima 18:19

N den gandi wani ke wan bili li ñoamabonli o bijaba leni o diegu yaaba po, yaaba n baa ŋoadi o puoli, ki baa yaa kubi o Diedo sanu, ki go tiendi yaala n tiegi, ki kubi mi teginma. Li tie lani yaa po ke o Diedo baa tieni Abalahama po wan den niani o yaala kuli.»

Mi cilima 43:14

U Tienu yua n pia u paalu kuli n teni ke yin baa li ŋanbili laa joa kani, ke wan tuo yi kpelo leni Benjamen n yegi leni yi ki guani. Mini yaa po, bi yaa baa fie n bila, ban fie.»

2 Samueli 10:12

Ŋan paagi a pali. Tin koani leni mi jama ti niba po leni ti Tienu dogi po. O Diedo mo n tieni yaala n dagidi o po.»

2 Bi Badiba 7:4

Ti yaa yedi ke ti baa kua u dogu nni, ti baa kpe kelima mi jiema naa ye. Ti yaa didi se ne mo, ti nan baa kpe. Tin gedi mani ki ban kua Siiri yaaba toanagili nni, bi yaa cedi ti tin yaa ye, tin yaa ye. Bi yaa kpa ti mo, bani n bani.»

2 Bi Badiba Jama 20:3

Ti jawaandi n den cuo o maama po, Josafati den jagi ke o baa mia o Diedo. Lane, o den bili mi ñoalolima yaaba n ye Juda diema nni kuli po.

Esidirasi 8:21

Ahafa kpenu yeni kani, n den bili ke tin loli bu ñoabu ki waani ke ti miini ti yula ti Tienu nintuali, ke wan pa tinba, ti bila leni ti bonpiakaala li sancenŋanli.

Esiteri 4:15

Esiteri go den soani ban ban yedi Mardoke:

Esiteri 4:17

Mardoke den gedi ki ban tieni nani Esiteri n yedi maama.

Esiteri 4:3

O bado ñoamabonli leni o bali maama n den pundi mi diema nni naankani kuli, li paboancianli den cuo Jufinba kuli. Bi den luo bu ñoabu ki buudi ki kpaani, ke bi siiga boncianla den yie li paboanli tiadi, ki dua mi fantanpienma nni.

Esiteri 5:1

Li dataali, Esiteri den bobi o puobaditiadi ki kua o bado luolu nni, ki gedi wani o bado dieli nintuali. O bado den kaa o badidieli nni o bali kalikaanu, ke o nunga tiegi bu buliñoabu.

Esiteri 9:31

A tila yeni den tundi Jufinba ke ban yaa jaani Purimi jaanma yeni lan bili ban yaa jaani ma yaa dana, nani o puobado Esiteri leni Mardoke yua n den tie Jufi n den waani ba maama leni bani bi ba mo n den bili bi yula po leni bi puoliŋuani po maama. Bi baa yaa tiendi nani ban den jagi maama bi ñoalolima leni bi bubula po yeni.

Esayi 22:12

Li Miali Diedo U Tienu U Paaciamu Kuli Daano Yini yi dinla ke yin mua ki wolini, Ki kuo yi yula ki yie li paboanli tiadi.

Jeremi 36:9

Josiasi bijua Joakimi bali binmuuli, ciyia niinni, bi den kpaani o Diedo nintuali, ki bili li daali mi ñoalolima po, Jerusalemi niba leni yaa niba n ñani Juda dogi, ki cua Jerusalemi kuli po.

Danieli 2:18

O den yedi ba, ke ban yaa miadi Tanpoli Tienu, wan gbadi bi po mi ninñima ki doagidi bi po li bondoaginkaala yeni, ke ban da taani ki bodi leni Babilonni banda yaaba n sieni.

Matie 12:40

Nani Jonasi n den tieni danataa leni ñiaditaa o janciamo tugu nni maama, o Joa Bijua moko baa tieni danataa leni ñiaditaa ki tinga nni yene.

Luki 9:24

Yua n bua ki gaa o miali kuli, o baa biani li. Ama yua n baa biani o miali kelima mini yaa po kuli, baa faabi li.

Jan n diani U Tienu Laabaaliŋamo maama 19:22

Pilati den guani ki yedi ba: «Min diani yaa maama, n diani ma.»

Jesu Tondiba Tuona 10:7

Maleki n den ñani o kani, o den yini o naacenba siiga nibilie leni yaa toatieba n kuu o siiga yendo, yua n fangi U Tienu ki ŋua o.

Jesu Tondiba Tuona 20:24

Ama mii nua n miali ke li tie bonmoanla, yaala n pia n po mayuli tie, ke min fidi ki pundi n nuama bianu, ki dudi o Diedo Jesu n puogi nni yaa tuonli. Lani n tie, ki yaa wangi U Tienu ŋanbili Laabaaliŋamo.

Jesu Tondiba Tuona 21:13

O den guani ki yedi: «Be yaa po ke yi buudi, ki bua ki biidi n pali? N baa tuo ban loli nni Jerusalemi, ba ki kpa nni moko, o Diedo Jesu yeli nni.»

Jesu Tondiba Tuona 27:33

Lan den bua ki faa, Poli den mia bikuli ban je waamu, ki yedi ba: «Dinla n tie piiga n dananaa, ke yi guu leni fala, ki naa dini jiemiba kuli.

Jesu Tondiba Tuona 9:9

O den tieni danataa kaa nua, waa di, waa ñu mo.

LOMA YAABA 16:4

Bi den luni bi yula ki gaa n miali. Laa tie mini bebe n tuondi ba li po. Kilisiti Nitaana bi nilanba siiga kuli tuondi ba li po.

Filipi 2:30

O den luni o miali ki tuuni Kilisiti tuonli hali ki nagini mi kuuma. O den bua ki todi nni yin bi baa todi nni yaa todima, ki naa ye n kani.

Josue 24:15

Dinla, yi yaa bua ki yaa ŋua Li Miali Diedo, yin gandi yin bua ki yaa ŋua yua, li yaa tie yi yaajanba n den ŋua yaa tieni Efrati duoli po yo, bi li yaa ko tie Amori yaaba, yin ye yaaba yaa diema nni, n ŋua yaa buli yo. Mini leni n diegu yaaba wani, ti baa yaa ŋua Li Miali Diedo yo.»

1 Samueli 19:5

kelima o den luni o miali ki kpa Filisiti joa Goliati. O Diedo den tieni tinba Isidayeli yaaba kuli po mi faabicianma. Amo den laa la ki mangi a pali. Lanwani, be yaa po ke a baa wuli yua n ki pia tagili soama? Be yaa po ke a bua ki kpa Davidi fanma fanma?»