Esiteri 4:1 - U TIENU MAAMA TILI 2013

¹ Mardoke n den gbadi yaala n tieni kuli, o den padi o tiadi ki lani li paboanli tiadi, ki wuli oba po mi fantanpienma, ki doagidi o paboanli, ki kua u dogu siiga ki buudi ki kpaani.

Gourmanchéma Bible

¹ Malidoke n den gbadi yaala n tieni kuli, o den padi o tiadi ki lani li paboanli tiadi ki wuli oba po mi fantanpienma ki doagidi o paboanli, ki kua u dogu siiga ki buudi ki kpaani,

Esiteri 4:1 ပူးပေါင်းရင်းမြစ်များ

Mi cilima 27:34

Esayu n den gbadi o baa maama yeni, o den yaadi ki kpaani ki buudi boncianla, ki ye leni li pabiidicianli. O den yedi o baa: «Go gaali nmoko n baa.»

Mi cilima 37:34

Jakob den padi o tiadi, ki lani li paboanli tiadi, ki biidi o pali o bijua kuuma po, hali ke li waagi.

2 Samueli 1:11

Davidi den cuo o tiadi ki padi. Yaa niba n den ye o kani kuli moko den cuo bi tiadi ki padi.

2 Samueli 13:19

O den taa mi fantanpienma ki wuli o yuli po, ki buudi ki kuudi ki ban caa.

Esiteri 4:2

O den sedi o bado diegu buliñoabu kani, kelima li den kua ke yua n yie li paboanli tiadi n kua o bado diegu nni.

Esiteri 4:3

O bado ñoamabonli leni o bali maama n den pundi mi diema nni naankani kuli, li paboancianli den cuo Jufinba kuli. Bi den luo bu ñoabu ki buudi ki kpaani, ke bi siiga boncianla den yie li paboanli tiadi, ki dua mi fantanpienma nni.

Jobi 1:20

Lani, Jobi den fii ki sedi ki padi o liadicianli, ki kuo o yuli. Li yaa puoli, o den labini ki pugi U Tienu,

Jobi 2:8

Jobi den kaa ku tinbengu po mi fantanpienma nni, ki taa li tancancali ki kpiadi oba.

Jobi 42:6

Lani n teni n tuo ke i tagili tie n yii. N gbaa mi fantanpienma leni mi tama nni ki miadi sugili.»

Esayi 15:4

Hesibon niba leni Eleale niba mua Hali Yahatisi, bi gba bi niali. Lani n teni ke Moabi toatieba kuudi boncianla, Kelima bi jie ki luodi.

Esayi 22:4

Lani n teni ke n yedi: «Cedi mani nni suo. Cedi mani min mua boncianla. Yin da moa ke yi baa baagi nni Leni yaa yebiadima n ŋmaa n buolu yaaba,

Esayi 37:1

O bado Esekiasi n den gbadi laa maama yaa yogunu, o den padi o tiadi, ki baa li paboanli tiadi ki lani, ki fii ki gedi o Diedo diegu po.

Esayi 37:2

O den soani Eliakim badidiegu cenli ŋamu yudaano, Sebina o tidianlo leni bi kopadicianba siiga a nikpela, ke bi la li paboanli tiadi, ki gedi o saawalipualo Esayi, Amotisi bijua kani,

Esayi 58:5

Naani lani n tie min bua yaa ñoalolima? Naani mi ñoalolima tie ki tibini li yuli, Nani ku ñinmuagu yeni, Ki la li paboanli tiadi, Ki yaa bilini mi fantanpienma nne? Naani lani n tie yin yi yaala mi ñoalolima, Yaa daali n mani o Diedo po?

Esekieli 21:11

Lanwani, fini nisaalo biga, buudi ki poali ki buani kelima li paboanli po, ki buudi bikuli nintuali.

Esekieli 21:6

O Diedo go den maadi nni yaa maama n tie ne:

Danieli 9:3

Lani n den loli bu ñoabu ki lani li paboanli tiadi, ki wuli n yuli po mi fantanpienma, ki jigidi n nunga ki diidi o Diedo U Tienu, ki jaandi ki miadi o todima.

Mise 1:8

Mise go den yedi: «Lani n teni ke n baa mua ki figindi, N baa cuoni taapiena leni mubima, Ki doagidi n paboanli. N baa yaa mua ki tangi nani i tanboe yeni. N baa duni ki kpaani nani ti tataadi yeni.

Sofoni 1:14

O Diedo pabienli dacianli yeni nagini, Li nagini ki gbeni, li jaligi ki pundi. Landaali baa yaa tie moe bebe, Ba a jakoanda baa mua ki liini mi todima.

Matie 11:21

«Fala baa yaa ye leni fini Korasini dogu. Fala baa yaa ye leni fini Betisayida dogu, kelima yaa bancianma n tieni a niinni ne, yaa den tieni Tiiri leni Sidon dogi nni, bi den baa laa li paboanli tiadi, ki wuli mi fantanpienma bi yula po, ki doagidi ke bi lebidi bi pala hali yogu.

Jesu Tondiba Tuona 14:14

Bani Barnabasi leni Poli n den gbadi lani, bi den cuo bani bi ba tiadi ki padi, ki doagidi bi pabiidili, ki sani ki kua ku niligu siiga, ki kpaani ki yedi:

Josue 7:6

Li paboanli po, Josue leni Isidayeli yaaba nikpela den padi bi tiadi, ki wuli bi yula po mi tama. Bi den laabi o Diedo ŋantaadikpaku nintuali, ki yaa caa hali ku yenjuagu.

Mi Doagidima 11:3

N baa pa n siediliediba u paalu, ban yaa pua saawali hali tudili n kobilie n dana piiluoba. Bi baa yaa yie li paboanli tiadi.»